Ronaldo Nih Spain Model Nu A Helh

Christiano Ronaldo hi ah nungak nih an uar bakmi pathlawi a si, i tulio te i a helhmi (date) nu cu Spain Miss a rak simi Model Desire Cordero timi kum 23 nu a si tiah bia a hong chuak. 

Kum 31 a simi Ronaldo le Desire an i komh hi thla khat hrawng lawng a si rih tiah Spain mekazin Corazon nih a ttialmi Mail nih a ttial chin. Instagram i an hmanthlak LIKE an i pekmi le pumpak ca an i kuat nakin an kar ah i hmuhthiamnak a um. 

Desire Cordero le a hawile pahnih cu Madrid ah an i tthialnak a sau rih lo i an i tthial hnu in Desire cu Ronaldo inn ah an hmuh pah lengmang.


Hi nu nih hin Italy bawlungchuih thiam Enzo Renella zong a rak Date bal. 

Ronaldo cu vawleicung model minthang a simi Russia nu Irina Shayk he sau ngai an rak umtti nain Irina nih Ronaldo cu amah zawn lawng ai ruatmi pa tiah a kal taak.