Ronaldo le Messi ahhin hodah a thiamdeuh ti kong hi i al le ceih pah lengmang a si. Culio ah Barcelona i minngei a simi Xavi (k.36) nih "C. Ronaldo (k.31) cu Lionel Messi (k.29) he tahchunh awk a tlaak lo," tiah a ruahning a chim.
Repchap: RONALDO nih Messi cu FIFA17 ah a tei.
Mah bia cu Cadena SER nih intervio an tuah lio ah Xavi nih a chimmi a si i Real Madrid hmaikal le Euro2016 teitu Ronaldo caah lemh awk a har tukmi a si.
- Ronaldo hi hawi nakin bawlungchuih a thiamdeuhmi a si ko, nain Messi he hna tahchunh cu a si kho lomi a si. Aruang cu Messi hi bawlungchuih aa ngol tiang namber pakhatnak a si ko lai. Vawleicung i bawlung a chuihmi vialte nakin a thiamdeuh, i Real Madrid a ttanhtu ca lawng ah a thiam lo kho men, tiah Xavi nih CadenaSer.com ah a chimmi cu media dang nih an leh colh i Marca zong nih a ttial.
Ronaldo cu Euro2016 an dih hnu in caan sau nawn aa din i Osasuna he an chuih zanlei (zarhteni) lawng khan Real Madrid phu ah a hon i tel kho. Amah nih fawite in 1-0 goal cu a sut.
 |
| Euro2016 final ah Ronaldo thlir ding Hrai Xavi nih a luhpi lio. Reuters |
Xavi bia cu let lo in a um kho lo.
- Zeiruangahdah Xavi cu aa thlaak? Tu cu Qatar ah a chuih cang mi a si. Keimah hi Social Media ah kawlbik (search) mi ka si, tiah a chimmi AS nih a ttial.
Xavi cu Barcelona in a chuah hnu ah Qatar ah ai tthial i Al Sadd timi Club a hruai hna. A bia cu Ronaldo nih a hleiin a leh chap:
- Thawngpang cahmai pakhatnak ah cuan an duh a si ahcun keimah kong an chim a herh ti cu an i theih cu teh. Xavi hi Hrai tampi a thlirtu a si ko, World Cup zong a tei, Europe Cup zong a tei ko nain Sui-bawlung (Ballon d'Or) a co ballo tiah Chattsportsnet ah a chim.
Real Madrid cu La Liga an hon thawk i zarh thum a peh in teinak an hmu le Mark 9 in pakhatnak an hon si chung.
Barcelona belte cu Zarhte zan i amah inn cia ah a thiam lote Barcelona nih cei in a tei lai tiah ruahmi Alaves nih 1-2 in an hei phomh hna i Mark 6 in panganak ah an um.
Comments
Post a Comment