Watford - United 3-1. An ningzah awk ngaite a si.
The Special One, Mourinho nih Manchester United a pehpeh in puai thum a sunghpi hna lio ah amah he aa zuamcawhmi Pep Guardiola cu United he aa ral ngaimi Manchester City hi teinaknak in kar a hlaanpi cuahmah hna.
Jose Mourinho nih Porto manager rian a tlaih hi February 2002 in a si i United dah ti lo zei Club hmanh a pehpeh in puai thum a sunghpi bal hna lo. Atu hi a chan chung ah avoi khatnak a si.
Kan hnu zarh Premier League Derby ah Manchester City nih an inn ah 1-2 in an va tei hna. Europa League tei hna cu ningzak a si tiah Chelsea nih a hnubik EL. an tei lio ah a rak chim, nain atu cu Champions League chuih kho lo in Europa League i Feyenoord he an chuih ah tei lo in a sung diam. Zahan kha Watford nih ningzak ngai in an tuah tthan hna.
Kan hnu zarh Premier League Derby ah Manchester City nih an inn ah 1-2 in an va tei hna. Europa League tei hna cu ningzak a si tiah Chelsea nih a hnubik EL. an tei lio ah a rak chim, nain atu cu Champions League chuih kho lo in Europa League i Feyenoord he an chuih ah tei lo in a sung diam. Zahan kha Watford nih ningzak ngai in an tuah tthan hna.
An ning a zak ngai lai tiah ka ruah. An ningzah awk a si fawn. Ka bia a fakdeuh kho men, nain Watford hna cu tei ding hrim khi an si. An sunghning zoh tikah thin a sawh, mi a deuh. An sungh ding a rak si lo.
Mourinhon cu BBC nih bia an hal.
- Tu zanlei puai ahhin a biapimi pathum in ka hmuh, nain pakhat lawng hi kanmah nih kan tuah khawhmi a si. A pakhatnak cu phu khat caah pumpak in palhnak kan tuahmi a tamtuk. Mah hi kan i zuamdeuh a herh. Pahnihnak cu bual-upa hi an si. An palhnak a remh khomi kan si lo caah a poi. A pathumnak cu "Van" hi a si, i van kan ngei lo, a ti.
Asinain Mourinho nih "Watford nakin kan thiamdeuh ko," tiah BBC ah a chim.
Mourinho le United kong chim ahcun Pep le City kong chim lo ding cu a har ngai lai. Derby an si, aa zuamcawhmi Club an si pinah leicung i Manager thiambik si aa zuam veve mi an si caah a si.
Guardiola hi Manchester City tluk in a hlawh tlinnak Club a um rih lo tiah City a tlaih thawk in a chuihmi puai riat an zoh in an chim. Bayern a tlaih ah khan puai riat chung ah paruk lawng a tei, pakhat aa tluk, i pakhat a sung. Barcelona cu panga a teipi hna, pakhat a tlukpi i pahnuh a sung.
City ah cun pakhat hmanh sung lo in, teinak a hmuhpi hna. Asinain "Kan sungh caan a phan ve te ko lai," tiah Guardiola nih nai Bournemouth 4-0 in an tei hna zanlei ah a chim.
City cu Premier League ah a peh in puai nga a tei caah Mark 15 in a cungbik ah an um. Everton cu Mrk. 13 in pahnihnak le United cu 7nak ah an tlaaaaaaa.
Comments
Post a Comment