C. Ronaldo zong a si lo.
Nai zarhteni i Barcelona an sungh ah khan Luis Suarez cu Barcelona caah puai 100 nak a chuih a rak si. An sung ko nain amah caah cun tuanbia thar pakhat a ttial khawh. Barcelona i a chuih chung puai 100 ah Goal 88 a ngeih i amah pekmi goal (assist) 43 a ngei. Puai 100 a chuih chung ah Barcelona cu puai 12 lawng a sung i puai 80 cu teinak in a rak dih.
Puai 100 a chuih ciocio mi, Vawleicung bawlungchuih thiambik tiah ruahmi Messi le Ronaldo cu a lonh cang hna. Messi belte a ngakchiat tuk in a rak thawk caah tahchunh awk a ttha men lai lo.
Asinain Ronaldo belte cu 2009 i Real Madrid nih an rak cawk lio ah vawleicung ah a thiambik a rak si. Real Madrid ca i puai 100 a chuih ah Record thar a rak ttial ve ko nain Goal+Assist ah 124 lawng a si, i Suarez cu 131 a ngei. Ronaldo a chuihmi 100 chung ah 76 lawng Real Madrid teinak a hmu i Suarez cu 80 a teipi hna.
- Namber 9 aa hrukmi lakah a thiambik a si. Puai 100 ah Gaol 88 le Assist 43. Mah bantuk hmaikal cu kan hmu bal lo, tiah Premier League ah goal tampi a rak suttu Henry nih Sky Sport ah a chim.
Suarez hi Barcelona lawng ah hi ti Goal a sut hi a si lo. Liverpool a um lio ah Goal 82 a sut i mah cu puai 133 chung ah a si. Hi pa lawnglawng hi phaisa a ngeimi sining law Euro million 100 leng in ka cawk duh ding a si tiah leicung bawlung chuih thiam pakhat nih Pual Pogba an cawk lio ah a rak chim (a min ka van i cinken lo,).
Tu zan (9/13) hi Liverpool a rak um lio i a Manager pa Rodgers hruaimi Club Celtic he Champions League ah an itong lai.
Rodgers zong nih Suarez a tthatnak le a thiamnak lawngte chim ding ka ngei a ti. Suarez cu chungkhar zawn a ruat taktak mi pasal a si tiah a chim.
Kum hnih chung rian kan rak ttuantti khawh kha ka rak i nuam ngaingai. Amah hi vawleicung bawlungchuih thiambik lakah pakhat a si ve, tiah tu zan CL kong he pehtlai in a chim.
Cc: BBC/SkySport/VGLive
Comments
Post a Comment