September 27: Sam Allardyce cu England ram caah FA nih Manager ah an thimnak a sau rih lo, nain English Football Transitional Rules kong he pehtlai in nawl a buarnak kong bia a puan caah a rian in chuah a si cang.
Anmah FA nih biafehternak an ngeih hnu ah Sam cu England Manager rian in chuah a si kong Reuters le Sky Sport nih an ttial colh.
The Telegraph nih Cawnnikhat ni 26. Sept. ah khan Sam Allardyce nih Transitionnal Rules kong i a chimmi bia pawl an khumhnak an hmuh khawh i an thanh colh. Cu he pehtlai in 27. Sept. ah British media nih Sam kong cu an ttial i FA he an ton kong an rak ttial.
A zanlei ah England manager rian cu a kaltak ve.The FA can confirm that Sam Allardyce has left his position as @England manager. Full statement: https://t.co/oFu7dMn8CH— The FA (@FA) 27. september 2016
Euro 2016, France ah England an thiam lo tuk caah Roy Hudgson cu a rian in chuah a si hnu ah Sam Allardyce hi rian an rak khinhmi a si. A rian tlaih le ttuan caan a tawi tuk hringhran.
Daily Telegraph nih Sam he a thli in an laakmi biaruahnak pawl an laak khawhmi kong ah England Football Vawlei cu an ar ko. Sam nih a rak chawnhmi pawl hi Business minung pawl ah a rak ruah hna, nain a taktak ah Telegraph journalist pawl an rak si diam.
Hi thawngpangca nih a phuan khawhmi pawl cu:
- Sam Allardyce nih amah hlan i England manager a simi Roy Hodgson cu a dehcawh i "Woy" tiin a auh. "Roy nih mi dang (bawlung chuih zohtu) a ngutter hna, cun mah hi rian hi amah he a rak i tlaak lo," tiah Sam nih Roy kong a chim.
- Sam Allardyce nih amah hlan i England manager a simi Roy Hodgson cu a dehcawh i "Woy" tiin a auh. "Roy nih mi dang (bawlung chuih zohtu) a ngutter hna, cun mah hi rian hi amah he a rak i tlaak lo," tiah Sam nih Roy kong a chim.
- Euro 2016 i Iceland he an chuih ah khan Roy a bawmtu Gary Neville nih Marcus Rashford a chuih (luhding) a duh lo caah Englang an sung tiah a chim.
- FA phungphai he i kalh lo in zeitindah ramdang mi bawlung chuihtu pawl lak khawh an si timi a chimrel.
- £ 3million hrawng man a simi biatiamnak cu business-minung pawl he hnatlaknak ngeih khawh a rak i zuam.
FA nih Telegraph nih a ngeihmi biathup vialte a hal i a zoh hnu lawng ah Sam Allardyce kong i biaceihnak le biakhiahnak cu an tuah ve.
Sam Allardyce (61) cu England rian ni 67 te lawng a ttuan manh. Kum 21 tang a zohtu hna Gareth Southgate nih England A-team Manager rian cu a tlaih chung lai, i mi thar an laak hlan tiang a si lai.
Comments
Post a Comment