"Laiholh media pawl an palh," ti ruahnak in mah hi ka hon ttialmi a si lo, tiah pakhatnak ah chim ka duh. Gates bawmh zong a si lo.
Rumnak le Phaisa kong biatak tein a hlat i a ttialtu, a phuangtu a simi minthang Forbes le Fortune te hna nih zeitindah Phaisa kong le Mirum kong an ttial timi le Chirchanh kan laakmi hna nih an ttialmi hi khawika ah dah an lak chinmi a si timi a biapit ngai nak ka hon ttial.
Amancio Ortega hi Spain miphun, thilthuam sernak in a rum i ZARA cu min ngeingai a si. A rum bak ti cu kan theih, nain zeitindah a si khawh? Zara hi zaran nih kan i hruk le kan i tuahmi thil min a si maw? Kawlram ah teh, Asia tel ah, asiloah kan umnak Europe hmanh ah Zara hi biatak tein a hong lar hi caan sau a si rih lo caah ka khuaruah a harmi a si. Ka theih a tlai bia si kho men nain zei si hmanh ah cu tluk in a laarmi a si lo.
Vawleicung ah pumpak in phaisa a hlutmi tambik a simi Bill Gates hi "nun siang law na rum lai" timi bia ko a lo, a pekmi a tam tuk nain teitu a ngei taktak rih lo. Forbes nih a ttialning ah Gates nih a ngeihmi chung in USDollar 31billion hi "Hluuuuu" hlah sehlaw, a zuamcawh kho ding an um lo.
Lai media nih Independent chirhchanh in an ttial, i anmah minthang Media lila nih an rak i chirchanhmi cu FORBES hi a rak si.
Cucaah Lai media nih an catlang-tar ah "Independent; Bill Gates a rumbik a si ti lo, asiloah "Bill Gates a teitu a um cang tiah Independent/medias nih a ttial" ti phun in a tlangtar hna sehlaw, zumh a tlakmi media an si chinchin hnga ti khi News Feed i ka hmuhmi ka rel in ka ruat colh. Aruang cu media pawl nih Forbes an rak i chirhchan caah a si.
FORTUNE lila nih 9. September ah khan 8. September i Forbes nih a ttialmi chirhchanh in leicung a rumbik pawl kong a ttialmi ah tihin biatlang a tar;
- The Founder of Zara May Have Just Become the World's Richest Man (Zara dirhtu pa hi Vawleicung mirum bik a si kho men).
Forbes nih a thaizing 9.September ah "Easy Come, Easy Go. Amancio Ortega And Bill Gates Swap Places As World's Richest Man" tiah a ttial tthan. A ruang cu Bill Gates nih a tei tthan ti khi a si. A ttialtu aa khat ko khih. Phaisa kong ah min ngei a simi VenturesAfrica.com nih "Amancio Ortega did NOT overtake Bill Gates as the richest person in the World" tiah 9. September ah a ttial ve.
Forbes nih a rumbik CAZIN (List) a tuahmi zong ah tunai tiang kha Bill Gates a cungbik ah a um i Investor a simi Warren Buffet tu hi pathumnak ah a tla. Cu a si caah Independent nih ai chirhchanhmi khi Forbes journalist nih 8.September i a rak ttialmi a sinak a lang, Link a pekmi zong khi 8.Sept a si. (Net Worth le bang cun 90. billion hrawng a ngei, i Zara ngeitu khi cu 80 hrawng lawng a ngei. Wikipedia ah August 22. ah Forbes ttialmmi an chiah ko khih.)
BBC nih tuni ah a ttialmi te hi uar a um, i BBC te hna zumhtlak an rak sinak pakhat a si ve. Cucu tihin a ttial;
- How Zara's founder became the richest man in the world - for two days, a ti i, According to Forbes magazine, experts in estimating the bank balances of the world's wealthiest, Mr Ortega's fortune overtook that of Microsoft founder Bill Gates on Wednesday and Thursday this week, before fluctuating share prices pushed it back in to second place.
BBC nih ca a ttial tikah According to, timi a hman i ai dawh ngai. Cun For Two Days a timi nih hin cikhat te market/wallstreet ah a kai caan te lawng a si, a langhter.
Laimi tampi hi carel chin ko hna usih. Kan relmi hi thawngpang a si cun, zeitik an ttialmi dah a si timi siseh, khawika dah a hrampi a si timi hna theih a biapi ngai. A hlei in thawngpang. Cun a si khawh ahcun a ttialtu zong nih kan Leh-chin/ttial chin tikah an rak ttialnak a nithla le cu a ttialtu nih khawika indah a chuahpi tibantuk khi ttial chih ahcun rian hlei a si nain Media a rian lak ah pakhat a si ti ruah chih cu a hau ko.
Siaherh sawh!
Comments
Post a Comment