Bawlung thawngpang a linsami tete an um. Tthaal a chuak rih lo i mi cawk le zuar caan a si rih lo nain a fiangmi cu tutan Season a dih in cun club cheukhat ah thlennak lianlian a um lai ti hi a si.
Cu hna lakah Manchester City ah thlennak lianngai a chuak lai. Nai January Transfer Windows ah khan City nih mi a caw lo. Aruang cu Guardiola a luh tikah mi cawk a duhmi a caw kho sual lai lo ti an phan ca zong aa tel. Tthaal ah City cu a tthadeuhmi le a tthawngdeuhmi club siding in biakamnak he Gourdiola a lut hnik.
Kan chim bantuk in mi thar zong cawk aa tim. Daily Mirror nih a ttialning ah Joe Harts cu Gourdiola nih a duh lo ngaingai i amah zaka ah Bayern Munchen goalbawh Manuel Neuer cawk khawh ding in aa zuam cuahmah. Man. City nih Nenuer cu zarh khar ah Pund 300000 (sing3) pek ding in an leem. Arsenal, Barcelona le Juventus nih Dortmund i a chuih liomi Ilkay Gundogan cu an duh ngaingai nain amah nih Manchester City ah kal a duhnak a chim tiah Mirror nih a chim chih. Aruang cu zeidang a si lo, Pep Gourdiola tang ah rianttuan a duh caah a si, a ti.
Gourdiola nih a pawnchuahmi City manager Manuel Pellegrini cu rian lo in sau a um lai lo, tiah The Sun nih a ttial. Russia club Zenit St. Petersburg nih Andre Villas-Boas thlen ding in an duh.
Spain ah kal usih law, Real Madrid cu Champions League dah ti lo La Liga lak khawh ding an i ruahchan ti lo. Tthaal ahhin bawlung chuihtu pahra zuar asiloah club dang ah tthialter hna ding an i tim tiah SPORT nih a ttialmi The Sun nih a tialchin ve. Cu minung pahra hna lakah Ronaldo le Ramos zong i tel khawh an si. A dang cu James Rodriguez, Kroos, Jese, Danilo le Isco an si hna.
Cu ti mi an zuar hna tikah cawk an duhmi hna cu pakhatnak ah Chelsea i Eden Hazard cu Pund 80.million cawk an duh. Cu hnu ah United goalbawh De Gea, City hmaikal Aguero, Juventus alaikal Pogba le Bayern hmaikal Robert Lewandowski hna hi an hmuitinh taktak an si ti a si.
Chelsea nih Paul Pogba an duhnak an thup kho ve lo i tihni i Inter he Cup-semi an chuih ah mi ngiatu an thlah. Asinain hi pa hi City le United zong nih an duh tukmi a si ko. Cu lawng si loin Chelsea nih Inter hmaikal Mauro Icardi (kum 23) cu an duh ngaingai kong an chim. Manchester United zong nih an duh ve ko nain Inter hi Champions League a chuih khawh lo ding a si lawng ah zuar an i tim.
Thaizing hi Tottenham le Arsenal cu London derby an chuih lai i zoh a nuam hringhran lai. Tihni ah khan Tottenham le Arsenal cu club fadeuh pawl nih an tei hna caah Top-1 a simi Leicester caah cun tthawng tthabik a rak si i atu an i ton tthan cu an i lunghmuih ko lai. Pakhat paoh nih teinak an hmuh lo i an i tluk ding an duh taktak lai.
Zoh nuam te hna u.
Cc: Daily Mirror, Mail, Express, The Sun
Comments
Post a Comment