Manchester United nih Mourinho cu manager rian a tlaih thawk in kum khat ah Pund million 15 an pek lai tiah British Media pakhat nih a chim. Mourinho cu tthaal i Van Gaal rian in a chuah tikah a rawlhtu a si lai, ti zaa ah sawmkua a fiang cang, i kum thum ca in min an thut lai tiah bia a chuak.
British Media: Manchester United Nih Mourinho An Lak Lai
Sporten.com nih tuandeuh ah khan cun Pep Guardiola nakain Mourinho a hlawh a niamdeuh te lai tiah a rak ttial nain Daily Mail nih fiang tein a hlawh kong a ttial tikah an i tluk.
Mourinho rian a luh in United-player a tlawmbik paruk cu club an i thlen a hau lai tiah bia a chuak i a hmasabik ah Mata le Fellaini hi zuar an si lai ti a si. Mata cu Mourinho nih Chelsea lio tein a rak zuarmi a si. Fellaini cu a thiam lo tuk caah a si bik. - A dang a chuak ding cu Marcos Rojo, Daley Blind, Antonio Valencia le Ashley Young hi an si hna, i United caah a biapimi an si lo tiah Mourinho nih a ruah.
Mourinho rian a hmuhnak a ruang pakhat ah Medias nih ruahmi cu Atletico Madrid i Sport-director a simi Andrea Berta khi United ah lak ding in lungtlinnak an ngeih caah a si. Berta hi mi cawk a thiam tiah Atletico zoh in pom a si i Mourinho Agent-pa he hawikom an si caah kan lak khawh lai tiah an ruah. Cuti a si ahcun kan hnu hrawng i United caah mi cawk a thiam lo tukmi Ed Woodward cu rian lo in a um chom lai tinak a si.
A cung i chimmi pawl lawng si loin Ryan Giggs le United-player tampi caah Mourinho nih United rian a tlaih ding cu thawngchia taktak thawchuak lo in an theihmi a si lai.
Liverpool ah kal hna usih law, Klopp hi England Football ai ziak kho rih taktak lo. FA-cup ruahchannak a dih cang i Premier League top-4 zong a phanhpi hna lai lo. Capital One Cup lawng City he final a taang. Asinain Liverpool ngeitu nih fawite in an thleng ti lai lo, a ralaimi tthaal chung ah aa hrim ning zoh a si lai.
An ruahning bantuk a si lo caah Liverpool Fans an buai ngaingai i hlan Liverpool minthang a rak simi Fowler nih Klopp hi caan pek rih awk a si tiah a chim.
Liverpool-legend an ti nain Premier League a tei kho lomi Steven Gerrard nih PL a tei lonak a ruang a chim. Chelsea ngeitu mirum Roman Abramovitsj le Manchester City a cawtu Arab mirum hi rak um hna hlah sehlaw Liverpool ka um chung ah a tlawmbik Premier LEague hrai pahnih cu ka cawi ko hnga, tiah 90min ah a chim.
Bonus lo in Leicheter:
2015/16 Premier League tei kho ding ah a fiangbikmi Leichester City cu pakhatnak an lak ahcun a chuihtu pawl Bonus pek ding timi hnatlaknak an rak tuah lo ti a si. A rak itelmi cu Premier LEague in an tlak lo a si ahcun Pund 100000 cio pek hna ding a si i dot-khat hnu dot-kat in Sing-khat peng aa chap lai. Top-10 asiloah top-4 an i tel le bang ah cun a tam chinchin ding a si, nain pakhatnak an lak ahcun cuzah Bonus si lai, timi a rak um lo tiah Daily Mail nih a ttial.
Brenden Rogers nih Football he i hlat ka duh rih a ti, i club lian panga nih rian an ka hunh nain ka duh lo, tiah a chim. A caan phak tikah cun zeibantuk club ca paoh ah a tthabik in timh cia ka si ko lai, a ti.
Premier League zoh man a fah tuk caah a man kai ti lo ding le tthumh ding in ttanhtu pawl nih an hal. Cheukhat nih a man kong cu bawlung chuih an zohmi a dih hlan i a run in chuahtak nak in an langhter. Premier League lawng a si lo, Spain zong ah a si ve.
Liverpool nih cun atu hi a man kan kai lai lo, tiah an ti cang hna. England Premier League club ah Arsenal hi zoh man a fakbik a si.
Comments
Post a Comment