 |
| Manager ah a hlawh sangbik a si ding Guardiola |
Relchap: Pep Guardiola nih Manchester City a hruai cang lai
Manchester City ah kum thum um ding in min a thut i bawlung tuanbia ah a hlawh sangbik manager a si lai, tiah Daily Mail nih a ttial. City manager a si ni thawk in zarh khat ah Pund 300000 (sing 3) a hlawh lai caah Premier League ah a chuihmi hlawh sangbik Wayne Rooney nakin Pund 40000 tamdeuh a si.
Kum thum chung i a hlawh ding hi a zapi ah Pund 45 million leng a si lai tiah The Time nih a ttial. Kum khat ah Pund in million 15 (Hrai a thlirpi khawh hna ahcun million 19 leng bunus) a si lai. Hi tluk a tam cangmi hi Sponsor le a dang Bonus a hmuh rih lai ti a si.
Cu ti a si ahcun City rian a tlaih ni in Second pakhat ah pund-1 deng peng a hmuh lai tinak a si, tiah The Guardian nih a ttial.
Cu hlan cu Mourinho hi a hlawh sangbik manager a rak si. Chelsea nih an chuah hlan ah kum khat i a hlawhmi cu £ 8.7million a si i atu Guardiola nih a hlawh ding hi a let khat deng in a tam.
Arsenal manager Wenger hi Mirror ning ah Liverpool manager Klopp nih hlawh san ah a tei cang. Premier Leugue cu chanthar manager thiam timi hna nih an fuh cuahmah, hro a kual chin lengmang. Asinain a baumi cu vawleicung bawlung chuih thiam le minthang hna an si.
A rumtukmi City nih Guardiola duhnak an tlinh kho te lai maw? Guardiola nih cawk a duh mi pawl zanlei ah ka phuan te lai, cu hlan ah vawleicung bawlung manager lakah hlawh sangbik hna cu a tanglei bantuk hi an si:
8. Laurent Blanc, PSG - £5.1million
7. Luis Enrique, Barcelona - £5.7m
6. Sven-Goran Eriksson, Shanghai SIPG - £5.9m
5. Andre Villas-Boas, Zenit - £6.25m
4. Louis van Gaal, Manchester United - £7.3m
3. Arsene Wenger, Arsenal - £8.3m
2. Jurgen Klopp, Liverpool - £10.6m
1. Pep Guardiola, Manchester City - £15m
Share&Like
https://www.facebook.com/tlangchokhlei
Comments
Post a Comment