Bawlung thawngpang rel huammi caah ka von tial tawn i January kha mi cawk le zuarnak tete ka rak tial lengmang. Atu zong caan karlak rel a duhmi caah siaherhnak he ka hon tial pah tawn lai.
Liverpool nih zahan ah alak in Schalke Fc hnukham Joel Matip cu tthaal ah lak ding in hnatlaknak an tuah khawh. Liverpool an sunghnak a ruang bik hi hnukham an thatlo caah a si ve i hnukham tha an bau lio ah club lian pakhat i hnukham an lak khawh cu lung a si ngai.
Manchester United cu Mourinho nih tthaal in cun a hruai cang lai timi alnak um lo in bia a chuak cang i United-player tampi cu um zia thiam lo in khuaza an ruat. Tthaal hin cun zuar kan tong lai ti an ruah caah a si. Atu te hin Juan Mata kong cu an ceih cang i La Liga ah kir dawhbik a si, aruang cu Atletico Madrid nih United an ton cang hna tiah Daily Express nih a ttial.
United nih cawk ding in an i timhmi cu Germany club a simi Dortmund hmaikal Pierre-Emerick Aubameyang (kum 26) hi a si. Arsenal le Liverpool nih an ngiar tukmi a si ve nain Manchester United nih Euro 60million hrawng in an ngamh caah United nih lak khawh te dawh in a um. United nih hin a ralaimi tthaal mi cawk caan ah Sadio Mane timi pa zong cawk an i tim, i an cawk khawh ahcun an i hlawk ngai lai, tiah Daily Mail nih a tial.
Chelsea nih arfi bantuk in an i ngeihmi Eden Hazard cu tu zan PSG he Champions League an chuih hlan te ah Paris i TV-channel pakhat nih intervio a tuah i "PSG nih cawk an ka duh ahcun al a har ko lai," tiah a chim. Hazard hi ni kum Chelsea nih Premier League an tei lio ah a biapibik a rak si nain tu kum cu a lang ti lo.
Tulio Chelsea manager Guus Hiddink nih mah ti Hazard nih a chimmi cu a hnasen a tlak lo caah vawleicung i bawlung chuih thiambik lakah kai tel a ti ahcun a thiamnak langhter seh, a bikin tu zan hi a caah caan ttha a si tiah a chim. Hazard cu Real Madrid nih an duh ngai nain PSG ah kal a duhdeuh nak a langhter.
Spaine media OK Diario nih a ttialmi English media nih an leh chinning ah Atletico Madrid manager Diego Simeone nih a naule cu Chelsea ah aa tthial ding kong a chimh hna. Tthaal tiang lawng hi kan hruai cang hna lai i khi pin cu Chelsea ah ka um cang lai, tiah a ti hna. Simeone hi Mourinho a chuah hlan tein Mourinho chawngtu ding ah uar ngaimi a rak si.
Manchester City nih Pep Guardiola cu an hui cang. Guardiola nih Bayern a luh lio i a tuah bantuk in City zong a tuah lai tiah zumh a si, i cucu mi zuar i mi thar cawk a si. City nih atu te in an zohbik mi hna cu Paul Pogba, Luis Suarez, Robert Lewandowski le Sergio Busquets an si. Mah cu thawng an theih tikah City-player tampi cu an thin a phang ve, a ralimi tthaal hin cun zei club ahdah ka chuih te lai ti lawng an ruat ve ko.
Thiery Henry: Manchester City Nih Messi Cu An Caw Kho Lai Lo
Nan philh pah cangmi Mario Balotelli cu Liverpool nih manfak ngai in an rak cawk nain a ke chuah lo caah AC Milan an hlanh hna. Asinain Milan zong ah a zia a tthin lo i an manager he an i rem ti lo caah zuar ding a si. Khawika ah a phak te lai ti ruah tikah Liverpool hi a fiang bik. Klopp nih hin a hman zia a thiam khawh menmi zong a si i ngaih a um ngaingai.
City i a thiam pahmi Edin Dzeko cu Roma ah a ke a chuak ve ti lo. Cu caah club dang ah aa tthial lai tiah zumh a si i Turkey ah a kal lai ti ah an zumh bik.
Comments
Post a Comment