Wikipedia Kum 15 A Tlin Ah Bush, Jesus le Hitler Edit An Tongbik

Wikipedia

Wikipedia nih kum 15 a si lawmhnak ah Wikipedia i ttialmi capar remh a tambik timi pawl kha cazin a chuah hna. An van zoh tikah Wikipedia an ser kum i President a rak tlingmi pa kong a tambik ti a si.

George W. Bush kong an tialmi cu remh (edit) bikmi a si i voi 46000 bakte Wikipedia ah remh a tong. Bush cu zabu 21 chung ah raltuk in a minthang mi president a si. Huatu tamtuk a ngeih bantuk i uartu zong a ngei ve i kum zabu 21 a thawknak i vawleipi tuanbia a thleng le ttialtu a si caah a si kho tiah a ruatmi an um.

USA kong hi a pahnihnak an remh bikmi a si. Cun Michale Jackson, Jesus le Catholics Church cu an ichang hna.

Tulio i USA president a ttuan cuahmah mi Barack Obama kong le ralpi pahnih lio i an rak ttih tukmi Adolf Hitler cu 7 le 8nak an si.

Wikipedia cu January 2001 ah an rak thawk i nihin ah cun capar million 36 leng a um cang. Vawleicung online cauk chahbik remh (edit) khawh pengmi phun khat a si. Khatlei in chim ahcun Wikipedia i capar vialte hi ahopaoh nih remh le chap khawh an si. Nihin tiang ah zanghleicawi (volunteer) in Wikipedia capar a remhtu minung 80000 an um cang tiah amah Wikipedia lila nih a chim.

(NTB/Wikipedia)