Kan hnu zarh ah Taiwan President thar cu Nu a si tiah kan theih caah a si lo. Vawleicung ah nu president le prime minister an chuah pah lengmang cang lai. Tutan Taiwan thimnak ah teinak a hmu i Parliament ah mipi a aiawh ding Hard-rocker Freddy Lim kong zong hi khuaruahhar tuk cu a si lo. Taiwan nih Tuluk he i tthen an duhmi le anmah tein an ram kong ah duhthimnak an duhmi an langhtermi nih Asia politics thlihran a thlen ngaingai lai.
January 16. zing in Taiwan cozah thimnak ah Tuluk cozah dohtu party nih fiang tuk in a tei i Taiwan nih avoi khatnak nu President an ngeih lai tiah an thanh tikah Beijing cu a mithmai a chia hrimhrim lai: Mah tluk hin maw Taiwan nih Tuluk hi a duh ti lo? Zeica tiah cun Tuluk party Koumintang aiawh in President ai cuhmi Eric Chu nih thimfung 30% lawng a hmuh i Tsai Ing-wen timi Tuluk a dotu Democratic Progressive Party (DPP) nih cawl kho lo in a tei.
President Tsai Ing-wen hi 2012 zong ahkhan thimnak ah a rak i zuam ve nain a rak sung. Sihmanhsehlaw, tuluk nih Taiwan i a nawlngeihnak vialte hi a duh lotu mino an rak karh, 2014 ah Taiwan siangngakchia le mino tam tuk nih Taipei i an parliament cu ni 23 chung an rak au hnawh, i an duhnak an rak langhter. Tuluk he chawleh pehtlaihnak ser an timhmi cu an rawk ngolter hna i chanthar Taiwan tuanbia ah a lianbiak duhnak langhternak a rak si. Mah cu nih 2016 i Taiwan cozah thimnak ah DPP cu tampi a rak bawmh i teinak an hmuh ni ah Tsai nih:
- A phichuak nih a ka chimhmi cu mipi aw-aan le duhnak ngaihpiak a duhmi cozah kha mipi nih an duh hna timi hi a si. Mipi sinah thuhnawhnak tampi a ngei lomi le bochan a tlakmi cozah, cun bawmh a herhmi hna a zohkhenhtu cozah an duh ti a lang, tiah an party Headpuarter in a chim.
Amah he aa cuh i a sungmi Kuomintang party hruaitu Chu nih "Chairan Tsai Ing-wen nih teinak a hmuhmi cungah lawmhpinak bia ka chim. Mah hi a phichuak cu Taiwan mipi nih an i thimmi a si," a ti ve.
Tsai hi President a tlin tikah Taiwan i upadeuh le Tuluk a rak tlaihchan cangmi tampi cu an thin an i domh. Zeica tiah Taiwan cu Tuluk hngatchan in a um tiah an ruah caah a si. Tuluk a thinhun a si ahcun sipuazi a kan phih lai ti kha an phang. Cu ve bantuk cun Beijing nih hi thimnak ah Tuluk he aa naihniam tukmi Kuomintang party a sungh ahcun a zeilei paoh in Taiwan cu ka rengh lai a rak ti. Siipuazi phihnak hi an ttihmi pakhat a si i 2010 hnu in Tuluk ram in Taiwan ah khualtlawng le chawklet an tammi zong a zor lai ti an phang. Cu ti a si ahcun Taiwan phaisa lut hi kum khat ah Taiwan-dollar 20billion (USD 600million hrawng) an sung cang lai.
Asinain cozah thar a kai ding nih cun an ram caah a si khawh chung in rian ttuan kan i zuam lai an ti.
2014 Taiwan buainak ah a rak lang ngaimi Hard-rocker Freddy Lim hi avoi khatnak Rocker MP a si. Hlasak in an i chawhlehnak ah a passport ruang ah voi tampi airport ah kham a tong, a caan a dih tuk tawn. A passport ah Republic of China aa ti caah a si i a ngaingai tiah cun Taiwan cu vawleicung ram tampi ah Visa lo in an lut chuak kho. New People party, 2014 in a chuak termi party in MP a tlingmi Lim nih a chimmi cu:
- Kuomintang i ramdaw pawl khi Dinosaurs he an i lo hna. A luancia kum zakhat lawng silo in kum thongkhat i minung an si, tiah NRK ah a chim. Atu hi Internet chan a si timi an i fiang lo, i Taiwan nih Tuluk siipuazi aa hngat chan tiah an ruah. Cucu a si ti lo. Tuluk he pehtlaihnak cu kan duh, asinain mino nih cun an hmailei kong hi Tuluk nih bia a ceih ding an duh ti lo, tiah fiang tein a chim.
Asia ram tampi ah Nu president le prime minister an chuak lengmang cang. Cu lawng silo in fiang tein Tuluk he pehtlaihnak mipi le vawleipi theih in a dirpi i a langhtermi an karh tikah Tuluk nih aa ruahning bantuk in a ralaimi kum hna ah Asia hum dih a rak i ruahmi cu thil fawi a si ti lai lo. Cu lio ah Kawlram belte cu Tuluk sal in luat khawh ding ah rauh pah rih dawh in a um.
 |
| Timemagazine |
January 16. zing in Taiwan cozah thimnak ah Tuluk cozah dohtu party nih fiang tuk in a tei i Taiwan nih avoi khatnak nu President an ngeih lai tiah an thanh tikah Beijing cu a mithmai a chia hrimhrim lai: Mah tluk hin maw Taiwan nih Tuluk hi a duh ti lo? Zeica tiah cun Tuluk party Koumintang aiawh in President ai cuhmi Eric Chu nih thimfung 30% lawng a hmuh i Tsai Ing-wen timi Tuluk a dotu Democratic Progressive Party (DPP) nih cawl kho lo in a tei.
President Tsai Ing-wen hi 2012 zong ahkhan thimnak ah a rak i zuam ve nain a rak sung. Sihmanhsehlaw, tuluk nih Taiwan i a nawlngeihnak vialte hi a duh lotu mino an rak karh, 2014 ah Taiwan siangngakchia le mino tam tuk nih Taipei i an parliament cu ni 23 chung an rak au hnawh, i an duhnak an rak langhter. Tuluk he chawleh pehtlaihnak ser an timhmi cu an rawk ngolter hna i chanthar Taiwan tuanbia ah a lianbiak duhnak langhternak a rak si. Mah cu nih 2016 i Taiwan cozah thimnak ah DPP cu tampi a rak bawmh i teinak an hmuh ni ah Tsai nih:
- A phichuak nih a ka chimhmi cu mipi aw-aan le duhnak ngaihpiak a duhmi cozah kha mipi nih an duh hna timi hi a si. Mipi sinah thuhnawhnak tampi a ngei lomi le bochan a tlakmi cozah, cun bawmh a herhmi hna a zohkhenhtu cozah an duh ti a lang, tiah an party Headpuarter in a chim.
Amah he aa cuh i a sungmi Kuomintang party hruaitu Chu nih "Chairan Tsai Ing-wen nih teinak a hmuhmi cungah lawmhpinak bia ka chim. Mah hi a phichuak cu Taiwan mipi nih an i thimmi a si," a ti ve.
Tsai hi President a tlin tikah Taiwan i upadeuh le Tuluk a rak tlaihchan cangmi tampi cu an thin an i domh. Zeica tiah Taiwan cu Tuluk hngatchan in a um tiah an ruah caah a si. Tuluk a thinhun a si ahcun sipuazi a kan phih lai ti kha an phang. Cu ve bantuk cun Beijing nih hi thimnak ah Tuluk he aa naihniam tukmi Kuomintang party a sungh ahcun a zeilei paoh in Taiwan cu ka rengh lai a rak ti. Siipuazi phihnak hi an ttihmi pakhat a si i 2010 hnu in Tuluk ram in Taiwan ah khualtlawng le chawklet an tammi zong a zor lai ti an phang. Cu ti a si ahcun Taiwan phaisa lut hi kum khat ah Taiwan-dollar 20billion (USD 600million hrawng) an sung cang lai.
Asinain cozah thar a kai ding nih cun an ram caah a si khawh chung in rian ttuan kan i zuam lai an ti.
 |
| Bravewords.com |
- Kuomintang i ramdaw pawl khi Dinosaurs he an i lo hna. A luancia kum zakhat lawng silo in kum thongkhat i minung an si, tiah NRK ah a chim. Atu hi Internet chan a si timi an i fiang lo, i Taiwan nih Tuluk siipuazi aa hngat chan tiah an ruah. Cucu a si ti lo. Tuluk he pehtlaihnak cu kan duh, asinain mino nih cun an hmailei kong hi Tuluk nih bia a ceih ding an duh ti lo, tiah fiang tein a chim.
Asia ram tampi ah Nu president le prime minister an chuak lengmang cang. Cu lawng silo in fiang tein Tuluk he pehtlaihnak mipi le vawleipi theih in a dirpi i a langhtermi an karh tikah Tuluk nih aa ruahning bantuk in a ralaimi kum hna ah Asia hum dih a rak i ruahmi cu thil fawi a si ti lai lo. Cu lio ah Kawlram belte cu Tuluk sal in luat khawh ding ah rauh pah rih dawh in a um.
Comments
Post a Comment