[5 November 2015 i Rangoon in ka rak ttialmi]
August 2015 dih ah khan Kawlram a hnintu thawngpang cu "Ralkap nih Thurah Shwe Maan an tlaih i USDP hotu dirhmun in an tthumh." timi kha a rak si. Zeiruangahdah a si hnga? Party chairman pakhat a si pinah ralkap uniform he a si lio ah ralbawi lianbik pathumnak a rak mi Thurah Shwe Maan hi mah tiang hin an tuah khawh hnga? Biahalnak a phunphun a chuah bantuk in ruahdomh bia a phunphun a rak leng. A party an huat ruangah dangkhat' thlennak a duhnak a langhnak tete hmuh khawh a si caah dangkhat a uartu Laica reltu lila chung in an karh.
Zeica ti ahcun, party hotu in an tthumhnak a ruang hi party dang le an ralbik ah an ruahmi NLD le Pi Suu Kyi he itong in buahcih tuk in a um. Cun USA a tlawn lio ah a biachimmi vialte le Kawlram thlennak kong ah USA acozah sin i a chimmi pawl ruah tikah rangdeuh in Kawlram tthancho ding le democracy lam kan zawhmi a naldeuh ding a duh timi a rak langh caah a si. Mah tikah USA in a kir hlan tein an party hotu leiin an ttih ngaimi pakhat nih Thurh Shwe Maan chimmi vialte kha amah pumpak hmuhning a si, kan party a aiawh khomi bia (party aabaw) a si lo, timi bia in a rak don. Hi te lawng hmanh hin USDP huatu le Laimi tampi nih Shwe Maan cu an uar i president a si khawh ding an duh. - Rampi cozah thimnak ding zarh hnih hmanh aa duh ti lo lio ah "USDP caah ruahchannak a tlawm ko," timi a chim chinchap tikah a party minung nih cun an huat zual lai, nain a uartu an tam chinchin. A chapmi cu ram caah riantuan awk a tampi i ttuan ka duh ve. Tuannak nawl tu ka pe ve u, ti a si.
Thurah Shwe Mann hi a uniform thlen lawng si loin ralkap uknak in mipi thimmi cozah uknak hi democracy ning tein thlenpi a duh ve mi a si tiah ka ruahmi a si ve. Cucaah party hotu in an thlaknak a ruang phun a phunphun chimmi a um ko nain keimah nih ka zumhmi tutan ah chim kaa tim ve.
Ralkap le USDP a si bantuk in 2007 phunghrampi kha a lung a rak tling. Cun 2010 i 1990 hnu avoi khatnak democracy ning cozah thimnak ahhin fiang tein kan tei ko lai i keimah hi president ka ttuan lai timi a lungte in a rak iruah (lai dah). Amah nakin a niamdeuh mi Thein Sein nih fak tukin a rak deuh i zan zeimawzah cu rak i hngilh kho hlah sehlaw a dawh ( aa lungsak hrim lai lo). - Amah president ah an thimlonak a ruang hi Than Shwe nupi le ShweMan nupi an i rem lo caah a si timi bia arak chuak (T.S nupi nih S.M nupi a bengh bal an ti). Cupinah khatlei in Thein Sein cu mi ralchia, mi nunnem le phungbia nakin phungsertu (T.S) bia a ngaideuhmi a si caah a si ko (an ti).
President a si lo zong ah thlennak a duh taktak a si ahcun parliment i speaker dirhmun in a rak tuah khawhmi khi a tampi (lai dah). Cucaah a nunnak hmanh lak an rak duh mi, innthong kum tamtuk an rak thlakmi pi Suu Kyi kha a rian leng in a rak ton lengmang. Zeibantuk ruahnak a ngeih ti hi hngalh taktak a si lo nain a tthadeuhmi thlennak a duh tiah kan ruah cio. Asinain president a tlin lomi hi a philh kho (rua) lo, parliament ah siseh party chung ah le a leng ah phunghrampi remhnak kong hi kan ruahning tluk in a rak i zuam (duh) lo. Zeica ti ahcun, remh a har ngai ding a hngalh caah le an remh khawh a si ahcun a ralaimi thimnak ah Suu Kyi hi president a tlin khawh nakding a si caah a si i amah hi president a si khawh ding a har chinchin caah a si. Khatlei in chim ahcun Thein Sein a damlo caah le phunghram remh rih lo ahcun ralkap 25% le USDP nih hmuhmi vote in cozah ser khawhnak nih amah president a ttuanter khawh ding a rak ruah caah a si (lai dah). Phunghram thlen le rem ding a rak i zuam lo tuk. Cun thlen a duhmi hi a rak thup kho fawn lo i an thlaak. - Thein Sein nakin a fekdeuhmi thlennak kong a chim ruang le ramleng siseh ramchung ah an party phung a buarnak pawl ruang kha cu ka nolh ti lai lo.
Shwe Maan nihhin pasal tiin ralttha lawlaw le mah zawn i ruat loin, ahopaoh president i aa tlakmi cu president va tling hna ai kon, democracy ning tein a tthadeuhmi thlennak caah thih le thih in rak i zuam sehlaw atu nakhin an uar rih hnga. An upat rih hnga. Parliament i remh le remh lo vote an thlak lio ah remh lo nih a rak tei nain Shwe Maan bantuk minung a herhning tluk in an rak cawl lo caah a si tiin ka ruah ko. A rak ipalh. A party hotu in thlak a si hnu ah cun a har chinchin, party in a chuah lawlaw i NLD in i cuh sehlaw president a si colh hnga tiah hngakchia khuaruah khin ka ruat.
Ka tlangtar "ShweMan bantuk" timi khi upadi cung ah a ummi minung pawl khi hei sawh duhmi a si bik. Dr. Ngun Cung Lian cu CNF in a chuah lai ah biaroling a rak chim i cucu "cangvut le fikfa nih seh ballo mi" ti khi a si. CNF/A i biaceihbawi pakhat nih an phunghram/upadi cung i a ummi minung kha a rak uar hna lo. A phunghram ning tein thimnak tuah loin le cu phunghram thleng ta loin cu upadi he aa kalhmi thimnak kha a rak duh lo. Cucu tahchunnak sawh a si i ramchung ramleng in Laimi ka daw, Lairam ka daw a titu pasal lakah Shwe Man bantuk ruahnak pahnih a kemhmi an tam ko dakaw.
Yangon in umhar pheng. November 5. 2015.
August 2015 dih ah khan Kawlram a hnintu thawngpang cu "Ralkap nih Thurah Shwe Maan an tlaih i USDP hotu dirhmun in an tthumh." timi kha a rak si. Zeiruangahdah a si hnga? Party chairman pakhat a si pinah ralkap uniform he a si lio ah ralbawi lianbik pathumnak a rak mi Thurah Shwe Maan hi mah tiang hin an tuah khawh hnga? Biahalnak a phunphun a chuah bantuk in ruahdomh bia a phunphun a rak leng. A party an huat ruangah dangkhat' thlennak a duhnak a langhnak tete hmuh khawh a si caah dangkhat a uartu Laica reltu lila chung in an karh.
Zeica ti ahcun, party hotu in an tthumhnak a ruang hi party dang le an ralbik ah an ruahmi NLD le Pi Suu Kyi he itong in buahcih tuk in a um. Cun USA a tlawn lio ah a biachimmi vialte le Kawlram thlennak kong ah USA acozah sin i a chimmi pawl ruah tikah rangdeuh in Kawlram tthancho ding le democracy lam kan zawhmi a naldeuh ding a duh timi a rak langh caah a si. Mah tikah USA in a kir hlan tein an party hotu leiin an ttih ngaimi pakhat nih Thurh Shwe Maan chimmi vialte kha amah pumpak hmuhning a si, kan party a aiawh khomi bia (party aabaw) a si lo, timi bia in a rak don. Hi te lawng hmanh hin USDP huatu le Laimi tampi nih Shwe Maan cu an uar i president a si khawh ding an duh. - Rampi cozah thimnak ding zarh hnih hmanh aa duh ti lo lio ah "USDP caah ruahchannak a tlawm ko," timi a chim chinchap tikah a party minung nih cun an huat zual lai, nain a uartu an tam chinchin. A chapmi cu ram caah riantuan awk a tampi i ttuan ka duh ve. Tuannak nawl tu ka pe ve u, ti a si.
Thurah Shwe Mann hi a uniform thlen lawng si loin ralkap uknak in mipi thimmi cozah uknak hi democracy ning tein thlenpi a duh ve mi a si tiah ka ruahmi a si ve. Cucaah party hotu in an thlaknak a ruang phun a phunphun chimmi a um ko nain keimah nih ka zumhmi tutan ah chim kaa tim ve.
Ralkap le USDP a si bantuk in 2007 phunghrampi kha a lung a rak tling. Cun 2010 i 1990 hnu avoi khatnak democracy ning cozah thimnak ahhin fiang tein kan tei ko lai i keimah hi president ka ttuan lai timi a lungte in a rak iruah (lai dah). Amah nakin a niamdeuh mi Thein Sein nih fak tukin a rak deuh i zan zeimawzah cu rak i hngilh kho hlah sehlaw a dawh ( aa lungsak hrim lai lo). - Amah president ah an thimlonak a ruang hi Than Shwe nupi le ShweMan nupi an i rem lo caah a si timi bia arak chuak (T.S nupi nih S.M nupi a bengh bal an ti). Cupinah khatlei in Thein Sein cu mi ralchia, mi nunnem le phungbia nakin phungsertu (T.S) bia a ngaideuhmi a si caah a si ko (an ti).
President a si lo zong ah thlennak a duh taktak a si ahcun parliment i speaker dirhmun in a rak tuah khawhmi khi a tampi (lai dah). Cucaah a nunnak hmanh lak an rak duh mi, innthong kum tamtuk an rak thlakmi pi Suu Kyi kha a rian leng in a rak ton lengmang. Zeibantuk ruahnak a ngeih ti hi hngalh taktak a si lo nain a tthadeuhmi thlennak a duh tiah kan ruah cio. Asinain president a tlin lomi hi a philh kho (rua) lo, parliament ah siseh party chung ah le a leng ah phunghrampi remhnak kong hi kan ruahning tluk in a rak i zuam (duh) lo. Zeica ti ahcun, remh a har ngai ding a hngalh caah le an remh khawh a si ahcun a ralaimi thimnak ah Suu Kyi hi president a tlin khawh nakding a si caah a si i amah hi president a si khawh ding a har chinchin caah a si. Khatlei in chim ahcun Thein Sein a damlo caah le phunghram remh rih lo ahcun ralkap 25% le USDP nih hmuhmi vote in cozah ser khawhnak nih amah president a ttuanter khawh ding a rak ruah caah a si (lai dah). Phunghram thlen le rem ding a rak i zuam lo tuk. Cun thlen a duhmi hi a rak thup kho fawn lo i an thlaak. - Thein Sein nakin a fekdeuhmi thlennak kong a chim ruang le ramleng siseh ramchung ah an party phung a buarnak pawl ruang kha cu ka nolh ti lai lo.
Shwe Maan nihhin pasal tiin ralttha lawlaw le mah zawn i ruat loin, ahopaoh president i aa tlakmi cu president va tling hna ai kon, democracy ning tein a tthadeuhmi thlennak caah thih le thih in rak i zuam sehlaw atu nakhin an uar rih hnga. An upat rih hnga. Parliament i remh le remh lo vote an thlak lio ah remh lo nih a rak tei nain Shwe Maan bantuk minung a herhning tluk in an rak cawl lo caah a si tiin ka ruah ko. A rak ipalh. A party hotu in thlak a si hnu ah cun a har chinchin, party in a chuah lawlaw i NLD in i cuh sehlaw president a si colh hnga tiah hngakchia khuaruah khin ka ruat.
Ka tlangtar "ShweMan bantuk" timi khi upadi cung ah a ummi minung pawl khi hei sawh duhmi a si bik. Dr. Ngun Cung Lian cu CNF in a chuah lai ah biaroling a rak chim i cucu "cangvut le fikfa nih seh ballo mi" ti khi a si. CNF/A i biaceihbawi pakhat nih an phunghram/upadi cung i a ummi minung kha a rak uar hna lo. A phunghram ning tein thimnak tuah loin le cu phunghram thleng ta loin cu upadi he aa kalhmi thimnak kha a rak duh lo. Cucu tahchunnak sawh a si i ramchung ramleng in Laimi ka daw, Lairam ka daw a titu pasal lakah Shwe Man bantuk ruahnak pahnih a kemhmi an tam ko dakaw.
Yangon in umhar pheng. November 5. 2015.
Comments
Post a Comment