UEFA nih kum tin a thim tawnmi Team of the Year thimnak a tuah tthan. Vote petu million 7.2 an si i kum dang nakin an tamdeuh.
Tu kum ah Premier League in minung 5 cu 40 thim chungmi ah an rak i tel nain a taangmi minung 11 lakah aa tel khomi an um lo. Spain La Liga nih hmunhma an laak dih ngawt i Barcelona in a tambik an si.
C. Ronaldo hi UEFA team of the year ah avoi hranak ai tel a si, i ahohmanh voihra tiang an i tel ballo. Real Madrid in Sergio Ramos le Jame Rodriguez nih an zulh. Pumpak cio in vote an pek hna i Ronaldo nih a teimi cu Barcelona hnukham Pique lawng hi a si. Vote tambik a hmutu hi Messi a si i vote 187644 in Ronaldo cu a tei.
Premier League in hohmanh an i tel lo i Germany le Italy in minung pathum an chuak ve. Cu hna cu Bayern Munchen in Neuer le Alaba an si i a dang pakhat cu Juventus in Pogba a si.
Vote petu lakah 22% hi kum 18 an si i 44% hi kum 18-24 karlak an si. A dang vote cu 24% hi kum 25-34 kar, 8% hi 35-50 kar le 2% hi 50 cung nih an pekmi a si.
UEFA team of the year kan zoh a si ahcun Ronaldo nih Suibawlung a co ti lai lo timi khi a langhter khawh ngai i Barcelona in Neymar asiloah Messi nih an co te ko lai.
Vote tambik a ngahtu hna le UEFA Team of the Year cu mahhi an si:
Lionel Messi 448 445
David Alaba, 433 244
Andrés Iniesta 401 574
Manuel Neuer 379 304
Paul Pogba 361 421
Sergio Ramos 330 647
Dani Alves 291 611
Neymar 282 327
James Rodríguez 260 871
Cristiano Ronaldo 260 811
Gerard Piqué 254 279
Goalbawh: Manuel Neuer
Hnukham: David Alaba, Sergio Ramos, Pique, Dani Alves
Alaikal: James, Iniesta, Paul Pogba
Hmaikal: Messi, Ronaldo, Neymar
Cc: EUFA
Comments
Post a Comment