The Independent le ESPN nih zarhte ni ah an ttialmi cu Jose Mourinho nih cahmai paruk khat in riansoknak a ttialmi cu Manchester United hruaitu hna sinah a pek ti a si. Anih hna cu rian a ttuan lo zong ah Chelsea nih biakam a phoih caah hlawh an pek peng ding khi a si ko, nain rian lo in um cu a celh ti rua lo voitam ngai a ngiar cangmi United manager rian cu a von sok taktak cang.
Chelsea nih December 2015 ah rian in na rak chuah i atu naite tiang a thawng dai.
Manchester United cu an inn cia ah Southamton nih an hon tei hna chawng zong a si, i Van Gaal hi United fans nih dawi an duh he aa ton lio a si fawn. Mah hi Mourinho nih a tuak ko lai, Van Gaal hi a chuah deng cang caah hawi hlan in rian hi sok ning ti sehlaw, a dawh. Van Gaal hmai khah ding belte calcan lo ahcun a fawi lai lo, tthaal tiang cu Van Gaal hi um rih dawh cu a si.
Mourinho nih hin United hruai a duhnak hi a thup kho taktak lo. Ferguson aa dinh lio i a rak tonning, a duhnak a rak langhter ning le England ah a kir tthanning hin a lang. Riansoknak a ttialmi ah United dirhmun, le kalpimi khuaruahnak chung ah i thlen le i paih a duhnak kong a ttial, tiah hi kong a phuangtu tadinca nih an ttial.
Cu lawng si loin tutan Season i United an chuihmi vialte le a chuihtu hna zong ttha tein a ngiat (study) a tuah cang hna kong le, zeidah thlen le remh a herh timi lawng si loin United a tthawn khawh nakding ah minung cawk chap ding a timi hna zong a ttial chih, an ti.
Barcelona ah Van Gaal bawmtu a rak si:
 |
| Barca an rak um lio. foto: espn |
Van Gaal le Mourinho hi Barcelona ah an rak i kengkawi bal. Cu lio ah Van Gaal cu manager a rak si i Mourinho cu a bawmtu a rak si, Van Gaal nih a rak rinhchanh i a rak i bochan tukmi a si. Barcelona nih Van Gaal a rian in an phuah i Ajex ah kal ding a rak si lio ah Mourinho cu a rak sawm nain Mourinho nih "bawmhtu" nakin amah manager si kha a rak duh caah Porto ah a rak kal ve i Champions League a rak lakpi hna. Cu thawk cun Van Gaal he Champions League ah an i ton chel a si.
United nih Van Gaal a rian in an chuah ding hi a fiang pah ngai, zeica tiah an Sponsor lianbik Adidas nih Van Gaal an duh lo nak an langhter ngai cang. Cu a si caah amah chaangtu ding cu an ruah a hau cang i Season dih hlan ah an chuah a si ahcun Giggs nih a dih tiang a chaan ding a fiang.
England ah cun Mourinho nak lar cu an um rih lem lo, United fans nih Mourinho rumro ti haal in an haal.
Cuti a si ahcun Premier League zoh a nuam ti lo, kan ti pah lengmangmi hi a hong nuam kho tthan cang. Aruang cu vawleicung manager thiambik timi Gourdiola, Mourinho (United manager a si ahcun), a rauh hlan ah Chelsea nih Atletico Madrid manager khi maw, atu i Premier League a hnintu Leicester manager maw, asiloah kan ruah lomi pi a thiambakmi minthang a laak te lai, cun Liverpool i mimolh a lomi Klopp le Ferguson bang Arsenal ah kum tambik manager ttuan aa timmi Wenger tel pawl an i phomh tik khi cu,....
Khah! i pum lo hna in bawlung chuih zoh lai uci. Happy Sunday!!!!
Foto: foxsport.com and reuters
Comments
Post a Comment