Money League: Premier League Hi Phaisa Hmubik A Si

A luancia kum nga tiang ah cun leicung ah Premier League zoh a rak nuambik, atu zong a nuam rih ko nain Spain La Liga he an i thlau ngai i Germany Bundesliga he aa rual hrawng ah an cang. Sihmanhsehlaw, "Money League" tiah kum tin in Deloitte timi Company nih leicung bawlung club hna lakah phaisa hmunbik cazin a thanh tawn i 2014/15 ah Premier League chung in club tambik an i tel.

2014/15 ah teinak a hmu lo nain phaisa lut (income) tambik cu Spain La Liga in Real Madrid a si i Euro million 577 a hmuh.

Relchap: United nih Kroos cawk an duh

Barcelona hi certual ah cun an thiam tuk, teinak cu an ma ta bantuk a si. Cu ve bantuk in an income cu Euro million 560.8 a si ve i pahnihnak a si. Mah cu nih Premier League i thilo nunglo in top-4 i tel ding aa zuam cuahmahmi Manchester United a hon tei cang. Cu hlan ah United nih a tei a tamdeuh.

United hi pahnihnak in pathumnak lawngah a tla i a income cu Euro million 519.5 a si. Cu a si caah Manchester United hi 2015/16 kum ah Euro million 600 leng an i tinh i Deloitte nih cun a zumh piak ngai hna. Cuti a si ahcun Real Madrid lonh in pakhatnak an si kho tiah an zumh.

Income tthabik an si khawh nakding ahcun Champions League an chuih a herh lai. United nih cawngia(advertise) tuah piakmi company  pawl sin ah phaisa tamdeuh a lut lai. Cu ti hei ruah ning a si tak ahcun Manchester United cu kum 12 chung ah pakhatnak an hong si tthan kho lai tiah Deloitte nih an mekazin ah an ttial.


La Liga hi pakhatnak an si lengmang i hi kong ah Premier League a tei pah lengmang. Premier League in Manchester City cu paruknak a si i, ni kum i pakhatnak a latu Chelsea cu Arsenal nih a lonh cang.

Bawlung cu siipuazi caah a hong si chin lengmang. Cu tikah Premier League hi an thiam lo, zoh an nuam ti lo kan ti lengmang bu ah phaisa a hmubik an i tel rih i top-20 chung ah 9 cu Premier League club an si i top-30 chung ah 17 an i tel.

Atang ahhin 2014/15 i phaisa hmubik club 20 le ni kum an hmuhmi: 

Cc: www.2.deloitte.com