 |
| The Sun |
January transfer window 2016 an khar hlan chung Primier League, La Liga le a dangdang i nan ttanhmi club pawl nih hodah an zuar i hodah an cawk timi ka BLOG lai. Nitin a si khawh lo hmanh ah ni khat lak in hon ka leng te.
January ahhin cun Season laicir pi a si caah club a tamdeuh nih an mithiam pawl zuar an siang tawn hna lo i Club lian pawl zong nih an duhmi an caw kho tawn hna lo. Asinain Barcelona nih Liverpool in Suarez an laak kha cu an i fuh taktak. Mah bantuk kha cu a har lai.
Sihmanhsehlaw, a rum tukmi minthang Club, Real Madrid vawleicung bawlung chuih thiam minthang a rak simi Zidane nih a hon hruai kum ah Hrai thlir khawh chung thlir an duh caah tutan caan karlak mi cawk le zuar caan ahhin phaisa tampi hman an i tim i The Sun chimmi kan zumh a si ahcun £. 250million an hman lai.
The Sun nih a hawi hlan ah a ttialmi cu Chelsea i a chuihmi Eden Hazard hi an duhcemmi pa a si i amah lawng £80million in cawk an hal hna. Mah cu lawng in a za lo, a taangmi phaisa in Premier League i a thiambik ko tiah ka ruahmi David de Gea khi le Zidane nih a uar ngaimi Manchester City hmaikal Sergio Aguero cawknak ah hman an duh. Real Madrid club President Florentino Perez nih Aguero cu a duh tuk lo ti a si. Asinain zapi nih kan uarmi, Premier League a si lo ah La Liga ah chuih ve seh ti kan duh ngaimi Robert Lewandowski le Juventus i an i zohthla tukmi Paul Pogba zong a si khawh chung in lem an i zuam ti a si.
Sihmanhsehlaw, Barcelona nih Real Madrid le Atletico Madrid cu tutan ah mi caw kho lo ding in report an tuah hna, phaisa an hmang tuk i rengh awk an si ti a si. Mah bantuk hi a rak um lengmang. Atletico Madrid nih mi an cawk khawh lo ding zong cu khatlei in Chelsea nih Diego Simeone an cawk khawhnak ding a lam pakhat a si, tiah Mirror nih a chim.
Chelsea kong von peh lawlaw sihlaw, AC Milan a rak um lio ah vawleicung mino lakah pahrang a ngei bak an rak ti i an rak uar tuk Alexandre Pato kha a philhmi zong nan um pah cang lai, atu hi Chelsea nih cawk an duh tiah Telegraph nih a ttial. Aa khawnden a rak tam caah Milan in Corinthians ah aa thial. atu cu kum 26 a si cang i Liverpool zong nih an ngiar pah.
Premier League club pawl nih an i cuhmi Saido Berahino kong hi tu thla chung cu a dai tuk lai lo. Kum 22 a si i Tottenham, Manchester United, Liverpool, Newcastle le Chelsea an i cuh. Cu lawng a si lo, Premier League a hnintu Leicester zong an i paih ve cang. The Mirror ning ah Leicester manager Ranieri nih hmaikal thar a duh. West Bromwich nih tthal lio ah Tottenham cu voi li an rak al hna. Asinain atu hi manager Tony he an i rem tuk lo caah a chuih lo a hong tam cang nain kan zuar rih lai lo ti a si.
Manchester United nih Ajex hmaikal kum 20 lawng a si rihmi Anwar El-Ghazi an duh ngaingai tiah Mirror nih a phuan ve. Ajex ah puai 12 a chuih i goal 8 a sut cang. A man fak lai lo, i Liverpool le AC Milan zong nih innka an va kingh ve. Asinain Manchester United zong mi thar cawk an herh i
Tottenham hmaikal Harry Kane cu cawk an hal ve hna. Liverpool nih Athletic Bilbao i kum 21 lawng a si rihmi Inaki Williams an peel cuahmah tiah The Guardian nih a ttial. Amah hi Atletico Madird le Real zong nih an duh ve. Tutan ah goal 10 a sut. Euro 20million in cun an sian khawh men. Nihin cu Muslim min a tam ko.
Tottenham le Liverpool nih Yasin Ben El-Mhanni an ngiat tuk ti a si. Kum 20 a si i atu hi Premier League club pawl ah an test cuahmah lio. Atang Youtube ah hin von zoh ve u, Liverpool fans nih nan duh lai maw?
CoMeBack JAck!
Comments
Post a Comment