Bawlung Biathli: Ferguson Cu Giggs Ruahnak Petu Ah Timh Cia A Si, Barcelona Nih Duhmi Premier League Chuihthiam Pahnih

January a si bantuk in tthal lio nakin cun mi cawk le zuar cu a hardeuh kho men. Asinain bawlung vawlei ah phaisa nih zeipaoh a tuah khawh cang. Phaisa hi nawl a ngei tuk. Von zoh rih hna usih.

Alex Ferguson cu Ryan Giggs ruahnak petu ah timh cia a si, tiah Sunday People nih a ttial le thil mak ngai a si caah amah kong in von thawk usih. Ferguson hi Manager a ttuan tthan lai lo, nain Giggs ruahnak petu a si lai.

givemesport.com

Ryan Giggs hi Van Gaal bawmtu a si. Mi tampi nih cun Manchester United manager a ttuan zau lai tiah an ruah, a hlei in Club hruaitu hna nih Van Gaal an chuah ahcun Giggs nih a chaan ko lai tiah zumh a si.

Nihin hi Ferguson nih Premier League in thlak a rak duh zungzalmi Liverpool he an chuih lai. Tutan i an sungh a si ahcun Van Gaal an phuah ding an zumh ngai. Cu ti a i ahcun 2014 i Moyes an rak chuah lio ah Giggs nih a rak tlaih chung bantuk in si tthan dawh a si caah Ferguson zong cu ruahnak petu si ding in ruah a si.

Barcelona cu Premier League lei hoih in khua an cuan, anmah chuihdan he aa tlak ding tiah an ruahmi cu Arsenal alaikal Aaron Ramsey hi a si. Express nih a ttialnak ah Ramsey hi kum tampi Barca nih an rak ngiat cang. An cawk takding a si ahcun £50 in £60 million karlak an liam a herh lai.

Asinain Ramsey lawng hi Premier League i an duhmi a si lo. Daily Mail nih a ttialning ah Everton i an mino te John Stones hi an duh ngaingai i Zarhteni i Chelsea he an chuih zong ah khan Barca nih mingiatu an thlah. Kum 21 pate hi Chelsea zong nih an rak hal, nain "Money can't buy you Stones" timi hla tu an rak sak hnawh hna. Stones hi atu ning tein a tthancho a si ahcun "Future England Captain" a si lai, tiah an ruah.

January Bawlung Biathli: Real Madrid nih phaisa tor hman an i tim

Chelsea nih Crystal Palace hnukham Scott Dann hi tu kum Season chung vialte an ngiat cang. Mirror ning ah Chelsea nih Dann cu John Terry ai rawl ding ah an duh tuk. Cu lawng si lo in Leicester i Mahrez cu Chelsea nih lak ding in an duh ngaingai i an manager zong an duh chih caah an i ruahchan  ngai.

Chelsea har fulgt Crystal Palace-midtstopper Scott Dann i hver eneste kamp denne sesongen. Ifølge Daily Mirror utforsker Chelsea muligheten for å erstatte en aldrende John Terry med Dann. Riyad Mahrez er også stadig på radaren til Chelsea, skriver Daily Star.

Premier League ah hawi hlei in a min langmi pa pakhat Liverpool aa i tthial khawh a si. Daily Star nih Leicester hmaikal Jamie Vardy cu tutan Season dih, tthal in khin Liverpool ah chuih ding in an hal. Kum 29 a si cang i tutan ah goal 15 a sut caah khuaruahhar cu a si pah,

Arsenal, Bayern le Liverpool nih an i duhmi Granit Xhaka cu Borussia Monchengladbach nih zuar ding in an sian. Amah belte an hauhmi zah in a duhtu an um lawng ah ti a si.

Real Madrid ah kal usih. FIFA nih micawk a khap ko hna nain an zeipoi lem lo. Real Madrid nih Toni Kroos cu Manchester United ah hlonh an duh tiah Metro nih a ttial. United nih an duh a si ahcun £40,5 million hrawng in an i lak lai i mah cu man in PSG hmaikal Edinson Cavani cawk an duh. Cavani hi PSG ah aa nuam lo ngaingai, tiah bia a chuak lengmang. Arsenal zong nih Cavani cu an duh ngaingai.

----
ra than te.