Leicung chawleh lei mekazin minthang Forbes nih vawleicung i bawlung club man ngei bik cu mah hi an si, tiah a thanh i 1990 kha a hnubik Liverpool nih Primier League an tei a si nain top 10 chung ah aa tel ve. Real Madrid cu pakhatnak a si than, i Barcelona cu pahnihnak ah aa thlai.
Real Madrid nih Spain La Liga hi 1990 kum hnu in voi 7 lawng a tei rih, an phaisa hman tuak in cun a tlawm. Asinain nihin ah cun Barcelona nakin man a ngeideuh mi club a si rih ko. An angkir zuarmi le TV- in an hmuhmi hi biapi in Forbes nih a chiah. Bawlungchuih thiam hlei ah pumrua le muisam in aa za timi pawl a van cawk hna tikah nu tiang nih an angki kha an i cawk ttheo mi hmanh khi an miak nak cu a rak si.
Pathumnak cu Manchester United a si i atu ning tein Champions League hna an i tel khawh zau lo a si ahcun an man a tla lai. Ni kum atu tikah khan an man a rak tla ngai nain tu kum cu 10% in a kai.
Forbes top 10 chung ah Liverpool FC aa tel tikah khuaruah har ngai a si, nain England ahhin United le Liverpool tluk in hmun a ngeimi club an um rih lo pinah vawleicung ah Liverpool a ttanhtu hi an rak tam ve hrim rih. Forbes nih bawlung puai ni phaisa lut, media in a lutmi le sponsor in an hmuhmi a tuak tikah Liverpool cu a taang tuk rih tthiam. Atuning tein an si rih belte ah Laimi cheukhat United in club lian dang "ttanh" an i tthial phun in an tthial tak dih nawn te hna ahcun an ttumh tthan te ko lai.
Atu Liverpool an dirhmun hi a chia tuk cu a si lo, i Rodgers nih a rian peh awk a si ko, a titu hna sinah kaa hrawm. Amah belte vawleicung club lian lakah itel ve usih, Primier League tei ve usih ti an duh a si ahcun a ngeitu nih phaisa an siandeuh cu a hau hnga. Tahchunnak ah atu United ah kal ai timmi Depay nih khin ziah Liverpool a hlawt? Min a ngeitukmi Club nih ziah a thiammi a cawk khawh lai lo?
Tutan primier league teitu Chelsea cu paruknak a si i 58% bak te an man a kai. A ngeitu a rum lawng silo in anih cu Europe ah a lianbik le min ngeibik club si a duh tukmi a si caah leicung minthang a kutdong in a sawh lengmang hna. Amah bantuk in tei lawng a ruatmi manager a auh tthan tikah an hmailei lam cu a ceu ngaingai ko.
2015 i Club Man Ngeibik 20:
Percentage langhtermi hi ni kum he tah in a si. USD Million in langhter
1. Real Madrid – 3 263 (-5%)
2. Barcelona – 3 163 (-1%)
3. Manchester United – 3 104 (+10%)
4. Bayern München – 2 347 (+27%)
5. Manchester City – 1 375 (+59%)
6. Chelsea FC – 1 370 (+58%)
7. Arsenal – 1 307 (-2%)
8. Liverpool – 982 (+42%)
9. Juventus – 837 (-2%)
10. AC Milan – 775 (-10%)
A tang 10 hi cu an man ka van tial ti lo.
11. Borussia Dortmund
12. Paris Saint-Germain
13. Tottenham
14. Schalke 04
15. Inter
16. Atletico Madrid
17. Napoli
18. Newcastle
19. West Ham
20. Galatasaray
Cc: Forbes , foto: Metro
Comments
Post a Comment