Tuni Bawlung Biathli: United, Liverpul le Chelsea Nih I Cuh Mi Pa

2014/15 Bawlung kum a dih cuahmah. Pakhatnak ai fiangmi Liga pawl zong an um cang hna i tu zarh le hmai zarh cun an i fiang ngawt lai. Tu zan ah Juventus nih Sampdoria 1-0 in a tei hnu ah Italy Serie A cu a tei. Germany cu Bayern nih an tei, Scotland ah Celtic nih a tei i Spain ah Barcelona nih Real Madrid mark hnih in an lonh i Barcelona nih pakhatnak a lak lai ti a fiang rih lo.

England ah teh? Thaizing hi Chelsea nih Crystal Palace an va tei hna asilole an i tluk a si ahcun Chelsea nih tu kum Premier League cu an lawmh khawh cang lai. - Asinain mah hi caan chung ahhin club tampi nih a ralaimi bawlung kum an cuan chung cang. <Mi zeidah kan i kalpi lai, i mi zeidah kan zuar lai?> ti an ruat i <Mi zeidah kan cawk in kan laak lai?> ti kha biapi ngai a si fawn.

Tuni bawlung biathli a thangdeuhmi pawl cu mah hi a si: Harry Kane le Danny Ings hi hmun khat ah an chuih tti te kho men.


Raheem Sterling nih Liverpool fans a rem tuk ti hna lo. Sterling kong hi a "hot" ngai i Manchester City le Arsenal ahhin pakhat paoh ah a kal te lai, tiah an ruah. Asinain, manager Rodgers nih kan zuar lai lo, tiah fiang ngaiin a chim. Liverpool nih an duhnak an langhter peng nain atu tiang Sterling nih min a thu duh lo, hlawh tlawmtuk lawng nan ka pek tiah a hmur a bo hnawh hna. Mah cu Independent nih a ttial.

Chelsea nih Lyon i a chuihmi Alexandre Lacazette cu £15million le Loic Remy he thlen ding in a duh tiah The Sun nih a ttial. Kum 23 a simi Lacazette hi a man taktak cu £25million a si i tu kum ah puai 37 a chuih chung ahhin goal 30 a sut khawh. Liverpool nih an duhmi ah aa tel.

West Ham nih Barcelona ralkap an i hlanmi Alex Song cu tlaih thai an duhnak a sau nain atu leisang ah a ke chuak lo i an tthul hnik. Barcelona zong nih an duh ti lo caah a fiangbik cu Inter Milan ah a kal lai tiah Daily Mirror nih a ttial. An captain Kevin Nolan zong hmailei a kong hi West Ham ah a fiang ti lo, tiah cu tadinca nih cun a ttial chih.

Nihin i a "HOT" bakmi min cu Burnley i a chuihmi Danny Ings hi a si i Louis van Gaal nih atu tthal ahhin lak a duh ngaimi pa ah a hong cang. An sian a si i a ralaimi tthaal hin "contract" thar an pek lo a si ahcun Chelsea, Liverpool le Tottenham nih an ban an samh ve lai tiah Talk Sport nih a ttial.

Angel di Maria nih amah lung duh tein biakhiahnak nawl a ngei ko, tiah a pu Van Gaal nih a chim cang, i PSG tthial a duhmi hlawhtlin lei a panh tiah Manchester Evening News nih a ttial. UK ah manfak bik in rakmi a rak si i £59.7million in Real nih an rak zuar. Asinain, Van Gaal nih cun a ralaimi kum ah Maria hi a kut tlaih a duh rih tiin Telegraph nih a ttial ve.

Manchester nih Bale an duhmi cu thuh khawh a si lo. Atu hi Di Maria an zuar khawh a si ahcun Bale zong la kho dirhmun ah an dir i Real Madrid zong nih Bale hi an thlah te ttheo lai, tiah ruah a si. Bale a chuih caan le chuih lo caan cuai an thlai tikah Bale a chuih lo caan ah an tthat deuhmi an hmuh.

Note: Ni tlawmpal ka blog ka van update kho lai lo, May thla canceo lei ah peh zulh tthan te lai. Mah kar ah ka rak ttial ciami pawl ah khin na rel duhmi um kho men.