Brazil chuak minthang mekazin Vogue nih June issue caah American reality-star Kim Kardashian cu Marilyn Monroe he i lo in a phaw ah a cuanter. Kan hnu March ah khan kum 34 a si cang i fa pakhat a ngeimi Kim cu Instagram ah siseh, Twitter tibantuk ah tleicia Marilyn Monroe he an i lo tuk tiah an tahchun pah lengmang hna.
Cu ve bantuk in internet ah siseh "reality-show" ah a minthang mi Kim nih tu zarh thawk khan Marilyn Monroe sinak aa celh colh i a instagram hmanthlak thar cu Monroe he i lo in a thlakmi a chiah hna.
Vogue mekazin nih June chuak hmailei phaw ah an cuanter i a chung hmanthlak zoh ahcun 1950-60 kum hrawng i a min a rak thang tukmi Monroe a si ko van ti awk in an i lo, tiah a hmutu hna nih an chim.
Atu lawng hi 1962 ah a rak thimi Monre le Kim an tahchunh hna a si lo, cu hlan zong ah Italy designer Riccardo Tisci nih an i lo tiah Sunday Times ah a rak chim bal:
- Ka hawi tthabik i a nungak sinak in avoi khatnak ka rak ton a hi a si. Amah he i theihdeuh nakding caah cikhat te caan ka rak hmuh i ka rak uar colh. Kim hi kanmah chan i Marilyn Monroe a si ko; mi tampi nih tunu (doll) bantuk in an zoh nain a taktak ah cun a nusal bakmi le a fim ngaimi a si, tiah Tisci nih cun a chim.
A vapa Kanye West hrim nih cun Kim nakin Monroe a lomi nu an um lo, a ti i 2013 i radio-intervio pakhat nih Sport Illustrated-model Kate Upton (22) cu Marilyn Monroe he a rak tahchunmi a theih tikah Kanye nih a lu a rak lei, tiah ELLE nih a ttial.
- Kate Upton cu Marilyn Monroe a si lo. Kim hi Monroe cu a si. Nan theih bantuk in Marilyn cu controversial a rak si, i Kim zong controversial a si, a rak ti.
King Kong movie in a laar vemi Hollywood star Naomi Watts nih Kim le a naule an minthan ning hi cu ttihnung-tuksaphur a si tiah tu zarh ah khan a sawisel ve hna.
Mah hi kong hi SE og Hør timi chung in van leh chommi a si.
Comments
Post a Comment