Kim Kardashian Nih A Tuah Than Hoi

Kim hi kum 34 a si cang i a luancia kum hnih ah khan fanu pakhat a ngeih. Kim a thei lo ngaimi cu an um lai lo, internet a tawngmi paoh nih cun nan theih ko lai. Kim Kardashian ti ahcun tawlawng in hman tampi aa thlakmi kha a titu zong an um, internet a khuai dih deng, an ti!

Kan hnu zarh ah khan "Kim Kardashian Selfie" timi hmanthlak cauk a chuah i cauk sawiseltu pawl nih an dinhdorh lo, a chia tuk an ti piak bu ah tu thla chung tiang ah manh bikmi cauk ah aa tel ve ti a si. Amazon ah cun Hardcover cu dollar 21 a si. Kan hnu zarh ah khan NY i Met-Gala a thil hruk cu taklawng he umkal tluk a si, an rak ti.

Asinain tu zarh ah A Tuah Than hoi, taklawng in camera hmai ah a um than. Amah kong ah cun taklawng hmanthlak cu a "mak" ti lo. Amah belte "Keep up with the Kardashian" timi "reality tv series" a donghnak bik Season cu fans pawl a dangh hna, thlahnak kuttlaih can a si lai cu. A vapa Kaney West nih cu aa uang ngai, i an nu taklawng hmanthlak pawl cu amah lila nih internet ah a tar tawn hna.

- Fa ka ngeih hnu in kaa zum deuh, a ti. Nau a ngeih tlawmpal ah hlan a pumrua bantuk ah a kir colh kho, i a pum (pungsan) kong ah a buai ngaimi pakhat a si bantuk in i uang ngaiin a fan-pawl cu a hmuh lengmang hna.

A hmanthlak tlawmpal hi mah cu tv chung ta lakmi cu an si i thil hruk lo in a pum cu a raangmi tlampawl lawng aa nehmi hmuh khawh a si.

Van zoh hmanh:

Na zoh dih maw? Ka delete than lai, hnawm a si ai ;)