Ka ih lai ah nihin ka tonmi pakhat kan hrawmh hna lai.
Minung nih hin a cang tawnmi, a rak si balmi, a si kho lai tiah kan ruahmi (logic) in thil kan tuak tawn. Voikhat cu Pathian rianttuan pakhat nih Thawngtha chim i an vah lio ah ruah a sur tuk nain ruah nih a surh hna lo i an cin bak lomi kong a rak chim i cucu a si khawh le khawh lo nakin "Ruah nih surh ko i zawt lo, dam tein tinhmi hmun phak ah Pathian rianttuannak le thilti a si ve hnga lo maw?" ti biahalnak a rak chuak. Mah cu minung nih zumh khawhbikmi, cohlan khawhmi a si. Cun "Ruah nih a kan surh tuk nain kan zaw lo," tiah Pathian thangthat khawh a si fawn. Sihmanhsehlaw, mah tin a rak si lo, furpi ruah nih a rak cinter hna lo.
Zanlei suimilam 9 tiang lengmang nai hrawng cu Library ah ka um. Ka inn hi minit 25-30 hrawng ke kal a si caah ke in kal ko ning ka ti, derdeuh duh zong cu a si pah, bus-card kai ken ti lo. Cun tulio cu tthal lei a panh i vur tla theng ti lo, horha zong an luang cuahmah. A kik tuk lo i ke kal a nuam ko.
Asinain zahan cu Library in ka chuak i ruah le vur cawh in a sur, thli zong a hrang pah. Bus lak ding ah, card kai ken lo i Credit-card le an la lai lo, ka ti i ka khuaruah a har ngai. Luh tthan awk a ttha ti fawn lo i disatlap tang ah tlawmpal ka dir hnu ah thli cu a dai i ruah zong a haang. Norway nikhua cu ruahdamh awk a ttha lo nain duhsah tein ka lawi. Minit 20 hrawng ka rau, a sur tthan la ti ah ka rak i hnawhdeuh caah a si. Inn chung ka luh laite ah ruah cu sur, Library ka um lio nakin a tuk deuh. Cin lo tein ka lut i ka Pa kai lawm tuk, ka ti. Tulio khuacaan thlen lio, hawi an zawt tam he zawt a fawi cu mu, cin ahcun :)
Nihin Norway pa he bia kan i ruah, ai chawn tukmi kan si lo nain zahan kong cu ka hei chimh, Thawhthan a khualtlawn kong a chim caah ka hei chimh ve bia. Mah cu "Norway nikhua cu huat a tlai tuk, atu a dai, tlawmpal ah a sur, nitlang a dawm tthan. A cang sualmi a si," a ti.
Tu zan 9 tlin laite ah ka chuak tthan i vur pen taktak te a rak tla, kattayar nakmi cu raang dih in a rak khuh. Hawi, Red-carpet tiah an uar ngai, kei cu White-Carpet cung ah ka kal. Kan inn lei cu khua a dawm tuk ah a nah in a nak i rili kam inn pawl cu electric mei ceu he an i dawh tuk. Nain "Ruah a sur zau lai," ti ka hngalh ko. Ka lungte in inn ka phak tiang cu surter hrim hlah tiah ka nawl.
Zalam in ka inn lam pial ka luh bak ah vur le ruah cawh in rang ngai in an tla. Kar sawmthum lawng aa duh cang i kai lawm ngai, zeiti hmanh in ka cin ti lai lo. Mah cu i ka ruahmi cu "Mah hi a si sualmi Norway nikhua cu a si pek lai lo," ka ti Norway pa cu ka chimh zong ah a zum hlei lai lo tiah ka hei chim ti lo.
Atu hi kan umnak lei North-Norway lei cu thli a fak, ruah a sur ngai i Europe-road 6 (E6) lam an phih, tiah tute kha Radio nih a chim.
Jesus nih "Zanlei ah cun, 'Vankam a sen, thaizing cu khua a ttha lai,' nan ti i zinglei ah cun, 'Vankam a sen i khua a dawm, nihin cu ruah a sur lai,' nan ti. Nikhua zeidah a lawh lai ti kha Van nan zohnak in nan hngalh khawh. Sihmanhsehlaw, atu caan hmelchunhnak hi cu a suallam nan hngal kho hna lo." tiah Matthai 16 ah a chim. A dang zong ah "Chimthli a hran cun khua a kheng lai, ti nan hngalh," tibantuk kha a chim.
Khua a dawm i ruah a sur lai ti cu kan hngalh ko. Norway ram nikhua aa mah lo ti le zeitin a si ti zong kan hngalh ko. Asinain Pathian nih ka ca i a tuahmi cu nan hngal lo.
Note: hmanthlak hi khawika ka lak ka hngal ti lo (sorry!)
Minung nih hin a cang tawnmi, a rak si balmi, a si kho lai tiah kan ruahmi (logic) in thil kan tuak tawn. Voikhat cu Pathian rianttuan pakhat nih Thawngtha chim i an vah lio ah ruah a sur tuk nain ruah nih a surh hna lo i an cin bak lomi kong a rak chim i cucu a si khawh le khawh lo nakin "Ruah nih surh ko i zawt lo, dam tein tinhmi hmun phak ah Pathian rianttuannak le thilti a si ve hnga lo maw?" ti biahalnak a rak chuak. Mah cu minung nih zumh khawhbikmi, cohlan khawhmi a si. Cun "Ruah nih a kan surh tuk nain kan zaw lo," tiah Pathian thangthat khawh a si fawn. Sihmanhsehlaw, mah tin a rak si lo, furpi ruah nih a rak cinter hna lo.
Zanlei suimilam 9 tiang lengmang nai hrawng cu Library ah ka um. Ka inn hi minit 25-30 hrawng ke kal a si caah ke in kal ko ning ka ti, derdeuh duh zong cu a si pah, bus-card kai ken ti lo. Cun tulio cu tthal lei a panh i vur tla theng ti lo, horha zong an luang cuahmah. A kik tuk lo i ke kal a nuam ko.
Asinain zahan cu Library in ka chuak i ruah le vur cawh in a sur, thli zong a hrang pah. Bus lak ding ah, card kai ken lo i Credit-card le an la lai lo, ka ti i ka khuaruah a har ngai. Luh tthan awk a ttha ti fawn lo i disatlap tang ah tlawmpal ka dir hnu ah thli cu a dai i ruah zong a haang. Norway nikhua cu ruahdamh awk a ttha lo nain duhsah tein ka lawi. Minit 20 hrawng ka rau, a sur tthan la ti ah ka rak i hnawhdeuh caah a si. Inn chung ka luh laite ah ruah cu sur, Library ka um lio nakin a tuk deuh. Cin lo tein ka lut i ka Pa kai lawm tuk, ka ti. Tulio khuacaan thlen lio, hawi an zawt tam he zawt a fawi cu mu, cin ahcun :)
Nihin Norway pa he bia kan i ruah, ai chawn tukmi kan si lo nain zahan kong cu ka hei chimh, Thawhthan a khualtlawn kong a chim caah ka hei chimh ve bia. Mah cu "Norway nikhua cu huat a tlai tuk, atu a dai, tlawmpal ah a sur, nitlang a dawm tthan. A cang sualmi a si," a ti.
Tu zan 9 tlin laite ah ka chuak tthan i vur pen taktak te a rak tla, kattayar nakmi cu raang dih in a rak khuh. Hawi, Red-carpet tiah an uar ngai, kei cu White-Carpet cung ah ka kal. Kan inn lei cu khua a dawm tuk ah a nah in a nak i rili kam inn pawl cu electric mei ceu he an i dawh tuk. Nain "Ruah a sur zau lai," ti ka hngalh ko. Ka lungte in inn ka phak tiang cu surter hrim hlah tiah ka nawl.
Zalam in ka inn lam pial ka luh bak ah vur le ruah cawh in rang ngai in an tla. Kar sawmthum lawng aa duh cang i kai lawm ngai, zeiti hmanh in ka cin ti lai lo. Mah cu i ka ruahmi cu "Mah hi a si sualmi Norway nikhua cu a si pek lai lo," ka ti Norway pa cu ka chimh zong ah a zum hlei lai lo tiah ka hei chim ti lo.
Atu hi kan umnak lei North-Norway lei cu thli a fak, ruah a sur ngai i Europe-road 6 (E6) lam an phih, tiah tute kha Radio nih a chim.
Jesus nih "Zanlei ah cun, 'Vankam a sen, thaizing cu khua a ttha lai,' nan ti i zinglei ah cun, 'Vankam a sen i khua a dawm, nihin cu ruah a sur lai,' nan ti. Nikhua zeidah a lawh lai ti kha Van nan zohnak in nan hngalh khawh. Sihmanhsehlaw, atu caan hmelchunhnak hi cu a suallam nan hngal kho hna lo." tiah Matthai 16 ah a chim. A dang zong ah "Chimthli a hran cun khua a kheng lai, ti nan hngalh," tibantuk kha a chim.
Khua a dawm i ruah a sur lai ti cu kan hngalh ko. Norway ram nikhua aa mah lo ti le zeitin a si ti zong kan hngalh ko. Asinain Pathian nih ka ca i a tuahmi cu nan hngal lo.
Note: hmanthlak hi khawika ka lak ka hngal ti lo (sorry!)
Comments
Post a Comment