.jpg)
2014/15 Season a dih luklak ko cang, i Germany hna cu Bayern nih pakhatnak an lakmi lawm kho an si cang. Premier League, La Liga le Italy Serie A hi an fiang taktak kho rih lo nain Chelsea tu nih cun nai Arsenal he an i tluk hnu khan a rimh an hnimh khawh cang.
Phaisa a tamdeuh chin lengmang bantuk in Club liandeuh paoh sinah ruahchanmi a tamdeuh ve. Hlawhtlin an duh a zual. Cucaah a ralaimi September thawk tiang khi mi cawk le zuar ding khua lawng an khaang cio ko lai.
Nihin bawlung vawlei i "supsap supsap" tiah an ceihmi biathli cu mah hi a si:
David de Gea cu Kan hnu zarh ah Real Madrid nih an duh than lo ti a rak si nain PFA team of the year hna van i tel tikah an duhnak kha cu hlannak in a fakdeuh. I, aa thial ding a takah a hong cang hnik. Daily Mail nih a chimnak ah United le Real cu a thlite in De Gea kong ah thla tam ngai an i chawnbia cang i tampi a fiangmi cu De Gea nih Real lemnak hi al sian dawh a si lo. Spaine a si pinah an ram i club lianbik pakhat nih mah ti an duh caah United nih leicung i goalbawh lakah hlawh tambik pek ding in an kamh ko nain duh dawh a si lo. Tutan tthal hin cun Manchester in tlaute dawh a si ko.
Manchester United le Real Madrid kar ah itenh rih ko sihlaw, Carlo Ancelotti nih United ralkap Javier Hernendez cu cawk thai ding phun cawnnihnih ni ah a chim. Hernendez nih tu thla chung ah Champions League ah le Celta he an chuih lio ah Real cu a chanh hna. Khua saupi ruat lo in biakhiahnak an tuah tuah colh a herh cang. April dih hlan ah an i fian lo a si ahcun Manchester United nih an duhnak paoh ah zuarnak nawl an ngei i West Ham, Southampton le Lazio nih an bawh ko.
Louis van Gaal nih a tthawngdeuh mi bawlung phu ser a duh timi cu biathup a si lo. Atu ah a helh liomi cu Belgium alaikal Radja Nainggolan khi a si i Roma ah a chuih lio. Liverpool zong nih an duh caah tamdeuh pek khawh an i zuam veve lai i a man fak ngai te lai tiah ruah a si.
Arsenal le Barcelona karah mi i thlennawn a tam ngai. Tutan zong Pedro cu Wenger nih a duh peng ko caah a hal rih hna. Mah cu biafiang a si ko ahcun Liverpool nih Theo Walcott hi lak khawh ding an i zuam te lai. Pedro nih Arsenal kal a duh ko ahcun Walcott cu hmun a ngeih ti lai lo caah Liverpool ah kan hmuh ding fiang deuh ngai, tiah Metro nih a tial.
Chelsea nih an zuatmi um 21 a simi Patrick Bamford cu club dang ah hlanh chung in ding innka an hun, nain puai a tam khawh chung tam in a chuih khawhnak club lawng hlanh an duh hna tiah London Evening Standard nih a chim. Middlesbrough an rak hlanh hna i goal Championship ah goal 17 a sut i FA-cup ah City a thlatu ah aa tel. Atu belte cu Bamford a thancho khawh nakding caah Premier League i a chuihmi club lawng kan hlanh hna lai an ti. Everton, Southampton le Aston Villa an i tlar. Jon Obi Mikel belte hi Southampton ah a kal lai tiah an ruah bik nain Daily Star nih cun Real Madrid ah a kal kho men tiah a chim. (Tv2/Netavisen)
Comments
Post a Comment