Kan hnu zarh ah khan Porto FC nih Bayern cu 3-1 in an rak tei hna i PSG cu Barcelona nih 1-3 in an rak tei hna. Tu zan cu Bayern nih Porto a don lai caah 3-1 cu cham khawh a fawi i tei khawh tthan zong Bayern caah a si khomi a si ko. Sihmanhsehlaw, PSG caah Barcelona i va kal i 3-1 in va tei timi cu a har ngaingai. Zlatan zong tu zan cu a chuih kho ding a si, ai khawn le a zawt lo paoh ahcun. Bawlung cu chim a har nain atu 3-1 dirhmun i PSG le Barcelona kar ahcun 90% cu chim chung khawh a si men lai.
Cu nak in tu zan kong ah kan hngalh ballomi kong ttial ka duh. Tu zan Champions League quarter a chuih ding club hruaitu manager pali hi 1996-97 ah club pakhat caah Champions League an rak chuih tti i Hrai/title zong pathum an rak la tti bal. Mah cu Barcelona FC a rak si.
Bawlungchuih in leicung ah minthang tambik a hringtu hi Barcelona a si ko tiin thangthat a tongmi Club a si. Atu ah cun vawleicung i manager minthang timi pawl hi Barcelona chuak lawngte an si tthan cang. Mah cu kan chim khawh nak a ruang cu tu zan i CL qaurter a chuih ding club pali a hruaitu manager pali nih a langhter. Social Media tampi nih an langhter: manager pali hi Club pakhat ah phu khat in a rak chuih ttimi an si.
Bawlungchuih in leicung ah minthang tambik a hringtu hi Barcelona a si ko tiin thangthat a tongmi Club a si. Atu ah cun vawleicung i manager minthang timi pawl hi Barcelona chuak lawngte an si tthan cang. Mah cu kan chim khawh nak a ruang cu tu zan i CL qaurter a chuih ding club pali a hruaitu manager pali nih a langhter. Social Media tampi nih an langhter: manager pali hi Club pakhat ah phu khat in a rak chuih ttimi an si.
Germany ah Pep Guardiola nih Bayern Munchen a hruai lai i Porto FC manager Julen Lopetegui nih a va len lai. Camp Nou ah Luis Enriques nih a hruaimi Barcelona cu Laurent Blanc nih a hruaimi Paris Saint-Germain nih an fuh hna lai. Ram li in aa dang mi club an si lai i an manager pali ning in 1996-97 season ah khan Barcelona FC nih teinak hrai/title pathum a rak hmuh lio ah Barcelona ah a rak itel vemi an si.
Johan Cruyff nih Barcelona kha teinak hmuhpi lo in kum hnih a rak hruai tikah England manager(coach) a rak ttuanmi Bobby Robson nih 1996kum ah an rak thlen. Bobby nih tu zan i manager pali hna hi biapi ngaiin a rak hman hna i hlawhtlinnak lei an rak penh ti a si.
Pep Guardiola cu hnudeuh ummi alaikal (defensive midfielder) a rak si i bawlung an tlaih khawh ning le a mit a tam ning ruangah an rak uar ngai. Ni kum tiang an chimmi Tika-taka-style (Barcelona an chuih dan) cu Johan Cruyff nih a rak chuihter hna ning kha amah nih a pehzulh. Barcelona manager a ttuan lio ah cun Messi, Xavi le Iniesta nih a thatter tuk nain Bayern Munchen ah cun a hmang kho lo, tiah an sawisel ngai, a hlei in Champions League ah an tlau. Ni kum ah 0-5 in Semi ah real nih an rak tei hna.
Julen Lopetegui hi Barcelona a rak um lio 1994-97 ha goalbawh chawngtu a rak si. Mah hnu khan Real ah ai thial i Real Madrid nih an rak hman ngai caah La Liga zong Real he a rak tei bal. 2014 hlan tiang kha Spain ram aiawh mino pawl caah coach a rak ttuan i Porto nih 2014 tthal khan an laak.
Luis Enrique nih 1996 ah Real Madrid cu Barcelona ah a rak tthial tak hna tikah Spain football cu an khuaruah a rak har ngai. Caan tlawmpal cu Barca-fans dawtnak hmuh khawhnak ding ah a rak i zuam sek ve, i a hnu cun an captain tiang a rak si hlei ah kum 8 chung Barca ah a rak um. Aa dinh hnu ah Australia hna ah a um, Marathon hna a tli ta i a hnu cun Roma le Celta nih manager ah an rak lak. 2014 khan Barcelona FC cu a hruai ve.
Laurent Blanc cu Barcelona ah 1996-97 kum te lawng kha a rak chuih i teinak pathum a rak hmuhpi hna. Aa khawn a rak tam tuk caah puai tling in a rak chuih hi a tlawmte. 1999-2001 tiang kha Manchester United ah a rak chuih i 1998 ah France aiawh in World Cup teitu ah a rak i tel pinah 2000 zong ah Europe Cup teitu ah a rak i tel ve.
Tu zan cu PSG nih 1-3 kha i tluk silole tei an i zuam lai, nain Barcelona ah a si lai. Marco Verratti le Zlaten an chuih kho lai nain a biapi tuk mi Thiago Sivla le Motta an i khawn caah an chuih kho lai lo.
Bayern Munchen nih Porto hi tei khawh a si, anmah inn a si lai. Cu pinah Porto i a biapi mi Tello, Alex Sandro le Danilo an chuih khawh lai lo caah tu zan cu Porto an daithlan awk a si lai lo.
Bayern nih zarhte ni ah Hertha Berlin a tei ahcun Bundesliga teitu cu Bayern a si colh lai.
Cc: Wikipedia/Vg/Tv2
Comments
Post a Comment