Hodah Primier League Player Of The Year A Si Lai?

Kane, Costa, Coutinho le David de Gea hi thimmi ah an i tel rih. 

English Premier League kum khat chung an chuihmi zoh in a thiambik pakhat an thim tawn i tu kum caah aa tlak mi paruk an thim khawh cang hna. Chelsea in pahnih an i tel. 

Chelsea i goal tambik ngeitu Diego Costa le Liverpool i a hong lar ngaimi Philippe Coutinho, Manchester United goalbawh David de Gea nih England pa Harry Kane, Tottenham goalsuttu an zuam cawh lai timi tu zanlei khan EPL player of the year thimtu PFA nih an wesbite ah an thanh cang. 

Costa hi Chelsea in amah lawng EPL player of the year a co kho ding a si lo, a chuih tti hawi Eden Hazard zong ai tel ve. 

Tottenham hmaikal Harry Kane cu atu tiang ah EPL goal 19 a ngei cang i Costa he an i tluk. Mah caah cun kum note a si rih mi Kane hi minung paruk lakah aa tel ve mi cu khuaruahhar awk a si hnga lo. 

David De Gea, Eden Hazard, Harry Kane le Philippe Coutinho hi a dang EPL laksawng co kho an si rih i cucu EPL i mino lakah a thiambik laksawng a si lai. 

Atang bantuk hin minpek hna cu an si: 

PFA Player of the Year: Nominees

Diego Costa, Chelsea

Eden Hazard, Chelsea

David De Gea, Manchester United

Harry Kane, Tottenham

Alexis Sanchez, Arsenal

Philippe Coutinho, Liverpool

Mino:

Philippe Coutinho, Liverpool

Raheem Sterling, Liverpool

Thibaut Courtois, Chelsea

Eden Hazard, Chelsea

Harry Kane, Tottenham

David de Gea, Manchester United