Harnak Caan Chung I Hnangamnak

Pathian cu fakpi in ka auh,

fakpi in ka auh i a theih. 

Harnak caan ah Bawipa sinah cun 

thla ka cam; 

Zan khuadei thlacam in ka kut cu ka thlir hna, 

sihmanhsehlaw, 

hnangamnak ka hmu kho lo. 

Pathian kha ka ruat i ka hraam, 

khua ka ruat i ka lung a dong. 

A ka hngilh ter lo, 

ka lungre a thei tuk i 

zeihmanh ka chim kho lo. 

A liam ciami ni kha ka ruat hna i

a luan ciami kum kha ka hngal tthan hna.

Zan khuadei fakpi in khua ka ruat; 

khua ka ruat lengmang i 

keimah le keimah kaa halmi cu hihi a si: 

Bawipa nih hin a zungzal in maw

a ka hlawt ko lai? 

Ka cungah hin lawmhnak 

a ngei tthan ti lai lo maw?

Daw ti lo in maw a ka um ko lai? 

Bia a ka kamhmi cu pakpalawng maw

a si ko lai? 

Pathian nih hin minung cung i

zangfahnak ngeih kha 

a philh ko hnga maw?

Minung cung i zawnruahnak 

a ngeih tawnmi kha 

a thinhunnak nih dahra a hloh dih? ka ti. 

Cun ka thawh i, "A fakbik ah ka ruahmi cu: 

Pathian cu zeizong vialte tuah khotu

a si ti lo," ti hi a si, ka ti. 

Bawipa, thil lianngan na tuahmi kha 

ka philh hna lai lo i 

kan hnulei caan i khuaruahharmi thil

na tuahmi kha ka lung ah 

an hung pem tthan lai. 

Na tuah ciami thil vialte kha 

ka ruat tthan hna lai i 

Ka lungchung in ka tuaktan hna lai. 

Maw Pathian, 

na tuahmi thil vialte hi an thiang dih!

Nangmah tluk in a nganmi pathian 

zeihmanh an um lo. 

Nang cu khuaruahhar thil a tuahtu Pathian na si; 

na tthawnnak cu miphun hna lakah

khan na langhter. 

Na lianngannak in na mi cu na khamh hna, 

na mi Jakob tefa hna le Josef tefa hna cu

na khamh hna. 

Salm 77: 1-15

Hawi dawt careltu, lungdong in ka um caan le vansang in ka um caan ah Pathian nih a rak tuahmi khuaruahhar thil, dawtnak le cu khuaruahhar vangsang in ka um caan te tiang a ka hruainaknak khuaruah har a vel ka ruah tthan tikah muihnak chung in a khatmi hi, zing niceu sinah phakpi ding ka ttih tthan ti lo.
Lungdong le khuaruahhar vansang in na um caan ah kha hlan i na cung i a tuahmi kha ruat tthan law a ralaimi ni le caan chung zong ah amah cu bochan in nan nunnak a sinah ap ko mu.
Mangtha!