England PFA Team The Year Cu Mah Hi A Si

 
Chelsea FC nih Arsenal FC an va fuh hna i 0-0 in tu zanlei cu an kir. Asinain tu kum i Premier League a chuihmi club lakah Professional Footballers' Association (The PFA) team of the year ah tambik ai telmi a si timi thawngpang nih a rak don hna. An thabat a dam ngai lai.

PFA team of the year ah Chelsea in minung paruk an i tel i pathun cu hnukam pali chung in thimmi an si. Cu hna cu John Terry, Gary Cahill le Brainslav Ivanovic an si.

Hnukham pathum bak an i tel tikah hin a phu ko. Aruang cu nihin tiang ah Chelsea hi Table ah a cungbik a si i 65-26 in goal an sutmi le an luhtermi a si cah goal tlawmbik a luh hi hnukham an tthat tuk caah a si ko timi a fiang. Zeica tiah Premier League cu hmaikal ttih an nun ngainak le thazaang hmang in an chuihnak a si caah hnukham an rak biapi tuk. Cun Goal tam tuk an thlah a si ahcun pakhatnak si awk a rak har tuk.

A dang pathum cu alaikal Nemanja Matic, cun player of the year caah uar a tong bik mi Eden Hazard le goal tampi a sut kho mi Diego Costa an si.


Tu kum hi England mi pali an i tel. 
Manchester United in an pakhat te ai tel i khuaruahhar awk a si lo, a ruang cu amah hi goalbawh ah a thiambik a si ko, David De Gea nih Team of the Year cu goal a bawh piak hna lai. United nih tu kum EPL a thiambik pali chung an i tel khawh a si ahcun sunparnak vialte cu De Gea ta a si awk a si ko lai.

Hnukham hi pali ding an si i pathum cu Chelsea in an chuak, nain kehlei hnukham cu Southampton in Ryan Bertrand timi khi a za ko tiah an thim. English pali lakah pakhat a si ve.

Liverpool a ai awh kho mi pakhat te a um le mah cu Raheem Sterling hna a si lai tiah ruah a si nain Brasil pate Phillipe Coutinho a si. Alaikal ah hmun a co ve i Arsenal i player of the year thim khawh a si ve mi Alexis Sanchez nih orhlei alai in a telpi hna.

Min lang ah Aguero, Fabregas le Silva te hna na i tel lo. A hleiin Manchester City in pakhat zong an i tel lomi hi a mak nan ti dek maw, goal tambik a sut kho tu Aguero hi kei nih cun Costa nakin ka thim deuh men hnga.

Hmaikal ah PFA nih a thimmi hna cu khuaruahhar in a hong langmi England nih an i zohthla tuk colhmi Tottenham hmaikal Harry Kane (premier league goal 20) le Costa (premier league goal 19) an si. Costa hi i khawn a hmang pah i goal 21 a ngeimi Aguero hi kei nih cun ka uar deuh ngai. Kane tu cu kum note a si fawn, cun mah tluk a mak khi Player of the Year pek a phu hmanh maw tiah kei sining ka vote deih hnga.

Mah cu dah ti lo, Assist. tambik a simi Cesc Fabregas nih hmun a tin lomi cu khat lei cun Chelsea lawngte in mi thim cu ti zong a si kho men, i khat lei cun Coutinho tel lo ngai in Liverpool an si khawh lai lo bantuk le Alex lo ngai in Arsenal nih Chelsea an dawi khawh lai lomi ruangah a si kho ngai.

A rauh hlan ah PFA nih player of the year an thimmi an thanh lai i hodah nan zumh bik?

Cc: thepfa.com, Twitter@PFA