Champions League (CPL) ah a taangmi cu taan a phu bakmi Bayern Munchen, Barcelona, Real Madrid le Juventus an si. April 24. Europe chun ah Semi-Final i aa tong ding an zuh lai. Cu a si caah C. Ronaldo le L. Messi zong aa tong kho an si.
Tu kum cu Real Madrid nih Champions League an tei lai ka zum lo. Final zong an kai lai ka zum lo nain mah kong hi cu hnudeuh ah ka van ttial te lai.
Man a ngeibik mi bawlungchuih thiam:
Champions League ttha tein a zuldawitu Sport-statistics company Infostrada Sports nih Messi le Ronaldo cu tu tan Champions League an chuih chung ah goal riat le goal-petu (Assist) voi li veve an ngei tiah a thanh. Bayern Munchen hmaikal Thomas Muller cu palinak a si i goal ruk le goalpetu pathum in 9points a hmuh. Amah tang ah Juventus hmai kal Carlos Tevez cu goal ruk le goalpetu voikhat sinak in panganak a si.
Barcelona in Luis Suarez cu goalruk le Assit pakhat a ngei i cazin ah ai tel ve. Cu bantuk in Real Madrid hmaikal Karim Benzema zong goal ruk le Assit pakhat in a min hmuh khawh a si.
Ho cu dah man ngeibik cu a si?
Semi-final an chuih hlan cu Messi zong a si lo i Ronaldo zong nih tutan CPL ah goal tambik an sut rih lo. Cungbik ah a ummi cu FC Shakhtar Donetsk hmaikal Luiz Adriano khi a si i goal kua a ngei. Mah lakah goal nga cu BATE he group- an chuih lio ah 7-0 in an rak tei hna lio i a sutmi a si.
Shakhtar Donetsk cu Semi-final a kai ding phu li lakah aa tel ti lo caah Adriano caah cun tutan i CPL goal tam bik ngeitu si ding ruahchannak a um lo.
Infostrada ning ah Gervinho le Zlatan hi goal-fir (offside) tambik an si. A cung i minung pawl nih zeitluk in goal an fir ti a langhter lo caah Zlatan le Gervinho cu voi hra veve goalfir an tum piak hna. Anmah changtu ah Cavani (Psg) le Yannick Ferreira Carrasco (Monaco) cu voi kua veve an tum piak hna.
Semi-Final a kaimi lakah a sualbik cu Vidal le Alves an si.
Juventus cu Semi-final ah a kuat nain amah hi bual-upa he voi tambik aa sukhak mi a si i a zapi 24 ralrin peknak le biaalnak a ton.
Barcelona orhlei hnukham Dani Alves cu YellowCard voi li ai ton. Real Madrid hnukham Sergio Ramos nih Yellow pathum a hmuh ve.
CPL goalbawh lak i goal a khamh bik cu Swedwn club Malmo-goalbawh a si i a zapi 38 a kham tiah Infostrada nih aa chinchiah.
A changtu ah semifinal a kaimi Juventus goalbawh Buffon nih goal 26 a khamh.
Penalty sut tambik cu Thomas Muller a si i goal li a chuih i a pali ning in goal ah a lut. Ronaldo nih voi hnih a chuih i voi khat lawng a lut.
Cc: InfostradaSport.Com
Comments
Post a Comment