Nithaizing thawngpang van com duakmi chung in ka van thai duak:
Nobel Dainak Laksawng petu kawmetti hotu kong tuni an ceih lai, an dinhter lai maw an pehter lai ti cu zanlei ah a fiang lai. - Zeiruangah an ceih ti ahcun NDL hi Norway cozah nawlngeihnak tamtuk aa tel, politics aa cawh tuk tiah sawiselnak a ton caah a si. Obama, EU an pekmi kong pinah Tuluk i covo kheltu hna an pekmi hna ruang i Norway cozah nih Tuluk he pehtlaihnak rawh pah phan ah an i thlakmi te hna hi a si bik.
Zei si hmanh ah tutan i NDL hotu Jagland a rian an dinhter a si ahcun media le a leng sawiselnak in khawh lo a si pinah a lengmi nih an purhdahmi hna a hman ko timi langhternak a si lai caah tutan cu an pehter rih ttheo lai tiah ruah khawh a si. Amah hi Labour party le hlan i PM ttuan bal a si caah atu cozoh (right) an kai hnu in thlen cu an duh ngai, i an thlen a si cun cozah le polotics aa tel zong a lang chinchin fawn hnga. - Kawmetti cu zahan an i hngilh kho theng men lai lo, silole tuni lukheuh in zung an kai men lai.
Naite ah khan kum 25 chung NDL scretary aa din i an chawn cang, cun a dang pakhat atu cozah thar nih an thim ve. - Felte in an ceih a phu ko, aruang cu leicung ah min a ngeibik le a ritbik minthatnak laksawng a si.
USA PRESIDENT OBAMA nih Israel Benjamin cu a tong lo. Benjamin nih Iran kongceih ah USA kal a thawh i Congress lawng ah bia a va chim, ramhun a ton khawh lo caah a hlawhtling tuk lem lomi ah a cang. Obama cozah nih cun a si khawh chung in Iran he biaruah hnatlaknak ngeih khawh aa zuam cuahmah i Iran nih nuclear/atom ser a duh zong ah caan tamdeuh lakter i hngah piak ding tibantuk tu in kalpi ding an ruah rih. Khatlei ah Benjamin nih UN ah fak ngai in lih a rak chim (Iran nih 2014 chung ah nuclear zeimawzah a ngeih cang lai, tiah NewYork UN meeting ah bomb zuksuai he a rak chim.). Mah cucu Israel sungthoh (Mossad) nih an theih mi an rak chimmi he a let tamtuk in aa dang, "Iran nih nuclear a ser kho dengmang rih lo tiah report an rak pekmi Guardian le Al Jezeera nih naite ah an phuan.) - Benjamin cu atu hi an ram ah a lar lo ngai, USA i dawtnak zorter cu a ttha lo tiah sawisel a tong. Israel zong a rauh hlan ah cozah thimnak an ngei lai i zeimaw an lawh te.
RUSSIA nih an mithi pa kong ah ramleng i thlak hlah uh, a ti. Amah Putin hrim nih a si khawh chung in hi kong a puan khawhnak ding ah ttuanvo a lak, tiah foreign minister nih a chim. An thahmi Boris cu Putin tthatlonak, a rian le a policy sawiseltu a si i atu le tu Putin nih a ka thah khawh men tiah media ah a rak chim tawn, a hnubik BBC i a chim tlawmpal ah an kah kha a si. Putin kuttang nih maw an kah maw, asiloah Putin a huatu pawl zong nih maw Putin puh ding in an kah, homaw hngal. Asinain Putin sawiseltu i biapideuh deuh cu an lotlau pah lengmang.
MIRUM kong chim hi ka huam tuk lo nain, Bill Gate cu leicung ah a rumbik a si hoi ko ee, tiah Forbes Magazine nih tutan chuak ah a thanh tthan. Million ah khan USD 76billion a rak ngei tu kum ah 79.2billion ah a kai diam. Roh tami ngeihchiah in a rummi an tamdeuh nain ro si loin mahte cawlcanghnak in a rummi hi a rumbik ah an lang hna.
Leicung rumbik 20 lakah facebook ngeitu Mark Zuckerberg a hon i tel tikah khuaruahhar a si ko, a tthan a ranning cu mak taktak ko. Tutan cu basket aa celhmi Michael Jordan aa tel ve fawn.
Billionare tambik ngeitu ram cu USA a si, 536 a ngeih. Tuluk nih 213 in a zulh i Germany 103, India 90 le zinan a tamnak a si vemi Russia hi cu hlan kum ah 111 an rak si i tu kum cu 88 lawng an tang, Putin nih fir dih dawh a si?
A DONGHNAK AH nan zate chuntha in mangtha hna ulaw. Ka coffee a dai deng, van hrawp ta ning :)
Nobel Dainak Laksawng petu kawmetti hotu kong tuni an ceih lai, an dinhter lai maw an pehter lai ti cu zanlei ah a fiang lai. - Zeiruangah an ceih ti ahcun NDL hi Norway cozah nawlngeihnak tamtuk aa tel, politics aa cawh tuk tiah sawiselnak a ton caah a si. Obama, EU an pekmi kong pinah Tuluk i covo kheltu hna an pekmi hna ruang i Norway cozah nih Tuluk he pehtlaihnak rawh pah phan ah an i thlakmi te hna hi a si bik.
Zei si hmanh ah tutan i NDL hotu Jagland a rian an dinhter a si ahcun media le a leng sawiselnak in khawh lo a si pinah a lengmi nih an purhdahmi hna a hman ko timi langhternak a si lai caah tutan cu an pehter rih ttheo lai tiah ruah khawh a si. Amah hi Labour party le hlan i PM ttuan bal a si caah atu cozoh (right) an kai hnu in thlen cu an duh ngai, i an thlen a si cun cozah le polotics aa tel zong a lang chinchin fawn hnga. - Kawmetti cu zahan an i hngilh kho theng men lai lo, silole tuni lukheuh in zung an kai men lai.
Naite ah khan kum 25 chung NDL scretary aa din i an chawn cang, cun a dang pakhat atu cozah thar nih an thim ve. - Felte in an ceih a phu ko, aruang cu leicung ah min a ngeibik le a ritbik minthatnak laksawng a si.
USA PRESIDENT OBAMA nih Israel Benjamin cu a tong lo. Benjamin nih Iran kongceih ah USA kal a thawh i Congress lawng ah bia a va chim, ramhun a ton khawh lo caah a hlawhtling tuk lem lomi ah a cang. Obama cozah nih cun a si khawh chung in Iran he biaruah hnatlaknak ngeih khawh aa zuam cuahmah i Iran nih nuclear/atom ser a duh zong ah caan tamdeuh lakter i hngah piak ding tibantuk tu in kalpi ding an ruah rih. Khatlei ah Benjamin nih UN ah fak ngai in lih a rak chim (Iran nih 2014 chung ah nuclear zeimawzah a ngeih cang lai, tiah NewYork UN meeting ah bomb zuksuai he a rak chim.). Mah cucu Israel sungthoh (Mossad) nih an theih mi an rak chimmi he a let tamtuk in aa dang, "Iran nih nuclear a ser kho dengmang rih lo tiah report an rak pekmi Guardian le Al Jezeera nih naite ah an phuan.) - Benjamin cu atu hi an ram ah a lar lo ngai, USA i dawtnak zorter cu a ttha lo tiah sawisel a tong. Israel zong a rauh hlan ah cozah thimnak an ngei lai i zeimaw an lawh te.
RUSSIA nih an mithi pa kong ah ramleng i thlak hlah uh, a ti. Amah Putin hrim nih a si khawh chung in hi kong a puan khawhnak ding ah ttuanvo a lak, tiah foreign minister nih a chim. An thahmi Boris cu Putin tthatlonak, a rian le a policy sawiseltu a si i atu le tu Putin nih a ka thah khawh men tiah media ah a rak chim tawn, a hnubik BBC i a chim tlawmpal ah an kah kha a si. Putin kuttang nih maw an kah maw, asiloah Putin a huatu pawl zong nih maw Putin puh ding in an kah, homaw hngal. Asinain Putin sawiseltu i biapideuh deuh cu an lotlau pah lengmang.
MIRUM kong chim hi ka huam tuk lo nain, Bill Gate cu leicung ah a rumbik a si hoi ko ee, tiah Forbes Magazine nih tutan chuak ah a thanh tthan. Million ah khan USD 76billion a rak ngei tu kum ah 79.2billion ah a kai diam. Roh tami ngeihchiah in a rummi an tamdeuh nain ro si loin mahte cawlcanghnak in a rummi hi a rumbik ah an lang hna.
Leicung rumbik 20 lakah facebook ngeitu Mark Zuckerberg a hon i tel tikah khuaruahhar a si ko, a tthan a ranning cu mak taktak ko. Tutan cu basket aa celhmi Michael Jordan aa tel ve fawn.
Billionare tambik ngeitu ram cu USA a si, 536 a ngeih. Tuluk nih 213 in a zulh i Germany 103, India 90 le zinan a tamnak a si vemi Russia hi cu hlan kum ah 111 an rak si i tu kum cu 88 lawng an tang, Putin nih fir dih dawh a si?
A DONGHNAK AH nan zate chuntha in mangtha hna ulaw. Ka coffee a dai deng, van hrawp ta ning :)
Comments
Post a Comment