Nai hrawngte ah na News feed ah video ttha lo (Porn, zohdawhlo) a cuangmi a tam ve maw? Atu hi European pawl nih cun an caak ngaingai. Data/ compt. thiamsang pawl nih an zoh tikah Virus a si caah nan news feed i a langh zong ah click/zoh lo ding a si, tiah an chimh hna.
Laimi Facebook-group tampi ah cu bantuk video (tawlawng, nupa nuamhnak tuah lio tibantuk) tthalo pawl cu Lai min a si lomi in aa tarmi a tam ngaingai. Mah vialte te kha a si khawh chung in click hlah, zoh i tim hlah. Na zoh kho hlei hna lai lo.
Aruang cu mah video na zoh khawh nak ding in download/install tuah an fial lai i na download ahcun na Phone/ computer ah Virus cu tthal meiduah bang a lawn colh lai.
January dih lei, bebruary thawk khan biatak in mah hi virus hi a kar, an thlah i Facebook nih atu tiang a kham in a hlonh kho rih lo.
Virus min cu MAGNET an pek i a hlei in computer in video/youtube le a dang film zohtu caah Flash nan hmanmi kha a si khawh ahcun Update tuah a herh, an ti. Flash cu http://get.adobe.com/flashplayer/ ah hin download khawh a si.
Atu bantuk i Facebook ah Virus a lawn an ti tikah nan facebook password kha thlen philh hrim hlah u.
Na computer Virus khamnak na cawk khawh lo a si zong ah manlo in hman khawhmi a tthami tampi a um. Tahchunnak ah http://housecall.trendmicro.com/ zong hi a ttha i AntiVirus Manlo In Lak Khawh A Si; tiin tlawmte ka rak ttialmi zong zoh tthan khawh a si.
Tlawmpal cu an bawmh hna lai tiah ruahchannak ka ngei.
SOS.
Comments
Post a Comment