Oh! That habit!
2015 kum i bawlungchuih zuamnak ah a hmasabik i Cup a thlirtu ah aa telmi cu Ivory Coast ram an si. Africa Cup of Nations final ah Ghana he 0-0 in an dih caah penalty voi 22 an chuih i 8-9 in Ivory Coast nih a tei. Goal kua nak a chuihtu cu an goalbawh a si. Mah ti cun kum tampi chiatserhmi ah an rak i ruahmi kha an tei caah lunglawm tein an ram ah an tlung cang lai. Mah cu lio ah aa lawm ve dingmi cu nai hrawng sungzatlak aa nolhmi Manchester City an si.
Ivory Coast nih tu kum Africa Cup of Nations an tei cu avoi hnihnak a si i a voikhatnak le a hnubik an rak tei kha 1992 ah a rak si. 2005 hnu in anmah ram hi mahhi Cup an chuih tinte an zumhbik lengmang hna. Aruang cu vawleicung club lian timi Arsenal, Chelsea le France club lian pawl ah a chuihmi an tamnak ram a si caah a rak si.
Africa Cup of Nations (ACN)cu kum hnih dan in an tuah. Tu kum cu Ebola ruang ah i dinh i hmai kum ah tuah ding in Morocco nih an rak chim. Morocco cu tu kum ACN a dong ding ram an rak si, nain a kum tthial an duh caah Ebola zawtnak an hmuh ngai nak ram Equatorial Guinea ah an tuah diam. Cu a si caah 2015 African Cup of Nations cu Orange Africa Cup of Nations ti zong in a min an bunh i sponsor ttha tein an tuah. Cu ve bantuk in Morocco cu a ralaimi ACN ah voi hnih an i tello ding in bar an si.
Ivory Coast ram cu Chelsea i a chuihmi Drogba, Solomon Kalou, Arsenal a rak chuih i Roma ah a um cangmi Gervinho, City i a chuihmi Yaya Toure, Arsenal-Liverpool hnukham Kolo Toure tibantuk pawl an i tellio a si caah 2005 hnu cun an rak zumh peng hna. Drogba cu leicung minthang a rak si i an captain zong saupi a ttuan nain amah chan chung ah pakhatnak an la kho lo. Amah tu hi a biapi tukmi pawl ah penalty a nganh tawntu a si. Final le semi pawl ah amah hi biapi in a ke tlau tawn caah Africa cup of Nation cu amah chan ah an la kho ti lai lo, tiah mi tampi nih a luancia kum ah khan an rak chim cang.
2014 World Cup zong ah Ivory Coast cu sau ngai an chuih te lai tiah rak ruahmi an si ve nain an rak tlung colh tthan. Mah ti cun an ram a hip khobik tu le vawleicung ah bawlung in an ram min a thantertu Drogba cu an ram aiawh in chuih ti lo ding in a rak i din. Atu ah Chelsea nih man lo in an rak lak i a caan tete ah a chuihter pah lengmang rih.
2015 Africa Cup of Nations ah Drogba a chuih taktak lo tikah mi tampi nih an rak hlam. Sihmanhsehlaw, Ivory Coast aiawh chuihtu hna an lung a dai, ttihnak an rak ngei lo i an ram caah thatho tein an rak i thawh. Drogba tluk in a biapimi Toure te unau an chuih kho rih i Roma hmaikal ttha Gervinho a no tuk rih. Kalou zong a ke rang i a haa a ttha tuk rih.
Kum tampi pakhatnak a la veve ti lomi Ghana le Ivory Coast cu final ah an iton tikah hohlei zumhdeuhmi an rak um kho lo. Aruang cu kum tampi zumh tukmi Ivory Coast nih mi a deuh tthan ding an ruah caah a si i Ghana zong World Cup ah an men ve lo caah a si fawn. Ghana cu mino tete a thiammi am i rual ve caah an zumg ngai ve fawn hna. World Cup an LUCK lo tuk caah tu kum ACN cu an lak khawh ko men, ti a si. Ivory cu le an dau chia hmanh sehlaw, an thiam tuk ve caah kan ttanhdeuhmi hna tu hi zumhdeuhmi si ko kon seh tiin an i ttanh cio ko hna.
A linhnak ram si tikah an thlen he puai tling an chuih tiang ah an i tei veve kho ti lo. 0-0 in an dih. Minute 30 an chuihter tthan hna hnu zong ah goal an i sut kho veve ti lo caah penalty an chuihter hna. Minung 22, 11 veve nih an chuih hnu lawng ah 8-9 in Ivory Coast nih 8-9 in a tei.
Toure te unau caah lunglawmhnak a si khun lai. Khat lei in Drogba zong aa lawm tuk lai nain amah i ACN hraipi von thlir ding a mitthlam in a ruah ah a lunghno ngai ve fawn lai. Amah ruang ah maw cu hlan vialte kha final siloah semi kha an rak sung? Amah aa tel lo caah maw tutan hi an te? Hohmanh nih an thei in an chim kho lai lo. Asinain hopaoh nih an chim khawh dingmi cu Drogba tello in Ivory Coast nih Africa Cup of Nations a tei timi a si.
Ivory Coast le Toure te unau lawmhpinak he.
1998 hnu Africa Cup of Nations teitu ram pawl:
2015: Ivory Coast.
2013: Nigeria.
2012: Zambia.
2010: Egypt.
2008: Egypt.
2006: Egypt.
2004: Tunisia.
2002: Cameroon.
2000: Cameroon.
1998: Egypt.
Source: NRK
2015 kum i bawlungchuih zuamnak ah a hmasabik i Cup a thlirtu ah aa telmi cu Ivory Coast ram an si. Africa Cup of Nations final ah Ghana he 0-0 in an dih caah penalty voi 22 an chuih i 8-9 in Ivory Coast nih a tei. Goal kua nak a chuihtu cu an goalbawh a si. Mah ti cun kum tampi chiatserhmi ah an rak i ruahmi kha an tei caah lunglawm tein an ram ah an tlung cang lai. Mah cu lio ah aa lawm ve dingmi cu nai hrawng sungzatlak aa nolhmi Manchester City an si.
Ivory Coast nih tu kum Africa Cup of Nations an tei cu avoi hnihnak a si i a voikhatnak le a hnubik an rak tei kha 1992 ah a rak si. 2005 hnu in anmah ram hi mahhi Cup an chuih tinte an zumhbik lengmang hna. Aruang cu vawleicung club lian timi Arsenal, Chelsea le France club lian pawl ah a chuihmi an tamnak ram a si caah a rak si.
Africa Cup of Nations (ACN)cu kum hnih dan in an tuah. Tu kum cu Ebola ruang ah i dinh i hmai kum ah tuah ding in Morocco nih an rak chim. Morocco cu tu kum ACN a dong ding ram an rak si, nain a kum tthial an duh caah Ebola zawtnak an hmuh ngai nak ram Equatorial Guinea ah an tuah diam. Cu a si caah 2015 African Cup of Nations cu Orange Africa Cup of Nations ti zong in a min an bunh i sponsor ttha tein an tuah. Cu ve bantuk in Morocco cu a ralaimi ACN ah voi hnih an i tello ding in bar an si.
Ivory Coast ram cu Chelsea i a chuihmi Drogba, Solomon Kalou, Arsenal a rak chuih i Roma ah a um cangmi Gervinho, City i a chuihmi Yaya Toure, Arsenal-Liverpool hnukham Kolo Toure tibantuk pawl an i tellio a si caah 2005 hnu cun an rak zumh peng hna. Drogba cu leicung minthang a rak si i an captain zong saupi a ttuan nain amah chan chung ah pakhatnak an la kho lo. Amah tu hi a biapi tukmi pawl ah penalty a nganh tawntu a si. Final le semi pawl ah amah hi biapi in a ke tlau tawn caah Africa cup of Nation cu amah chan ah an la kho ti lai lo, tiah mi tampi nih a luancia kum ah khan an rak chim cang.
2014 World Cup zong ah Ivory Coast cu sau ngai an chuih te lai tiah rak ruahmi an si ve nain an rak tlung colh tthan. Mah ti cun an ram a hip khobik tu le vawleicung ah bawlung in an ram min a thantertu Drogba cu an ram aiawh in chuih ti lo ding in a rak i din. Atu ah Chelsea nih man lo in an rak lak i a caan tete ah a chuihter pah lengmang rih.
2015 Africa Cup of Nations ah Drogba a chuih taktak lo tikah mi tampi nih an rak hlam. Sihmanhsehlaw, Ivory Coast aiawh chuihtu hna an lung a dai, ttihnak an rak ngei lo i an ram caah thatho tein an rak i thawh. Drogba tluk in a biapimi Toure te unau an chuih kho rih i Roma hmaikal ttha Gervinho a no tuk rih. Kalou zong a ke rang i a haa a ttha tuk rih.
Kum tampi pakhatnak a la veve ti lomi Ghana le Ivory Coast cu final ah an iton tikah hohlei zumhdeuhmi an rak um kho lo. Aruang cu kum tampi zumh tukmi Ivory Coast nih mi a deuh tthan ding an ruah caah a si i Ghana zong World Cup ah an men ve lo caah a si fawn. Ghana cu mino tete a thiammi am i rual ve caah an zumg ngai ve fawn hna. World Cup an LUCK lo tuk caah tu kum ACN cu an lak khawh ko men, ti a si. Ivory cu le an dau chia hmanh sehlaw, an thiam tuk ve caah kan ttanhdeuhmi hna tu hi zumhdeuhmi si ko kon seh tiin an i ttanh cio ko hna.
A linhnak ram si tikah an thlen he puai tling an chuih tiang ah an i tei veve kho ti lo. 0-0 in an dih. Minute 30 an chuihter tthan hna hnu zong ah goal an i sut kho veve ti lo caah penalty an chuihter hna. Minung 22, 11 veve nih an chuih hnu lawng ah 8-9 in Ivory Coast nih 8-9 in a tei.
Toure te unau caah lunglawmhnak a si khun lai. Khat lei in Drogba zong aa lawm tuk lai nain amah i ACN hraipi von thlir ding a mitthlam in a ruah ah a lunghno ngai ve fawn lai. Amah ruang ah maw cu hlan vialte kha final siloah semi kha an rak sung? Amah aa tel lo caah maw tutan hi an te? Hohmanh nih an thei in an chim kho lai lo. Asinain hopaoh nih an chim khawh dingmi cu Drogba tello in Ivory Coast nih Africa Cup of Nations a tei timi a si.
Ivory Coast le Toure te unau lawmhpinak he.
1998 hnu Africa Cup of Nations teitu ram pawl:
2015: Ivory Coast.
2013: Nigeria.
2012: Zambia.
2010: Egypt.
2008: Egypt.
2006: Egypt.
2004: Tunisia.
2002: Cameroon.
2000: Cameroon.
1998: Egypt.
Source: NRK
Comments
Post a Comment