2014 Chung Bawlungchuih Thiambik Hna Thimnak

Kum tin in UEFA nih Europe i bawlung a chuihmi goalbawh in hmaikal tiang ah a thiambik 11 a thim hna i Team of the Year timi min pek in january i UEFA laksawng peknak ah a thanh tawn. Tu kum caah UEFA nih minung 40 min a tar i UEFA a hmangtu/hopaoh nih vote pek khawh ding in an website ah an tar hna, january 6. tiang vote thlak khawh a si (register nan tuah hau lai, tinak). Na uarmi pa na thim khawh ve tinak a si, UEFA na hman ahcun. January 9. ah line-up ning in an thanh lai.

Ni kum kha 6.3million nih vote an rak thlak, ti a si. Tu kum cu avoi 14nk Team of the Year (TY) an thim a si i UEFA-user nih goalbawh 4, hnukham 12, alaikal 12 le hmaikal 12 chungah pakhat cio thim khawh a si lai. Champions League 2014 final a chuihmi team 2 chung in minung 12 an itel i club 14 chung in thimmi, ram 19 in a rami minung 40 an si. Mah hi TY i ai telmi cu ICRC ai an awh lai i Euro 100000 pek an si lai.

A tanglei minung 40 chung hin TY cu an chuak te lai, UEFA ah vote pek khawh an si.

Goalbawh:
Manuel Neuer, Bayern Munich
Thibaut Courtois, Chelsea
Gianluigi Buffon, Juventus
Beto, Seville

Hnukham:
Sergio Ramos, Real Madrid
Diego Godin, Atletico Madrid
Miranda, Atletico Madrid
Vincent Kompany Manchester City
Jerome Boateng, Bayern Munich
Mehdi Benatia, Bayern Munich
David Alaba, Bayern Munich
Ezequiel Garay Zenit
Mats Hummels, Borussia Dortmund
Philipp Lahm, Bayern Munich
Pablo Zabaleta Manchester City
Dani Carvajal Real Madrid

Alaikal:
Toni Kroos, Real Madrid
Luka Modric, Real Madrid
Ángel di María, Manchester United
Arjen Robben, Bayern Munich
Ivan Rakitic, FC Barcelona
James Rodriguez, Real Madrid
Boiling, Atletico Madrid
Xabi Alonso, Bayern Munich
Marco Reus, Borussia Dortmund
Paul Pogba, Juventus
Yaya Touré, Manchester City
Arda Turan, Atletico Madrid

Hmaikal:
Gareth Bale, Real Madrid
Diego Costa, Chelsea
Thomas Müller, Bayern Munich
Cristiano Ronaldo, Real Madrid
Zlatan Ibrahimovic, Paris Saint-Germain
Robert Lewandowski, Bayern Munich
Alexis Sanchez, Arsenal
Karim Benzema, Real Madrid
Leo Messi, FC Barcelona
Jonathan Soriano, FC Salzburg
Carlos Tevez, Juventus
Neymar, FC Barcelona

A cung i min 40 nan zoh tikah a baumi cu Suarez a si ti khi nan hlam ngai cio lai caah nan hngalh colh lai. Liverpool caah goal 30 leng a sut i sui-kedan zong an pekmi Suarez cu seh a hman caah tutan cu UEFA nih an telh lo. Amah telh loin FC Salzburg i a chuihmi hmaikal Jonathan min tu a chuak. Jonathan nih 2013/14 chung ah goal 46 a sut. Asinain Ronaldo, Bale, Messi le Zlatan sinah a tlaak ngaite hnga dek maw? Iker Casillas zong ai tel ti lo. - Premier League in minung pathum lawng an itel (manciy lawngte) tikah PL hi a min lawng a si ko cang (rua).

UEFA nih TY hi 2001 in a thawk i avoi 14nk tiang ah TY i ai tel tambik cu C. Ronaldo a si i voi riat ai tel cang. Tu kum a peh khawh rih. Iker Casillas le Puyol hi voi 6 veve an rak i tel, i Xavi, Messi le Henry cu 5. veve an itel. Xavi zong tutan cu a min lang ti lo i voi 4 ai tel balmi Iniesta zong a lang ti lo. Barcelona in TY ah 35 an i tel i a tambik an si. A changtu ah Real Madrid 28, Milan 18, Bayern 12, Arsenal le Juventus 10 veve an si hna.

UEFA manager of the year tambik a hmutu cu Mourinho a si, i voi 4 a ngah. A changtu ah Alex Ferguson 2, a si.

2014 Sui-bawlung Hodah Co Lai?
October dih lei ah FIFA-Suibawlung co ding ah ai tlak ko timi min 23 a chuak i mah hna chung in cun pakhat kha an pek te lai. Mah cu hna lak zong ah Suarez min aa tel tthiam lo. January 12 hlan cu aho nih a co te lai timi chim a har lai nain december 1. ah minung pathum lawng an taang te lai, i ruahdamh cu a fawideuh ngaite lai dah.

Tulio cu FIFA hi ningcang lo in phaisa eihmuar le ziknawh kong he pehtlaiin an purhdah hna, hlathlai le biahal an ton lio a si. A hlei in FIFA president Sepp Blatter hi ralkap/siangpahrang bantuk a si, tiah mi tampi nih an zumh lo tuk lio a si. Pakhat cu Sepp nih Messi hi ziah mah tihin a dawt hnga, tiah mi tampi nih biahalnak an tuah ttheo, tahchunnak ah WC 2014 i a thimbik ah Messi an pekmi hna kha FIFA an zum hna lo.

Naite ah Sepp nih "Messi kan pekmi kha data-system ruangah a si, a taktak ah cun Robben maw Neuer silole Schweinsteiger hna pek awk a rak si," tiah a chim. Mah cucu fak ngaiin sawisel an i huah hnupi ah a chimmi a si.

Goalbawh nih Suibawlung an co bal lo. Asinain tutan cu Germany le Bayern goalbawh a simi Neuer hi an zumh pah cio. A hleiin Fifa president nih mah ti bia a chim hnu in Messi kong ah an zumh loning (Messi sponsor khi FIFA he naihte in a ttuanmi an si caah ti lei.), cun atu ah ziknawh leiin an purhdah hna ning ruangah Neuer hi pek khawh a si zia khi ceih a tong ngai. Goalbawh ngai nih Suibawlung co awk cu a har ngaingai, hnukham hmanh ah minung pahnih lawng nih an co bal.

Cucaah tutan cu Ronaldo, Messi, Rodriguez, Mueller, Mario Goetze le Lahm ahhin pakhat paoh an si te lai tiah keinih cun ka ruah chung. December 1. ah pathum an taang lai i a fiangdeuh te lai, atang 23 hi min tarmi cu an si:

Gareth Bale
Karim Benzema
Diego Costa
Thibaut Courtois
Cristiano Ronaldo
Angel Di Maria
Mario Goetze
Eden Hazard
Zlatan Ibrahimovic
Andres Iniesta
Toni Kroos
Philipp Lahm
Javier Mascherano
Lionel Messi
Thomas Mueller
Manuel Neuer
Neymar
Paul Pogba
Sergio Ramos
Arjen Robben
James Rodriguez
Bastian Schweinsteiger
Yaya Toure

Manager of the Year zong FIFA nih a thim ve lai. Cun FIFA team of the year zong an thim tthan ko lai, UEFA he an i dang. World Cup 2014 teitu Germany phu an hruaitu/manager Joachim Low hi tutan ahcun zumhbik a si, nain Champions League teitu Real Madrid manager Ancelotti le a kum vui tukmi Atletico manager Diego Simeone thim tlak taktak an si ve. A dang cu Antonio Conte (Juventus), Pep Guardiola (Bayern), Jürgen Klinsmann (USA), Jose Mourinho (Chelsea), Manuel Pellegrini (Man City), Alejandro Sabella (Argentina) le Louis van Gaal (Netherlands, atu cu Manchester United) an si na.

------
Cc: UEFA, Wikipedia, FIFA, NTB