Dawt Dingah Thimmi

A thukbik rili ne nakin thukdeuh in a luangmi
dawtnak a um ko.
"Zeiruangah?", "Zeitindah?" timi biahalnak hna leh hau lo in
amah sining tein a simi
dawtnak a um ko.
Hnahchuahnak a fahter khotu dawtnak.
Tial Taang mitthli a tlaktertu dawtnak.

Siangpahrang/nu le min lian ralbawi hna caah
siivai zong dornak ah a thlengtu
dawtnak.
A sangbik arfi hluan in a ceubik nika bantuk
dawtnak a um.

Dawtnak nih lunglian siangpahrang hna zong
lunghno in a rak hrilh hna si lo maw?
Ralbawi lian Napoleon teh? Zeihlei hlah,
"kan ngaih tuk i na kong ka ruah caan ah
ka kuttang ralkap hawi sinah ka panh kho lo e,"
tiah fa ngei cia nu tar Josephine sinah ca rak kua ai kaw, mi fanau.

Hi kan dawtnak hi a ruang na ka hal ahcun
kan let kho lai lo.
Zeitindah na ka duh khawh tiah nangmah le nangmah zong
i tthum tuk hlah, na phu lo ti zong in khi chokhlei kung cung
senri bang na parnak sang fawn hlah.

Par phun tling a eennak hi vawlei ah
nang cu dawt ding in kan thim.

Kan dawt tuk Ve!
-----------

hi hla te hi rak ngai te. 

Mangttha in chunttha hna ulaw

Norway in nan hawi :)