World Cup a dih. Europe tthal zong khuasik lei ah aa thleng cuahmah. Pa le bawlungchuih a uartu paoh nih Premier league, La Liga le Bundeliga thawk lai lawng an i ngaih cio lai. Champions league zong thla khat hnih hnu ah an thawk lai. Hi vialte an thawk hlan ah august thla dih tiang hi club kip nih mi zuar le cawk caan an ngei.
Club minthang hna nih an cawkmi cheukhat kong kan zoh hlan ah bawlung vawlei i minthang hna an man cheukhat langhter hmasa ka von i zuam lai.
Kum tinte hi CIES Football Observatory timi bawlung lei hlathlainak a tuahtu hna nih bawlung chuihtu hna i an man hi an tuak i an thanh tawn. Tu kum 2014 zong hi World Cup an chuih hlan te ah an thanh manh. CIES cu University of Neuchatel in Switzerland ah a hrambunh in international sport kong hlathlainak a tuahtu a si. Club minthang hna nih an cawkmi cheukhat kong kan zoh hlan ah bawlung vawlei i minthang hna an man cheukhat langhter hmasa ka von i zuam lai.
Messi le Ronaldo An I Thlauning:
CIES nih an chimning ah Messi hi Barcelona nih zuar hna sehlaw, mah cu man in cun Ronaldo pahnih an cawk khawh lai. Europe phaisa Euro in a man ttial sih law, Messi hi atu sining in cun 200.2 in 232.6 million euro man a si. C. Ronaldo cu a tambik 122.9 million euro lawng in cawk an duh cang lai, tiah an tuak.
Hlathlaitu hna nih hin atu in a luancia kum nga chung kha league minthang panga (Spain, Germany, England, Italy le France) chirchan in an zoh i chaw-lehnak ah an man an tuak piak hna.
Bawlung chuihtu hna an kum kha biapi ngai in an zoh. An thiam le thiam lo, an chuihnak hmun, an club i min an thutmi contract caan, zeitluk in tei an maak i kan hnu kum hna ah zeidah an rak lawh ti an zoh chih. A niambik ah passing an tuahmi zeitlukdah a si, timi tiang zoh in an man an khiah.
Suarez man a kaibik:
Puai 8 leng a chuih lo nain Liverpool cu champions league ah a chuihter hna pinah goal tambik a suttu Suarez cu 2013 ah 20nak a rak si nain tu kum cu a man fakbik 3nk a si cang. A tambik 114.5 million euro in zuar khawh a si lai, tiah an tuakmi a si nain World Cup ah mi a seh ruangah FIFA nih caan sau an phih piak tikah Barcelona nih man deng deuh te in an cawk khawh.
A cung kan chim cang bantuk in kum upadeuh cu an thiam tuk zong ah an man a sang kho lo. Cu tikah atang i top 60 lakah hin na uarmi bawlungchuih thiampa kha ai tel lo kho men, upat caah maw a si, aa khawnden a tam caah dah a si timi zoh chih a hau hnga.
A man fakbik bawlungchuihtu top 60:
Comments
Post a Comment