Europe Chin Football Championship Tournament (ECFC) tiin Europe um laimi i hawikomhnak hi 2010 ṭhal in rak thawk a si i voi hnih tuah a si cang. Asinain mah hi ECFC kong hi a thei rih lomi Europe um laimi kan tampi. A voi thumnak cu Norway ah an tuah lai i Norway Chin Christian Youth Fellowship a dih ni in an thawk lai.
ECFC kong hi zapi nih kan thei rih lo nain 2014 ṭhal chung ah Norway um laimi nih kan don lai, i Europe chung in Denmark, Germany, Holland, England, Czech Republic, Swizerland, Sweden le ram dang zong in khual kan ngei te lai tiah Norway Chin Christian Youth Fellowship le Chin Community in Norway upa hna sinin theih a si.
ECFC nih zanglek zuamnak a phunphun le pahrang zuamnak, lengdawh thimnak tibantuk zong a tuah chih lai. Europe laimi iton sawhnak le ihawikomh sawhnak lawng maw a si lai, tiah chairman Pu Biak Hmun Thang he ECFC kong bia kan i ruah lio ah ka hal i ”a si lai lo.” tiah a ka leh.
Pu Biak Hmun Thang (dawdawt pa) hi ECFC president, Germany ah a ummi a si. ECFC kong le tutan Europe um Chinmi itonnak kong he pehtlai in bia kan iruahmi a tanglei bantuk in rel khawh a si.
Hmasabik ah Europe Chin Football Championship Tournament kong tawi, ai thawk ning, zeidah ai tinh, cun tutiang a dirhmun kan chim kho law kan ilawm ko hnga.
ECFC: Biahalnak na ka tuah mi cungah lawmhnak ka ngei. Ahlan ah cun Europe ah hin Laimi (Chinmi) khuasa an rak tlawm ngai. A tamdeuh cu Sianginn kai ah a ra mi an si hna. Cucaah an Sianginn kai dih le cangka in kan ram ah an rak kir tthan hna. Asinain kir lo in Europe miphun he a tthium mi zong an rak um ve hna. 1970 kum hrawng ah hin Chinmi pakhat, pahnih cu Europe ram ah Refugee ah rak sawk cang. 1988 kum kawlram buainak hnu in a zammi Lai Siangngakchia hna chung zong in ram thumnak an rak kal tikah Europe ram ah a rak kalmi an rak tlawm ngai. Keimah ka thei thawh ah cun Danmark ah Pu Sang Hmung le Sweden ah Pu Dr. Lian Hmung Sakhong hlawng an si.
Chan tiluan ai tlenning in Europe ram Germany ah 1992 in 2002 tiang hrawng ah Chinmi zakhat hrawng kan rak phan hna i refugee kan sawk hna. Kum 2001 kum ah Chin Community (Germany) kan rak dirh hna. Cun 2002 in 2010 tiang ah a phunphun in (UN thawng in le Pumpak in) Europe ram a si mi Netherland, Danmark, Sweden, Switzerland, Check Republic, UK le Norway hna ah Chinmi tamlak te kan rak phan hna.
Germany i a rak phan hmasa mi Chinmi hna nih kan pawngkam Europe ram chung a rak phan mi kan Unau hna he iton hi kan rak duh ngaingai. Zeitindah itonnak kan tuah khawh lai tiah khua khannak kan rak ngei hna. Civui (Europe Chin Seminar) bantuk in tauh kan rak duh ngai nain kan sining nih a rak phan lo i kan rak tuah kho lo. Cucaah Europe Chin Football Championship Cup & Cultural Festival ti in a tanglei timhmi hna ngeih in kan rak tuah. Kan i timhmi hna cu:
1) Europe chung um Chinmi pakhat le pakhat i hawikomh ding.
2) Chin nunphung kilven ding le miphung dang nunphung zong upat thiam ding.
3) Kan miphun hi a kakip in tthanchonak caah thazang chuah ding le ttuan taktak ding.
4) Bu rianttuan dan le democracy phunglam cawn ding; (Sikan ngei bu te in tthutdir thiam ding)
5) Pumpalulh chuih zuamnak in thawk i zaanglek le nunphung puai tiang kalpi te ding.
Miphun phunkhat i athazang cu, cu miphun nih a ngeihmi MINO kha an si. Europe a phanmi kan mino hna pakhat le pakhat i hawikomhnak caah hin lentecelhnak hi a tthabik tiah kan rak ruah. Europe um kan mino hna an i hawikomh i kan phunglam an kilven a si ahcun Europe ram ah Laimi kan tlau ti lai lo tiah ruahchannak kan rak ngei. Cucaah Chin Community (Germany) nih 2010 kum ah tlamtling lo ngai buin a rak thawk.
Tulio kan dir hmun cu Europe ram kip um mi Community hna le Family hna kan ifonh kho hna. Pakhat le pakhat kan ithei hna.
Eroupe Chin Football Championship Tournament ti lawng in maw a si lai, bu/organization hna in a dir kho lai lo maw? Ruahmi teh a um maw?
ECFC: A cung i ka chim cang bantuk in atu ah cun Europe i dirmi Chin Community hna le Family hna kan ithei cang hna i kan dihlak fonh in Europe Chin Community tiin min pek ding le fehter ding in kan itim. Atu a ralaimi Norway i kan puai ah kan fehter lai. Hi tin kan fehter khawh a si ahcun hmailei karhlannak ah tampi kan lam a tluang lai tiah ruahchannak ka ngei.
2014 cu Norway ah tuah ding ti a si i Norway um mino nih kan i ngaih ngai ko. Europe i Laimi umnak ram vialte an itel kho lai maw? Cu hlan ah voi hnih nan rak tuah lio ah Norway in kan rak itel khawh lomi kha zeiruang bikdah a rak si?
Atu a ralaimi 2014 july i Norway kan puai cu Europe ram kip in itel khawh ding in kan i zuam len ko. Pumpalulh phu in tel khawh lo zong ah aiawh bantuk talin cun an rak kan telpi cio ko lai dah tiah ruahchannak ka ngei.
Germany i kan rak tuah lio ah nan rak itel kho lo. Asinain Danmark ah cun Chin Community Norway aiawh minung nih an rak kan telpi ko. Mino tu kha nan puai he ai tong sual i nan rak kan telpi kho lo. Zeiruangah ti ahcun; Danmark i kan tuah ding mi kha Germany i kan rak tuah lio ah rak khiah mi a si. Cun tuahnak ding a nithla khiah zong hi kan iharh ngai. Ziah ti ahcun Europe ram kip i khuasa mi Chinmi hna nih hin kum fatin kan mah le kan ram cio ah biaknak lei le Community leiin puai tete kan ngei cio hna. Ram khat asilole ram khat he hin iton peng a si. Community upa hna hmaiton in le online in meeting kan tuah zong ah hikong ah hin biakhiahnak tuah kan iharh ngai. Chin Community Europe ti in kan dirh khawh a si ahcun duhsah tein kan tlam a tling te ko lai tiah ruahchannak ka ngei.
Cu hlan nan tuah tawn ah zeitindah budget nan thlak/suai? A dongtu ram nih a dihmi le hi Tournament tuahnak ah a dihmi vialte hi phaisa in zeizah hrawngdah a si hnga?
ECFC: Atu tiang kan rak tuahning cu a dongtu (tuahnak ram i Community le a dangdang Bu hna ibomh dih) nih azeipoh rak tawlrel dih a si ko. Cucaah tangka zeizat ti cu ka chim kho lo. Lente celhnak, culture show le Hlasak zuamnak i pek mi Laksawng tu kha Comitee nih thawhmi tangka chung in a pek.
Europe chin mino sinah Eroupe Chin Football Championship Tournament he pehtlai in chim na duhmi, cun Norway i kan tuah dingmi kong ah kan theih awk a simi chim awk a um maw?
A voi thumnak Europe Chin Football Championship Cup & Cultural Festival Comitee Upa dirhmun in Europe um Chin mino hna sin i chim ka duh mi cu:
1.) Kan Pathian nih vawileicung miphun tampi hna lakah Laimiphun (Chinmiphun) si ding in ri a rak kan khiah mi chung ah ai lawm khomi si in, Chinmi kan si hi i nautat lo in ai urpi khomi si hna uhsih.
2.) Kan Lai nuncan le ziaza tiah keimah pumpak nih ka ruah mi hna: (a) Nu le Pa bia ngaih, (b) Pi le Pu, Nu le Pa, Hruaitu le Saya te upat pek, (c) Innpa he rualrem tein nun, (d) Kan minung hawi hna he i hawikomh tikah felte in le lungding tein ikomh, (f) lihbia chim lo. (g) A chiatnak leiin hakkauhnak le ziar ngeihnak thinlung ngeih lo. Mah hi tlaulo in i nunpi kho hna uhsih.
3.) Kan laimi le Lairam (Chinmi & Chinland) tthanchoter duhnak thinlung ingeih cio hna uhsih.
4.) Ram le miphun dawtnak thinlung ngei cio hna uhsih.
5.) Khua, Pengtlang ttanhnak thinlung lawng siloin Chin miphunpi ttanhnak thinlung in Union of Burma ttanhnak thinlung tiang zawng ngei ve hna usih.
6. A zei thil kan tuah tik paoh ah kap khat lei hlawng siloin kap hnih in zoh khawh, hmuh khawh izuam hna usih.
7. Laimi rualremnak (Chin Unity) dawntu vialte kha Lai miphunpi dawtnak thinlung in a hrawk kho tu si izuam hna usih law Chinmi ah pumkhat kan si (we are one in Chin) tiah a dirpi kho tu si hna usih.
Norway um Chinmi hna sin biacah le ECFC Norway he pehtlai in kan theih awk a simi chim awk a um ahcun
ECFC: Cun Norway i um mi kan unau sin i nawl kan duh mi hna cu: kum 2014 kum Europe kan puai a tlamtling khawhnak ding caah Norway i sub-comitee an rian ttuannak ah nan sikhawh tawk in thazang rak chuah cio uh tiah kan nawl hna.
Cun Laimi (Chinmi) dihlak sin ah nawl kan duh mi hna cu: tutan kan puai ah hin Laica (Chin Literature) zuamnak tiin Poem le Essay zuamnak kan tuah lai. Hi zuamnak ah hin Europe um Laimi (Chin; Lai, Zo, Acho, etc,) vialte izuam khawh a si lai. Cu leng ah Hlasak zuamnak, Lailam zuamnak, Culture & Talen Show le Europe Chin Menrihai thimnak hna kan tuah chih lai. Hi tuahmi zuamnak i laksawng caah pumpak in hlut a duh mi cu comitee tangka tlaitu Pu Peter Sang (Norway) sih ah chimh in hluh khawh a si lai. Mah le umnak ram i Community sin ah le Comittee chungtel sin zong ah cazin pek khawh a si.
Hi kan puai caah rauhnak tthattha hna le a dangdang ruahnak comitee sinah pek a duhmi nan um a si ahcun zalong tein atanglei Europe upa hna le 3rd. ECFC comitee member hna sinah pek khawh a si.
1. Pu Biak Hmun Thang (Germany) thangohnmar95@googlemail.com Tel.: 0049 8271 420 575 le Pu Mang Za Ling
2. Pu Van Thang (Chin Community Norway) zacuan.thang@gmail.com, Pu Peter Sang, Pa Cung Cem Bik
3. Salai Tin Ceu (Chin Family Nertherland) salaitinceu@gmail.com, Pu Ngun Sang
4. Pu Lai Uk (Sweden) laiuk09@gmail.com, le CCS Secratry
5. Pu Michael Vanbawi vanthabikpa@gamil.com le CCDK Secraty
Lunglawmnak tampi ka ngei,
Biak Hmun Thang
Chairman
3rd. Europe Chin Football Championship Cup (Tournament) & Cultural Festival Comitee
Note: ECFC president hi 2013/10/22 ah avoi nganak Senri Mekazin 2013 caah interview ka rak tuahmi a si. Chin Community in Norway website zong ah ECFC he pehtlai in thawngthanh tlingdeuh rel khawh a si lai.
ECFC kong hi zapi nih kan thei rih lo nain 2014 ṭhal chung ah Norway um laimi nih kan don lai, i Europe chung in Denmark, Germany, Holland, England, Czech Republic, Swizerland, Sweden le ram dang zong in khual kan ngei te lai tiah Norway Chin Christian Youth Fellowship le Chin Community in Norway upa hna sinin theih a si.
ECFC nih zanglek zuamnak a phunphun le pahrang zuamnak, lengdawh thimnak tibantuk zong a tuah chih lai. Europe laimi iton sawhnak le ihawikomh sawhnak lawng maw a si lai, tiah chairman Pu Biak Hmun Thang he ECFC kong bia kan i ruah lio ah ka hal i ”a si lai lo.” tiah a ka leh.
Pu Biak Hmun Thang (dawdawt pa) hi ECFC president, Germany ah a ummi a si. ECFC kong le tutan Europe um Chinmi itonnak kong he pehtlai in bia kan iruahmi a tanglei bantuk in rel khawh a si.
Hmasabik ah Europe Chin Football Championship Tournament kong tawi, ai thawk ning, zeidah ai tinh, cun tutiang a dirhmun kan chim kho law kan ilawm ko hnga.
ECFC: Biahalnak na ka tuah mi cungah lawmhnak ka ngei. Ahlan ah cun Europe ah hin Laimi (Chinmi) khuasa an rak tlawm ngai. A tamdeuh cu Sianginn kai ah a ra mi an si hna. Cucaah an Sianginn kai dih le cangka in kan ram ah an rak kir tthan hna. Asinain kir lo in Europe miphun he a tthium mi zong an rak um ve hna. 1970 kum hrawng ah hin Chinmi pakhat, pahnih cu Europe ram ah Refugee ah rak sawk cang. 1988 kum kawlram buainak hnu in a zammi Lai Siangngakchia hna chung zong in ram thumnak an rak kal tikah Europe ram ah a rak kalmi an rak tlawm ngai. Keimah ka thei thawh ah cun Danmark ah Pu Sang Hmung le Sweden ah Pu Dr. Lian Hmung Sakhong hlawng an si.
Chan tiluan ai tlenning in Europe ram Germany ah 1992 in 2002 tiang hrawng ah Chinmi zakhat hrawng kan rak phan hna i refugee kan sawk hna. Kum 2001 kum ah Chin Community (Germany) kan rak dirh hna. Cun 2002 in 2010 tiang ah a phunphun in (UN thawng in le Pumpak in) Europe ram a si mi Netherland, Danmark, Sweden, Switzerland, Check Republic, UK le Norway hna ah Chinmi tamlak te kan rak phan hna.
Germany i a rak phan hmasa mi Chinmi hna nih kan pawngkam Europe ram chung a rak phan mi kan Unau hna he iton hi kan rak duh ngaingai. Zeitindah itonnak kan tuah khawh lai tiah khua khannak kan rak ngei hna. Civui (Europe Chin Seminar) bantuk in tauh kan rak duh ngai nain kan sining nih a rak phan lo i kan rak tuah kho lo. Cucaah Europe Chin Football Championship Cup & Cultural Festival ti in a tanglei timhmi hna ngeih in kan rak tuah. Kan i timhmi hna cu:
1) Europe chung um Chinmi pakhat le pakhat i hawikomh ding.
2) Chin nunphung kilven ding le miphung dang nunphung zong upat thiam ding.
3) Kan miphun hi a kakip in tthanchonak caah thazang chuah ding le ttuan taktak ding.
4) Bu rianttuan dan le democracy phunglam cawn ding; (Sikan ngei bu te in tthutdir thiam ding)
5) Pumpalulh chuih zuamnak in thawk i zaanglek le nunphung puai tiang kalpi te ding.
Miphun phunkhat i athazang cu, cu miphun nih a ngeihmi MINO kha an si. Europe a phanmi kan mino hna pakhat le pakhat i hawikomhnak caah hin lentecelhnak hi a tthabik tiah kan rak ruah. Europe um kan mino hna an i hawikomh i kan phunglam an kilven a si ahcun Europe ram ah Laimi kan tlau ti lai lo tiah ruahchannak kan rak ngei. Cucaah Chin Community (Germany) nih 2010 kum ah tlamtling lo ngai buin a rak thawk.
Tulio kan dir hmun cu Europe ram kip um mi Community hna le Family hna kan ifonh kho hna. Pakhat le pakhat kan ithei hna.
Eroupe Chin Football Championship Tournament ti lawng in maw a si lai, bu/organization hna in a dir kho lai lo maw? Ruahmi teh a um maw?
ECFC: A cung i ka chim cang bantuk in atu ah cun Europe i dirmi Chin Community hna le Family hna kan ithei cang hna i kan dihlak fonh in Europe Chin Community tiin min pek ding le fehter ding in kan itim. Atu a ralaimi Norway i kan puai ah kan fehter lai. Hi tin kan fehter khawh a si ahcun hmailei karhlannak ah tampi kan lam a tluang lai tiah ruahchannak ka ngei.
2014 cu Norway ah tuah ding ti a si i Norway um mino nih kan i ngaih ngai ko. Europe i Laimi umnak ram vialte an itel kho lai maw? Cu hlan ah voi hnih nan rak tuah lio ah Norway in kan rak itel khawh lomi kha zeiruang bikdah a rak si?
Atu a ralaimi 2014 july i Norway kan puai cu Europe ram kip in itel khawh ding in kan i zuam len ko. Pumpalulh phu in tel khawh lo zong ah aiawh bantuk talin cun an rak kan telpi cio ko lai dah tiah ruahchannak ka ngei.
Germany i kan rak tuah lio ah nan rak itel kho lo. Asinain Danmark ah cun Chin Community Norway aiawh minung nih an rak kan telpi ko. Mino tu kha nan puai he ai tong sual i nan rak kan telpi kho lo. Zeiruangah ti ahcun; Danmark i kan tuah ding mi kha Germany i kan rak tuah lio ah rak khiah mi a si. Cun tuahnak ding a nithla khiah zong hi kan iharh ngai. Ziah ti ahcun Europe ram kip i khuasa mi Chinmi hna nih hin kum fatin kan mah le kan ram cio ah biaknak lei le Community leiin puai tete kan ngei cio hna. Ram khat asilole ram khat he hin iton peng a si. Community upa hna hmaiton in le online in meeting kan tuah zong ah hikong ah hin biakhiahnak tuah kan iharh ngai. Chin Community Europe ti in kan dirh khawh a si ahcun duhsah tein kan tlam a tling te ko lai tiah ruahchannak ka ngei.
Cu hlan nan tuah tawn ah zeitindah budget nan thlak/suai? A dongtu ram nih a dihmi le hi Tournament tuahnak ah a dihmi vialte hi phaisa in zeizah hrawngdah a si hnga?
ECFC: Atu tiang kan rak tuahning cu a dongtu (tuahnak ram i Community le a dangdang Bu hna ibomh dih) nih azeipoh rak tawlrel dih a si ko. Cucaah tangka zeizat ti cu ka chim kho lo. Lente celhnak, culture show le Hlasak zuamnak i pek mi Laksawng tu kha Comitee nih thawhmi tangka chung in a pek.
Europe chin mino sinah Eroupe Chin Football Championship Tournament he pehtlai in chim na duhmi, cun Norway i kan tuah dingmi kong ah kan theih awk a simi chim awk a um maw?
A voi thumnak Europe Chin Football Championship Cup & Cultural Festival Comitee Upa dirhmun in Europe um Chin mino hna sin i chim ka duh mi cu:
1.) Kan Pathian nih vawileicung miphun tampi hna lakah Laimiphun (Chinmiphun) si ding in ri a rak kan khiah mi chung ah ai lawm khomi si in, Chinmi kan si hi i nautat lo in ai urpi khomi si hna uhsih.
2.) Kan Lai nuncan le ziaza tiah keimah pumpak nih ka ruah mi hna: (a) Nu le Pa bia ngaih, (b) Pi le Pu, Nu le Pa, Hruaitu le Saya te upat pek, (c) Innpa he rualrem tein nun, (d) Kan minung hawi hna he i hawikomh tikah felte in le lungding tein ikomh, (f) lihbia chim lo. (g) A chiatnak leiin hakkauhnak le ziar ngeihnak thinlung ngeih lo. Mah hi tlaulo in i nunpi kho hna uhsih.
3.) Kan laimi le Lairam (Chinmi & Chinland) tthanchoter duhnak thinlung ingeih cio hna uhsih.
4.) Ram le miphun dawtnak thinlung ngei cio hna uhsih.
5.) Khua, Pengtlang ttanhnak thinlung lawng siloin Chin miphunpi ttanhnak thinlung in Union of Burma ttanhnak thinlung tiang zawng ngei ve hna usih.
6. A zei thil kan tuah tik paoh ah kap khat lei hlawng siloin kap hnih in zoh khawh, hmuh khawh izuam hna usih.
7. Laimi rualremnak (Chin Unity) dawntu vialte kha Lai miphunpi dawtnak thinlung in a hrawk kho tu si izuam hna usih law Chinmi ah pumkhat kan si (we are one in Chin) tiah a dirpi kho tu si hna usih.
Norway um Chinmi hna sin biacah le ECFC Norway he pehtlai in kan theih awk a simi chim awk a um ahcun
ECFC: Cun Norway i um mi kan unau sin i nawl kan duh mi hna cu: kum 2014 kum Europe kan puai a tlamtling khawhnak ding caah Norway i sub-comitee an rian ttuannak ah nan sikhawh tawk in thazang rak chuah cio uh tiah kan nawl hna.
Cun Laimi (Chinmi) dihlak sin ah nawl kan duh mi hna cu: tutan kan puai ah hin Laica (Chin Literature) zuamnak tiin Poem le Essay zuamnak kan tuah lai. Hi zuamnak ah hin Europe um Laimi (Chin; Lai, Zo, Acho, etc,) vialte izuam khawh a si lai. Cu leng ah Hlasak zuamnak, Lailam zuamnak, Culture & Talen Show le Europe Chin Menrihai thimnak hna kan tuah chih lai. Hi tuahmi zuamnak i laksawng caah pumpak in hlut a duh mi cu comitee tangka tlaitu Pu Peter Sang (Norway) sih ah chimh in hluh khawh a si lai. Mah le umnak ram i Community sin ah le Comittee chungtel sin zong ah cazin pek khawh a si.
Hi kan puai caah rauhnak tthattha hna le a dangdang ruahnak comitee sinah pek a duhmi nan um a si ahcun zalong tein atanglei Europe upa hna le 3rd. ECFC comitee member hna sinah pek khawh a si.
1. Pu Biak Hmun Thang (Germany) thangohnmar95@googlemail.com Tel.: 0049 8271 420 575 le Pu Mang Za Ling
2. Pu Van Thang (Chin Community Norway) zacuan.thang@gmail.com, Pu Peter Sang, Pa Cung Cem Bik
3. Salai Tin Ceu (Chin Family Nertherland) salaitinceu@gmail.com, Pu Ngun Sang
4. Pu Lai Uk (Sweden) laiuk09@gmail.com, le CCS Secratry
5. Pu Michael Vanbawi vanthabikpa@gamil.com le CCDK Secraty
Lunglawmnak tampi ka ngei,
Biak Hmun Thang
Chairman
3rd. Europe Chin Football Championship Cup (Tournament) & Cultural Festival Comitee
Note: ECFC president hi 2013/10/22 ah avoi nganak Senri Mekazin 2013 caah interview ka rak tuahmi a si. Chin Community in Norway website zong ah ECFC he pehtlai in thawngthanh tlingdeuh rel khawh a si lai.
Comments
Post a Comment