Virus hrial i zuam ko.
Na computer a thar le a hlunh kha a biapi lo, virus asiloah na computer a hrawk khotu data-programs a kham khomi program na ngeih taktak le ngeih lo na zoh maw? Na thei maw?
Na theih lo a si ahcun na ngeih le ngeih lo zoh. Na ngeih lo a si ahcun ngeih hrimhrim awk a si, na computer na dawt le na sian lo a si ahcun. Antivirus program nih na computer a hrampi cu a himter khawh hrimhrim. Na ngeih awk bak a si. Cucu keimah nih ka chimmi a si lo, Norsk senter for informationssikring (NorSIS) nih an chimmi a si.
A man liam hau lo.
Computer caan saudeuh a tawng cangmi nih cun antivirus ah McAfee le Norton-antivirus cu an theih dih ngawt. A man aa deng cem ah kroner in 370, le a man tak cu kroner 500 leng hrawng an si. Dollar in cun 30-60 hrawng si lai cu, a ram nih ngeih cio.
Asinain na computer virus himnak ding caah na phaisabawm kau a hau lem lo, man lo in download khawh mi antivirus program an um ko.
- A man pek haumi McAfee le Norton nih cun tthadeuh in a kham khawh ko, nain antivirus hi virus khamnak ah a tlingmi a si hlei lo. Man pek hau lomi program pawl nakin tlawmte an tthawng deuh i a si, man-lo program pawl nih virus tampi a kham khawh ve. A biapimi cu antivirus pakhat khat paoh na computer ah an ngeih a herh i mah program kha update/ a thar chuah (a hnubik version lak piak peng) a herh ee, tiah NorSIS i hlatlaitu pakhat nih Dine Penger website ah a chim.
Mah hi kong kan chim tikah hin Windows a hmangmi caah a si bik. Windows Vista siloah Windows 7 na hman rih a si ahcun man-lo in download khawhmi antivirus-program hi an ttha tuk ve. Mah cu Microsofts nih a ngeih i an website ah Microsoft Security Essentials, tiin kawl khawh a si. A lakte in download tuah khawh a si ko.
Norway ummi caah (ram dang ummi zong) Windows 8 ca zong ah mah bantuk cu a ttha rih ko. Atang ah khin Windows 7-8 le Vista hmangtu caah a lakte in download khawhmi Anti-virus pawl NorSIS nih a ttha an timi link ka tuah.
Zei a si hmanh ah nangmah hi na computer a himnak caah rian na ngei. Na theih lomi links na click ruangah virus a lut kho. Email na zoh tikah na theih lomi na on ruang ah a si kho, cucaah na theih komi nih email an kuatmi zong kha zoh law Links he hna siloah download awk an kuat tikah a kong fiangdeuh in an chim/tial piak lo ahcun click/download hlah.
Online movie zohnak in le porn zohnak in virus hi a ra duh khun, a ruang cu ads pawl in link a hung chuakmi ah khan an um kho ngai.
Computer caah (Mac si lomi) man-lo antivirus-programs:
Norway holh: Microsoft Security Essentials
Mirang holh: Microsoft Security Essentials
AVG
AVG hi zaran nih cun an hmanmi a ttha ngaimi a si.
avast
avast hi hlan ah ka rak hman bal.
ClaimWin
hi zong ka hmang bal lo .
Trend Housecall
ka hmang bal lo.
A cung i antivirus-programs hi a ttha tiah expert pawl nih an chimmi a si, Windows hmangmi paoh nih cun a man pekmi Norton/McAfee na ngeih lo ahcun rak download ve ko hna law a tthabik ko lai, tiah ruahchannak ka ngei.
Dawtnak he.
Source: NorSIS
Comments
Post a Comment