Barcelona FC cu FIFA nih hmai kum tthaal hlan tiang micawk le zuar a khap hna. Cu ti a si ahcun, a ralaimi tthaal micawk le zuar caan le january innka on tikah mi an caw in an zuar kho lai lo, tinak a si.
Aruang cu FIFA nih 2001 i phung a rak sermi a buar caah a si. Spain leng i a ummi kum 18 tang ngakchia nan caw in nan la lai lo, timi kha an buar i 2008/9-2013 karlak chung ah Spain ram chung a ummi lomi ngakchia pahra cu Barcelona FC nih an lak hna.
Barcelona FC lawng si lo in Spain i bawlunglei ttuanvo ngeibik the Real Federación Española de Fútbol (RFEF) zong fakpi in daantat an si. Mah hi FIFA i The Disciplinary Committee nih ttha tein an hlathlai hnu ah dantatnak an tuah hi a si i Barca cu mi cawk-zuar caan voi hnih an khap hna pinah Swiss Franc 450000/ USD 507609 an liamter hna. RFEF zong swiss franc 500000 an liamter hna.
Cuti a si ahcun Barcelona caah a ralaimi kum chung hi zeidah a lawh te hnga?
Barcelona hi hmailei cu an za tuk ko nain hnukham ttha ngaingai an ngeih lo caah hnukham cawk ding hi an i timh pengmi a si i atu cu mi caw kho ding an si ti lo. La Liga ah anmah le Real Madrid lawng si ti lo in club dangdang an hong tthawng deuh lai, mi an i thleng pah ve lai i hnukam a der ahcun harnak an tong ko lai.
Cu lakah an thin an i domhmi pakhat cu goal-bawh hi a si. Barcelona nih an goal-kiltu thlen an duh i Germany pa Borussia goal-kil Marc-André ter Stegen (21) cu cawk ding in hnatlaknak an ngei khing ah a cang nain hi ti FIFA nih dantat hna hnu in zei a lawh lai thei a si ti lo.
FIFA dantat ruang i mi thar an cawk khawh ti lo tikah a ralaimi kum caah Barcelona hi an har lai maw? Anmah ning an si ko lai dah? A si lo ah, club dang nih an thazang an i chap lai i an tladeuh ko lai, na ti dah?
Comments
Post a Comment