Nai zarh hnih chungte ka blog ah ca ka ttial kho lo. Laiholh reltu cheukhat nih cun ka ttialmi rel ding an bawh kong an ka chimh i kai lawm ngai. Naite i Khrismas khar chung ah khan ka nu nih zeihmanh tuah duh hlah, inn ah um ko, a ka ti i umhar celh lo ah lenhloi-sau/Novel pakhat ka ttialmi a um.
Mah cucu caan karlak i manh deuh le umhar pheng ah ka remh tthan i a rauh hlan ah ichuah kho seh law tiah, phaisa a tlamtlin cun chuah khawh colh ding in ka timh cia. Cucaah ka blog ka von tenh khawh ti lo nak a si, i duhsah in laiholh reltu caah rel awk a um peng khawhnak dingah ka von i zuam tthan lai.
Nai zarhte zanlei cu nikhua a ttha tuk i ka umnak hrawng cu a nuam ngaingai. Asinain ka lileng, ka lung a leng i hlammi ka rak ngei. Hi bantuk caan ahhin a si khawh chung in zuun-hla le ram hla ka ngai duh lo. Cu tin zan tlai hnu ah ka it i kai hngilh. Mang ka manh mi cu ka hmet lio i ka hawile a tamdeuh cu kan hmet lio bantuk tein ka hmuh hna. Tang sarih/riat hrawng khi kan si hna i kan biaruahmi le kan i ceihmi hi zei dangpi a si lo, Lairam tthanchonak le dawt a herhnak kong a si.
Ka mang cu video bantuk in ka hmuh ko i miphun dawtnak kan ngeih ning, ram dawtnak thinlung he kan thi a linh ning hna ka hmuh tikah lawmhnak mitthli a tla. Zarhpi zing suimilam 08:30 hrawng ah kai tthang i ka mang zong ruat hmasa lo in ka lung i a hong chuak tukmi hla a um, i youtube ah ka kawl colh. Lairam dawtu Biak Ceu nih a ttialmi Semnak Lungrawn Khua timi kha a si ko. Lairam le ka tthan thawknak Kalaymyo ka ngaih ti lonak kum thum hrawng a si cangmi cu ka ngai tuk hringhran. Zanlei ni a tlak lai te i vuichip tlang (thlualam lam) in laihri tannak Thantlang khua ka rak zoh lio ka thinlung kha ka philh kho lo.
Asinain ka mitthli a tla lo, ka thi tu a lin.
"Sazuk nih rialti dai a ngaih bang in maw Bawipa, ka nunnak nih an ngai. Maw a nungmi Pathian, nangmah cu ti haal in kan haal," tiah David siangpahrang nih a chim lio ahhin rak au sehlaw, a dawh ngai. Salm 63 ah von peh rih ahcun, "Maw Pathian nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih ti haal in an haal," a ti tthan.
Sazuk nih rialti a ngaih ah zeitindah a um ti cu ka hngal lo nain minung a si ve i Pathian a duh tukmi David nunnak ah cun Bawipa a ngaih le a hlam i a kehkuai le Bawipa hmai ah zeihmanh a si lo ning aa theih i Bawipa lawnglawng a auh ding ka mitthlam ah a cuang.
Nihin chun cu chunnitlak ti awk in caan ka ngeih caah tlai hnu ni a tlakka ah khin inn ka phan i rawl ka chumh huam lo caah chang-rawh (bread) le arti kio ka ei. Ka paw khim tiah ka khaan chung ah ka lut i carel ka thawk. A hmasa ah chunnitlak thawngpang rel lo in um cu, tiah thawngpang website pahnih ka kau i ka rel hna. Malaysia vanlawng tlaumi kong ah an zate in an thi dih, tiah bia an fehtermi kong le an chungkhat pawl an buaimi pawl a si. Atu lio Russia le Ukraine kong ah Putin thil ti hi a dik lo tiin G8 in an chuah kong, NATO bawi thimnak ding kong le Iran nuclear kong. US ah lei a min i 180 hrawng an tlau, tibantuk in thawng ttha cu rel awk um lo.
Ka cabuai cung ah ka chiahmi Bible cauk ka zoh i a kam deuh ah ka hnon. Cun ka rawlttam tthan. Atu hme ka ei cu, ka ti. Ka paw cu a reng ngai ko. Asinain ka pum hi a lawngmi bantuk in ka tuar, ka lu chung ah thluak um hlah seh law a lo. Thazang ka nei lo i tuah khawhmi ka ngei kho lo. Mah cu lio ah USA in ka hawinu nih a ka chawnh i tthatthi in ka let kho lo. Amah he kan i chawnh ah kai nuam i ka hnangam tawn. Hawi ttha a si.
Cu vialte thawngpang scan reading (Jonah nih nineveh khua a tlik pah in a au hnawh hnami bantuk si lai dah) ka tuah mi ah zeihmanh ka lung nih a theihmi um lo, Malaysia vanlawng he a tlaumi hna ca zong ka ruat kho zau lo. Ka cauk tu ka rel cuahmah lio ah ka lung ah ka Bible cauk a chuak tuk i Bible cu ka lak i ka kau. Salm 42 kha ka rel i ka peh tthan 63 tiang. Ka kek-kuai. Ka lung fak tuk. Aruang cu Pathian he kai hlat caan a sau tuk i ka nun hi a rak hul tuk hi teh ti kai fiang. Ka nun nih hin Bawipa a rak hlam tuk hringhran.
Mah cun ka ik i ka ttap tuk.
Ti nih a reu takmi nga bang ka nun hi thawchuah kho lo in, ka nun tthangtu um lo, beidong in khawidah ka um mu... Bawipa run ka zangfah law hon ka tthang tthan ko law, ka nun nih hin an ngai tuk ee, Bawipa aw. Ka caah vailamtah i nunnak pe lo in rak um law, kei misual caah damnak a um lo ee, Bawipa aw. Ka nun tthangtu um lo, beidong in maw ka Bawipa aw, ka nun nih an ngai tuk ee, run ka zangfah law hon ka tthang tthan ko law, ka ti. Amah tello cun zeihmanh ka si lo, thli lak favai nakin ka zang deuh. Ka chung a kua, a hmaika ah zeihmanh ka si lomi a ka theihter.
Dawtmi careltu, hi ca hi it kho lo in, tlai hnu ah ka von ttialmi a si. Ka ttialmi na rel dih a si ahcun atu catlang hi na rel lio a si lai. Khrih dawtnak na cohlang cang maw? A zangfahnak vel a ngan tukmi Pathian nih mi vialte hi a kan dawt dih. Cu a dawtnak a tlintertu Jesus a zum i a cohlangtu cu zungzal nunnak an ngei. Asinain, cu dawtnak cohlan i zumh ko zong ah hi vawlei kan nun chung ahhin amah he a kan hlattertu thil hi an tam tuk lai. Cu hna cu atu hi ca na relnak internet, computer, Ipad, phone, games le Tv zong an si kho men, miphun dang na hawikom zong an si ko lai i a dang tampi a um ko. Hi vialte hi amah nih a kan pekmi an si ko caah duhdim in hman ding a si ko.
Sihmansehlaw, na nunnak ah chimtu na ngeih ah siseh na nun nih a teemmi a um tikah na cohlan cangmi Bawipa sinah kir lo le amah he i hawikomh caan pe kho lo in um sawh hlah law tiah dawtnak he kan sawm. Hi a kan pek ciami thil vialte ah kan buai i kan i phum tikah nun vansannak, dam lonak, mualphonak le thihnak kan phan tawn. Amah thangtthat caan kan ngeihmi vialte hi amah caah hman i zuam hna usih. Zeitik caan paoh ah a kan dong zungzal tu a si i kan ngaih tuk le kan hlam tuk caan i kan auh tikah a kan fuh i a kan tho tthantu a zangfahnak a dong lomi Pathian nan sinah a um zungzal.
Mangtha tuk hna ulaw.
Mah cucu caan karlak i manh deuh le umhar pheng ah ka remh tthan i a rauh hlan ah ichuah kho seh law tiah, phaisa a tlamtlin cun chuah khawh colh ding in ka timh cia. Cucaah ka blog ka von tenh khawh ti lo nak a si, i duhsah in laiholh reltu caah rel awk a um peng khawhnak dingah ka von i zuam tthan lai.
Nai zarhte zanlei cu nikhua a ttha tuk i ka umnak hrawng cu a nuam ngaingai. Asinain ka lileng, ka lung a leng i hlammi ka rak ngei. Hi bantuk caan ahhin a si khawh chung in zuun-hla le ram hla ka ngai duh lo. Cu tin zan tlai hnu ah ka it i kai hngilh. Mang ka manh mi cu ka hmet lio i ka hawile a tamdeuh cu kan hmet lio bantuk tein ka hmuh hna. Tang sarih/riat hrawng khi kan si hna i kan biaruahmi le kan i ceihmi hi zei dangpi a si lo, Lairam tthanchonak le dawt a herhnak kong a si.
Ka mang cu video bantuk in ka hmuh ko i miphun dawtnak kan ngeih ning, ram dawtnak thinlung he kan thi a linh ning hna ka hmuh tikah lawmhnak mitthli a tla. Zarhpi zing suimilam 08:30 hrawng ah kai tthang i ka mang zong ruat hmasa lo in ka lung i a hong chuak tukmi hla a um, i youtube ah ka kawl colh. Lairam dawtu Biak Ceu nih a ttialmi Semnak Lungrawn Khua timi kha a si ko. Lairam le ka tthan thawknak Kalaymyo ka ngaih ti lonak kum thum hrawng a si cangmi cu ka ngai tuk hringhran. Zanlei ni a tlak lai te i vuichip tlang (thlualam lam) in laihri tannak Thantlang khua ka rak zoh lio ka thinlung kha ka philh kho lo.
Asinain ka mitthli a tla lo, ka thi tu a lin.
"Sazuk nih rialti dai a ngaih bang in maw Bawipa, ka nunnak nih an ngai. Maw a nungmi Pathian, nangmah cu ti haal in kan haal," tiah David siangpahrang nih a chim lio ahhin rak au sehlaw, a dawh ngai. Salm 63 ah von peh rih ahcun, "Maw Pathian nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih ti haal in an haal," a ti tthan.
Sazuk nih rialti a ngaih ah zeitindah a um ti cu ka hngal lo nain minung a si ve i Pathian a duh tukmi David nunnak ah cun Bawipa a ngaih le a hlam i a kehkuai le Bawipa hmai ah zeihmanh a si lo ning aa theih i Bawipa lawnglawng a auh ding ka mitthlam ah a cuang.
Nihin chun cu chunnitlak ti awk in caan ka ngeih caah tlai hnu ni a tlakka ah khin inn ka phan i rawl ka chumh huam lo caah chang-rawh (bread) le arti kio ka ei. Ka paw khim tiah ka khaan chung ah ka lut i carel ka thawk. A hmasa ah chunnitlak thawngpang rel lo in um cu, tiah thawngpang website pahnih ka kau i ka rel hna. Malaysia vanlawng tlaumi kong ah an zate in an thi dih, tiah bia an fehtermi kong le an chungkhat pawl an buaimi pawl a si. Atu lio Russia le Ukraine kong ah Putin thil ti hi a dik lo tiin G8 in an chuah kong, NATO bawi thimnak ding kong le Iran nuclear kong. US ah lei a min i 180 hrawng an tlau, tibantuk in thawng ttha cu rel awk um lo.
Ka cabuai cung ah ka chiahmi Bible cauk ka zoh i a kam deuh ah ka hnon. Cun ka rawlttam tthan. Atu hme ka ei cu, ka ti. Ka paw cu a reng ngai ko. Asinain ka pum hi a lawngmi bantuk in ka tuar, ka lu chung ah thluak um hlah seh law a lo. Thazang ka nei lo i tuah khawhmi ka ngei kho lo. Mah cu lio ah USA in ka hawinu nih a ka chawnh i tthatthi in ka let kho lo. Amah he kan i chawnh ah kai nuam i ka hnangam tawn. Hawi ttha a si.
Cu vialte thawngpang scan reading (Jonah nih nineveh khua a tlik pah in a au hnawh hnami bantuk si lai dah) ka tuah mi ah zeihmanh ka lung nih a theihmi um lo, Malaysia vanlawng he a tlaumi hna ca zong ka ruat kho zau lo. Ka cauk tu ka rel cuahmah lio ah ka lung ah ka Bible cauk a chuak tuk i Bible cu ka lak i ka kau. Salm 42 kha ka rel i ka peh tthan 63 tiang. Ka kek-kuai. Ka lung fak tuk. Aruang cu Pathian he kai hlat caan a sau tuk i ka nun hi a rak hul tuk hi teh ti kai fiang. Ka nun nih hin Bawipa a rak hlam tuk hringhran.
Mah cun ka ik i ka ttap tuk.
Ti nih a reu takmi nga bang ka nun hi thawchuah kho lo in, ka nun tthangtu um lo, beidong in khawidah ka um mu... Bawipa run ka zangfah law hon ka tthang tthan ko law, ka nun nih hin an ngai tuk ee, Bawipa aw. Ka caah vailamtah i nunnak pe lo in rak um law, kei misual caah damnak a um lo ee, Bawipa aw. Ka nun tthangtu um lo, beidong in maw ka Bawipa aw, ka nun nih an ngai tuk ee, run ka zangfah law hon ka tthang tthan ko law, ka ti. Amah tello cun zeihmanh ka si lo, thli lak favai nakin ka zang deuh. Ka chung a kua, a hmaika ah zeihmanh ka si lomi a ka theihter.
Dawtmi careltu, hi ca hi it kho lo in, tlai hnu ah ka von ttialmi a si. Ka ttialmi na rel dih a si ahcun atu catlang hi na rel lio a si lai. Khrih dawtnak na cohlang cang maw? A zangfahnak vel a ngan tukmi Pathian nih mi vialte hi a kan dawt dih. Cu a dawtnak a tlintertu Jesus a zum i a cohlangtu cu zungzal nunnak an ngei. Asinain, cu dawtnak cohlan i zumh ko zong ah hi vawlei kan nun chung ahhin amah he a kan hlattertu thil hi an tam tuk lai. Cu hna cu atu hi ca na relnak internet, computer, Ipad, phone, games le Tv zong an si kho men, miphun dang na hawikom zong an si ko lai i a dang tampi a um ko. Hi vialte hi amah nih a kan pekmi an si ko caah duhdim in hman ding a si ko.
Sihmansehlaw, na nunnak ah chimtu na ngeih ah siseh na nun nih a teemmi a um tikah na cohlan cangmi Bawipa sinah kir lo le amah he i hawikomh caan pe kho lo in um sawh hlah law tiah dawtnak he kan sawm. Hi a kan pek ciami thil vialte ah kan buai i kan i phum tikah nun vansannak, dam lonak, mualphonak le thihnak kan phan tawn. Amah thangtthat caan kan ngeihmi vialte hi amah caah hman i zuam hna usih. Zeitik caan paoh ah a kan dong zungzal tu a si i kan ngaih tuk le kan hlam tuk caan i kan auh tikah a kan fuh i a kan tho tthantu a zangfahnak a dong lomi Pathian nan sinah a um zungzal.
Mangtha tuk hna ulaw.
Comments
Post a Comment