Hangover 1,2 le 3 a zoh mi paoh nih Zach Galifianakis hi nan theih cio ttheo lai, a min in nan theih lo hmanh ah a mui in cun nan theih tuk. President Obama zei rel lo ngai in Hangover movie chung bantuk khan show pakhat ah bia a ruah.
- Voi khat-hnih ka rak in letmi ruangah ka lung ttha lo, tiah zei poi lo ngai in a bia a domh.
President Obama nih fawite in a leh:
- Zach, a poi lo tuk. Mah hi show hi zohtu a ngei ve ti ka theih lio ah ka khuaruah a har ngai, a ti.
Hi show i sawmmi mileng tampi cu biahalnak leh ding ah timhtuah cia in an um bal lo pinah biahalnak hna hi aa dawhcah lomi a tampi ti ah Zach nih a chim cia. Cu bantuk in Zach nih a chawnh dan le a biahalmi a leh tawk zong a um i Obama nih cun a tuahmi health care reform kong kha chim ai zuam ve.
An bia a fak ngai i Zach nih a halmi bia nih a zohtu a kan lauter pah.
- A hnubik minak president si hi zeidah a lawh? tiah a von hal.
- Biatak maw? President he a hnubik i chawnh a si ding hi zeidah a lawh? tiah Obama nih aw sang ngaiin a leh.
Obama zong Hangover kong a thei ngai.
- Asinain, aa biatak! a voi thumnak president i cuh khawh lo ding cu um a har (a nuam lotuk) lai, tiah Zach nih bia nuam deuh phun in a von thlen.
- A si lo ee. Mah cu a ttha tiah ka ruah ko. Hangover 3nk bantuk kha a si sual lai. Mah pathumnak kha a ttha tuk lo, a si lo maw? tiah Obama nih a chim.
A hnubik ah Obama nih cabuai cung i a senmi a nam i bia an i ruahnak innkhan kong ah Obama nih bia a hal.
- Ho nawl in dah hika hin show na tuah?
Zack nih "Bush nawl in." a ti.
Between The Ferns cu internet in an thlah mi show pakhat a si i a min ah Funny or Die, ti a si. A tang video ah hin Obama bia an ruahnak cu na zoh khawh lai.
Nuam tein:
Comments
Post a Comment