Asinain 1. september 2013 hlan i a phanmi caah cun phan awk a si lo. Mah cu hnu i Norway a phanmi mipem, ralzam le dornak a halmi vialte nih kum 7 an um hnu ah rammi sinak lak an duh ahcun Norway kong caminpuai an phit hmasa a hau cang lai, tiah VG ah an ttial, i biahalnak phun an tuah mi zong hei zoh chih khawh colh a si. Norway holh suimilam 550 a cawn lai i Norway tuanbia le nihin an phunglam (samfunnkunnskap) zeimaw zah suimilam 50 chung a cawn hau fawn.
Cu hlan kha cu Norway ah umnak nawl a ngei i kum 7 a um cangmi paoh nih an sok i pek an rak si. Biahal le caminpuai phit a rak um lo. Norway holh a thiam le thiam lo hal zong a rak um lo. Norway holh suimilam 360? [kai cin ti lo.] a ngeih ahcun OK! a rak si.
Atu cozah an von kai cu kan iruah ningte a si ko, dornak (asylum) hal kong ah an von rengh ngaingai i tu zarh chung ko kha asylum kong ah fakpi in cozah le ram chung ah bia elnak a um. Asylum ngakchia tam tuk an khirh/kuat hna i kum 13 a um cangmi zong an kuat ko hna. A hong sok i a ngah nalo in a thli in ram chungah a ummi tampi zong an kuat hna. Ni kum le tu kum ah a tlawmbik 600 leng an kuat hna, i an kuat rih ko hna lai.
A phunphun ruangah ram chung ah ka um kho lo tiin asylum a hong halmi an pekmi hna pawl kha an ram ah an va tlawng (vacation), an tlung kal lengmang tiah nai hrawng media ah Norway rammi an thinhunnak le duh lonak an langhter ngai. Refugee in a rami tampi zong rammi sinak an hmuh hnu in an ram ah an tlung, an ram ai thleng rih nalo in an va kirmi hi cu a sideuh lo, an ti. Cunak in a zualmi cu dornak/asylum pekmi pawl an va tlunmi cu a si kho bak lo, ti a si. An caah ttih a nunning le pakhat khat a can ahcun Norway cozah phaisa le rian a paam ding an ruah hlei ah LIH a si tiin an zum hna lo. DB
Comments
Post a Comment