"Nan zate in, bye bye. Internet kal tak caan a si cang." tiah Huffington Post nih a tial. Mah cu Gmail a hmangtu na si ahcun Google Chrome-application hmang in na cakuat a dongtu nu/pa nih na email a rel le rel lo theih khawh a si kong he pehtlai in a ttialmi a si.
Mah cu zeidah a si ti ahcun Facebook in na hawile he ca nan i kua i na cakuat an rel/hmuh le hmuh lo, cun an hmuh caan na theih bantuk khi a si. Cu tikah na email a hmuh ko nain ca an leh duh lo zong a si khomi na theih khawh cang lai. Mah cu Chrome na download tikah STREAK timi application hi ai tel lai, i mah cu hmang cun zoh khawh a ngah, i ai tel lo zong ah a dang in na download khawh.
Ca na kuatmi pa nih mah Streak hi a ngeih lo zong ah nangmah nih na ngeih ahcun na cakuat a rel le rel lo na theih khawh lai. Mah cu application a ngeitu nih an kuatmi na rel le rel lo a theih lo ding in tuah khawh a si fawn lo, tiah Huffington Post nih a ttial.
Viber kan hmang tuk hna i viber in ca na kuatmi kha a rel/hmuh ahcun "seen" tiah a lang. An cakuat na relmi thei hna hlah seh ti na duh ahcun setting ah na kal in na tuah khawh. Facebook zong mah ticun tuah khawh a si, nain gmail cu ai tuah kho ti lo.
Google groups/biaruahnak ah ca na ttialmi kha minung pazeizah nih dah an rel timi zong theih khawh a si, nain ahonih a rel ti cu theih a si lem lo. Streak cu 2012 ah an rak hman thawk nain November 2013 lawng in Gmail ah ttha tiin an hman i zeitindah a si timi kahin hmanthlak he an langhter.
Social media a tthawng in a tthangcho chin lengmang. Vawleicung mi vialte nih hmang kho hna seh tiin an i zuam i rawlttamtihal, sifah le harnak hna hi Internet hmang in do ai timi zong an um. Naihrawng in Laimi nih biatak ngai in social media hi politics khelnak le revolution tuahnak ah an hman ve rua, i Bill Gates nih cun a zum lem lo.
HER TIMI MOVIE
Thaizing cu Valentines Day a si lai i mi tampi an duhdawtmi he caan an hmang lai, i an caah ni cunglawi a si lai. Cu bantuk in cheukhat cu amah te lawng in caan hmangmi an um lai i hla a ngai lai, game ai celh lai asiloah computer in movie a zoh lai. Cucu an hawi tthabik a si lai.
HER timi science fiction a chuak tharmi hi lovestory bantuk romantic movie a si i nihin le a ralaimi caan tawite chung i a cang ding minung social-life an langhtermi a si. Drama a si i lungdai tein in zoh phu takmi pakhat a si.
Theodore cu catial thiam a si i a rian cu mi caah cakuat le a dangdang a herhmi cakuat ttialpiak a si. A umharmi, a lungfakmi le ai lawmmi hna tibantuk pawl caah ca a ttial. Mah ti cun a zungah a to peng i a nungak/nupi Catherine he a dangdang in um ding in bia an khiah.
A computer ah operating system chuak thar pakhat cu install a tuah. A holh khomi, ai capo i ai nuammi, sining le dirhmun a ngei i amah tein min ai pe khomi a si, i a min cu Samantha a si. Caan saudeuh an i chawn, bia an i ruah i a duh mi vialte cu operating system nih a tuahpi. Zingka ah a tthangh i zanlei ah mangttha a cah.
A caan a hong rau i Theodore nih mah cu operating system cungah duhdawtnak a ngei (he fall in love with HER. Baisakop ah an piah lio a si pah rih i a zoh lomi caah atang i hi von test te u.
Her.2013.DVDScr.x264-HaM.mp4.flv.flv - 567.7 MB
Comments
Post a Comment