Northern Lights A Chuak Deng

Ka umnak Tromsø khua cung i a zaammi Northern Lights a si. Khuasik a hon chuah hin cun hmuh khawh lengmang a si cang lai. Zanttim le deilei tiang a hngak huammi nih cun atu zong an an hmuh pah cang. Khuaruahhar ngai thil pakhat cu a si. (Atang ah video zoh khawh)

Zeiruangahdah a chuah, zeisetdah a si timi hi a rel huammi nih Northern Lights kong an ttialnak wikipedia ah khin hi bih duak khawh a si. Astronomy lei theimi ka si lo caah ka von ttial ti lo. Asinain atang i video hi NSA zong nih a tthabik le ai dawhbik tiin minthatnak an pekmi a si. Tromsø khuami Ole Christian Salomonsen nih a thlakmi an si. A thlakmi pawl kha NSA nih an zoh tikah an uar tuk tiah NRK nih a ttial.

Northern Lights zoh ruah ah Norway chaklei ahhin an ra tawn. Japan le Korea pawl nih an zumhmi cu mah hi northern lights a chuah caan te i mah cu tangah sex tuah ahcun fapa dawh le fim, minthang an chuak kho ti a si. A si kho ngai tiah ka ruahmi cu Japan, Korea le Tuluk pawl khi ka um chung kum 2 deng ah a ra tlawngmi an tam taktak. Asinain atu tiang a hman timi an chim khawhnak an thei rih lo, tiah Tromsø i tourist hruaitu nih a chim.

Atang i video hi khawika paoh in nan zoh khawh lai tiah ka zumh.
 Zeitindah na ruah? Sertu nih a sermi ai dawh ciocio mi lakah aa dawh khun rua ka ti, a hlei in thiamnak a ngeimi pakhat nih ai dawhnak te a lak i a thlak tikah ai dawh khun ko rua.

Ka ih lai ka zoh i ka von in siaherh ve hna.