Sui Lian - A Um Lo

A um lomi, a umter. Laihla, chan he aa tlak in aa phundang ngaingaimi single album cu Norway i ummi Sui Lian nih aa chuah. Atu tiang cu Laimi tampi nih ceihcum bikmi album a si. Hi "A Um Lo" timi Laihla album hi ka ngei kho rih lo nain Youtube ah fung khat hnih te a chiah chungmi ngaih tikah copy a si lo hrimhrim. Cu nih Laihla a cawisan ngai. Hla ttha ngaih a duh i hla ah aa lawmmi paoh nih CD tal cu ngei ve hrim uh. VCD tiah le nungak tlangval an i dawh, kualitti a ttha bak in ka chuah ee, tiah amah Sui Lian he bia kan i ruah lio ah a chim.

iTunes le Spotify te hna ah cun a chia rih rua lo, DVD-VCD/CD tu in Laimi umnak ram paoh ah a zuar lio a si. Kan lai bia le hla a tthancho khawhnak ding ah atu bantuk pahrang a ngei takmi hna i kualetti (quality) ngeite in an chuahmi pawl hi cu thazang pek cio hrim ding a si. Asinain a hla album ning in ngaih a nuam hrim ko, tiah mino ka halmi a tamdeuh nih an ka chimh. [Kahin VCTH media nih a ttialmi rel khawh.]

Cun biahlei ah von tenh ta ning law, mino tampi nawl kan duh hna, a si khawh chung in Laihla chuak pawl Youtube ah chiah i rep tuk sawh hlah uh. Nan chiah duh a si ahcun a ngeitu hal hmasa uh, cun a ngeitu min, album min le chuah kum tibantuk ttial piak hna u law a ttha, a ngeitu (credit) nan lawh tawn tikah aa dawh lo ngai.

Sui Lian hla cheukhat Youtube i ngaih khawh a ngahmi hna cu amah official youtube ah a chiahmi le "Liam Kon Law" timi hlabia he an chiahmi hi a si. Na umnak ah a Album a phak ahcun rak caw in rak ngai ve hrim.


Liam Kon Law: A ngaitu nih kan uarbik pakhat a si.

 
Nang Lo Cun zong hi von ngai chih chung.