Snowden (CIA/NSA biathup phuangtu) nih USA he kan i pehtlainak a buaiter kho ding thil a tuah lo ding ahcun Russia ah dornak nawl kan pek ko lai, tiah Putin nih a rak ti. Zarh hnih leng Moscow airport ah a um i Europe ram tampi ah le thlanglei-america ram hna ah dornak a rak sok. Asinain USA nih von kan kua hrimhrim an ti cuahmah buin Russia nih dornak nawl an pek.
Mah cu a si caah hlankan tein Russia tlawn a rak itimmi USA president Obama cu aa let i an ram hnih kar pehtlaihnak cu a rak khal. Mah ticun Syria kong in an von i ertau tthan colh tiah purhdah khawh an von si. G20 itonnak cu Russia ah tuah ding a si i USA itel lo awk a tthat lo caah le Syria kong zong ceih a herh caah Obama cu a rak kal ve nain mithmai ttha cu an i pe kho tthiamtthiam lo.
Caan karlak ah daite in a rak ummi USA nih ram leirawitu tiin tazacuai ding ah an bawh komi Snowden nih USA nih NSA hmang in a ram minung pawl kong kha Israel a theihter hna kong a von chuahpi tthan. Cucu amah nih NSA riantuannak biathup a phuan thawk i a biapibik tadinca The Guardian ah tar a si.
Israel le USA an i pehtlaih ning zeitluk a tthat ti cu mah hlan zong ah biathup a si ballo. Cu ve bantuk in Israel hi sung-thoh/thohhlanzi kong he pehtlai tu hin cun "Five Eyes" timi chungtel a si lo ti zong theih a si ko. Five Eyes timi cu ralpi pahnihnak a dih hnu 1946 ah USA, United Kingdom, Canada, New Zealand le Australia hna nih sung-thoh ifonh/bawmhnak ding min an rak thut i nihin tiang an i bawmhmi khi a si.
Atu i Snowden nih a phuan tthanmi catlap ning ah NSAnih american miphun hna theih lo in an phonechawnhmi le email pawl kha Israel sungthoh/thohhlanzi pawl an pek ve hna. Mah hi an theihtermi hna ri a ngei lo i Israel sungthoh nih zeitin/bantuk in an hman lai timi zong minthut a um lo.
American cozah nih cun rammi kan kilven le kan humhak hna caah mah bantuk hin kan tuahmi a si tiah fekte in an chim peng rih. Cun Israel he american miphun hna an kong an i cheuhbauhmi kong cu fiangtein Snowden nih a phuan ko caah an i pheh ve lo.
Cun 2009 hnu in mah hi kong hnatlaknak cu an rak tuah cang kong zong a chim. I kan ram hnihkar himnak ding caah kan tuahmi a si ko, tiah NSA i biachim kho nih The Guardian ah a chim. Asinain USA nih hin Boston bomb puak zong an rak kham kho lo i 11. september zong kha NSA nih kham khawh ding a rak si ko, tiah Electronic Frontier Foundation ah fiangte in an ttialmi kong TV2 ah rel khawh si (norway-holh).
Snowden caah zeitin a si ne lai?
The Guardian i journalist a simi, Snowden nih NSA biathup a pek hmasabikmi le Hong Kong a um lio ah intervio a rak tuahtu Glenn Greenwald nih atu ca zong hi a chuahpimi a si. Snowden nih hin NSA biathup tlap thong tampi a ngeih i a herh ning in kan chuah peng lai, a rak ti.
Cun Snowden a thih (USA cozah nih an thah sual i) zongah hi catlap cu an him tthiamthiam ko i chuah a si tthan te ko lai. Cun hi catlap pawl ah USA cozah caah a ttha lo mi a tam khun a rak ti.
Russia nih dornak an pek hlan ah Putin nih a rak chimmi "Snowden nih USA he pehtlaihnak a hrawk khomi thil cu tuah ti hlah seh" a ti bu in atu a tuah tthiam tikah Snowden caah zeibantuk thil dah a chuak te lai timi cu chim awk a har ngaingai rih.
-----
Ref: Nrk/the Guardian
Caan karlak ah daite in a rak ummi USA nih ram leirawitu tiin tazacuai ding ah an bawh komi Snowden nih USA nih NSA hmang in a ram minung pawl kong kha Israel a theihter hna kong a von chuahpi tthan. Cucu amah nih NSA riantuannak biathup a phuan thawk i a biapibik tadinca The Guardian ah tar a si.
Israel le USA an i pehtlaih ning zeitluk a tthat ti cu mah hlan zong ah biathup a si ballo. Cu ve bantuk in Israel hi sung-thoh/thohhlanzi kong he pehtlai tu hin cun "Five Eyes" timi chungtel a si lo ti zong theih a si ko. Five Eyes timi cu ralpi pahnihnak a dih hnu 1946 ah USA, United Kingdom, Canada, New Zealand le Australia hna nih sung-thoh ifonh/bawmhnak ding min an rak thut i nihin tiang an i bawmhmi khi a si.
Atu i Snowden nih a phuan tthanmi catlap ning ah NSAnih american miphun hna theih lo in an phonechawnhmi le email pawl kha Israel sungthoh/thohhlanzi pawl an pek ve hna. Mah hi an theihtermi hna ri a ngei lo i Israel sungthoh nih zeitin/bantuk in an hman lai timi zong minthut a um lo.
American cozah nih cun rammi kan kilven le kan humhak hna caah mah bantuk hin kan tuahmi a si tiah fekte in an chim peng rih. Cun Israel he american miphun hna an kong an i cheuhbauhmi kong cu fiangtein Snowden nih a phuan ko caah an i pheh ve lo.
Cun 2009 hnu in mah hi kong hnatlaknak cu an rak tuah cang kong zong a chim. I kan ram hnihkar himnak ding caah kan tuahmi a si ko, tiah NSA i biachim kho nih The Guardian ah a chim. Asinain USA nih hin Boston bomb puak zong an rak kham kho lo i 11. september zong kha NSA nih kham khawh ding a rak si ko, tiah Electronic Frontier Foundation ah fiangte in an ttialmi kong TV2 ah rel khawh si (norway-holh).
Snowden caah zeitin a si ne lai?
The Guardian i journalist a simi, Snowden nih NSA biathup a pek hmasabikmi le Hong Kong a um lio ah intervio a rak tuahtu Glenn Greenwald nih atu ca zong hi a chuahpimi a si. Snowden nih hin NSA biathup tlap thong tampi a ngeih i a herh ning in kan chuah peng lai, a rak ti.
Cun Snowden a thih (USA cozah nih an thah sual i) zongah hi catlap cu an him tthiamthiam ko i chuah a si tthan te ko lai. Cun hi catlap pawl ah USA cozah caah a ttha lo mi a tam khun a rak ti.
Russia nih dornak an pek hlan ah Putin nih a rak chimmi "Snowden nih USA he pehtlaihnak a hrawk khomi thil cu tuah ti hlah seh" a ti bu in atu a tuah tthiam tikah Snowden caah zeibantuk thil dah a chuak te lai timi cu chim awk a har ngaingai rih.
-----
Ref: Nrk/the Guardian
a ttha tuk na ka fim ter tuk cnag le ka lawm hahahaha boi aa
ReplyDelete