Zumtu tampi cu nifatin Pathian he caan an hmang tti. A bia an rel i thla an cam. Laimi zumtu tampi zong an facebook ah nitin tiawk in Bible-caang an ttial, Pathian sinah zapi theih in an duhnak an phuan ttheo tawn. Kam khatlei in facebook an hawile caah a tthatnak a rak tampi kho ve, nain avoi tam ahcun zeitimaw i lungsia rem lo zong an rak um kho fawn. Sihmanhselaw anmah pumpak caah Pathian he caan an hman a si ko.
Facebook i Bible-caang le Pathian sin a phunphun a chim lomi zumtu zong an rak tampi ve. An caan ngeihchun Pathian sinah an hman cio hna. Asinain chunnitlak chung i an tuah ding rian nih imanh lo ngai in a chiah hna caan a tampi cio lai. Caan kai zaa lo ti in rian ah chunni an tla kho tawn.
Oswald Chambers nih Pathian hmaika i minute 5 te va chuah khi zeitluk thazang tthawng a si ti kha a chim. A bia kaa khat le caan tawite pum-apnak ngeih khawh hi man ngeibik a si rih ko, a ti. "Minute 5 chungte Pathian he caan hman le a bia rel cu ni khat chung i a taangmi caan vialte nakin man a ngeideuh." ti kha a chim. Kan pastor tampi nih an chimmi bia a si ve ko, nain biahlei a chim tiin kan ruah khawh men. Zei si paoh ah a tthawngmi Pathian rianttuannak cu caan tawite thlacamnak in a lang ko. Aruang cu Pathian cu a tthawngmi a si.
Zeiruang ahdah Laimi pastor le evan. tampi nih "ni khat ah caan tawite thlacam" kong an kan chimh tawn ko nain kan tuah khawh tak hnga lo? timi hi ka ruat ttheo. Cu bantuk a chimtu pastor/evan cu teh nitin a tuah ve hnga maw? A tuah i a hmuhmi phichuak maw a kan cawnpiak, mi dang nih an chim i a ruahmi dah? A phunphun biahalnak a um. "Nangmah nih tuah law a za ko lo maw?" na ti ve khawh men. Mah cuti kan ruah le kan ielnak ah caan a dih men lai.
Cu bantuk in a caancaan ah cun kan chunni hna hi Pathian bia ngai kho lo le amah he caan hmang kho lo ding tiang in a um kho ko. Sihmanhselaw, zumhnak ah kan pa a simi Abram bantuk in kan thlarau thlam hi zeitik caan le zeibantuk hmunhma zongah kan sak khawh ko hna. Na rian a tamtuk i Pathian he caan hman ding a har ahcun ni khat ah mininute 5 te in thawk law khawidah an hruai timi zoh ko. Kan Pathian nih ton a kan duh i a tthawnnak zong kan nunnak ah hmuhsak a kan duh.
Nitin a bia rel hi a ttha tuk. Facebook zong ah ttial ko hna usih. Asinain thla kan cam lo le amah Pathian hmai ah kan chuah taktak lo a si ahcun a Bible-cang cu zumlotu hna zong nih an rak rel ciomi a rak si ko. Amah he thlacam nun in bia iruah khawh tikah kan nunnak ah thil tampi Pathian nih a kan hmuhsak khawh lai.
Bawipa cu aa hngilh bal lo, kan thlacamnak ngaih piaknak ding ah a hna a chet lo i lehnak ding ah a khulnuar lo.
Facebook i Bible-caang le Pathian sin a phunphun a chim lomi zumtu zong an rak tampi ve. An caan ngeihchun Pathian sinah an hman cio hna. Asinain chunnitlak chung i an tuah ding rian nih imanh lo ngai in a chiah hna caan a tampi cio lai. Caan kai zaa lo ti in rian ah chunni an tla kho tawn.
Oswald Chambers nih Pathian hmaika i minute 5 te va chuah khi zeitluk thazang tthawng a si ti kha a chim. A bia kaa khat le caan tawite pum-apnak ngeih khawh hi man ngeibik a si rih ko, a ti. "Minute 5 chungte Pathian he caan hman le a bia rel cu ni khat chung i a taangmi caan vialte nakin man a ngeideuh." ti kha a chim. Kan pastor tampi nih an chimmi bia a si ve ko, nain biahlei a chim tiin kan ruah khawh men. Zei si paoh ah a tthawngmi Pathian rianttuannak cu caan tawite thlacamnak in a lang ko. Aruang cu Pathian cu a tthawngmi a si.
Zeiruang ahdah Laimi pastor le evan. tampi nih "ni khat ah caan tawite thlacam" kong an kan chimh tawn ko nain kan tuah khawh tak hnga lo? timi hi ka ruat ttheo. Cu bantuk a chimtu pastor/evan cu teh nitin a tuah ve hnga maw? A tuah i a hmuhmi phichuak maw a kan cawnpiak, mi dang nih an chim i a ruahmi dah? A phunphun biahalnak a um. "Nangmah nih tuah law a za ko lo maw?" na ti ve khawh men. Mah cuti kan ruah le kan ielnak ah caan a dih men lai.
Cu bantuk in a caancaan ah cun kan chunni hna hi Pathian bia ngai kho lo le amah he caan hmang kho lo ding tiang in a um kho ko. Sihmanhselaw, zumhnak ah kan pa a simi Abram bantuk in kan thlarau thlam hi zeitik caan le zeibantuk hmunhma zongah kan sak khawh ko hna. Na rian a tamtuk i Pathian he caan hman ding a har ahcun ni khat ah mininute 5 te in thawk law khawidah an hruai timi zoh ko. Kan Pathian nih ton a kan duh i a tthawnnak zong kan nunnak ah hmuhsak a kan duh.
Nitin a bia rel hi a ttha tuk. Facebook zong ah ttial ko hna usih. Asinain thla kan cam lo le amah Pathian hmai ah kan chuah taktak lo a si ahcun a Bible-cang cu zumlotu hna zong nih an rak rel ciomi a rak si ko. Amah he thlacam nun in bia iruah khawh tikah kan nunnak ah thil tampi Pathian nih a kan hmuhsak khawh lai.
Bawipa cu aa hngilh bal lo, kan thlacamnak ngaih piaknak ding ah a hna a chet lo i lehnak ding ah a khulnuar lo.
Amen..ka uar tuk ubawi..kan ttial piak lengmang ..Suitin
ReplyDelete