Naite ah ruah lo piin ngakchia nute pakhat bia an halmi kha TV ah ka zoh. "Ka upat tikah siibawi si ka duh, kan ram (Syria) ah ngakchia a thimi, hma a pumi le a zawmi an tam tuk le ka upat tikah mah bantuk pawl bawmh ka duh hna." tiah kum 9 a simi nute nih a chim.
Syria ram a buai caan a sau ko. Rammi tam tuk nunnak a liam, an thah hna. An hrem hna, an hren hna. An duh paoh in an tuah hna ti cu mithmuh a si lo hmanh ah thawngpangca/Tv in hmuh khawh a si. Mah cu lawng a si lo, tu kum thawk hrawng khan Syria cozah nih Gas le siivai ttha lo an hman tiah fiang ngaiin UN le Syria kong a ngiatu hna nih an chim.
Ting khat lengpi an thih cang pinah an thi cuahmah rih i khuaram zong a rawk dih cang. Ting tampi an zaam, a zaam kho lo an tam. Ngakchia tamtuk an thi, a nungmi hmanh an thi lo sawh i a si, ti a fiang fawn.
UN hnatlaknak tello in Syria an kah ttheo lai: tiah ka ruah. Aruang cu UN SC chungtel 15? chungah Syria kong hi zeihmanh ah a rellomi an um, i an ruahnak ai tthen dih. Cu hnu ah nawlngeihnak sang VETO a ngeimi lakah Russia le Tuluk daite in an um hlei ah Russia nih Syria hi a thlite in a bawmhnak tete a um ti lengmang a si. Nizan zong ah Arab ram pakhat he Zinan kong hnatlaknak ser ding an itim i Syria kong zong aitel an ti.
Cuti a si caah atu lio i UN ah Syria kong an ceih, an buaipi tukmi lio ah UN hnatlaknak ngang kho lo in USA, Denmark, UK le France nih cun kan kah ko cang lai, kan i redi ko an ti. A hleiin USA nih cun rili cung a chiahmi raltuknak tilawng tampi Syria ram kam rili ah a thawn dih cang hna. Cu a si caah tu hnu ni tlawmte chung, tu zarh chung zong a si kho, Syria cu kah ding dirhmun a si cang.
UN theihpinak tello in kah amahte ai ukmi ram kah khawh a si maw? tiah tiah biahalnak tampi a chuak. "A si ko." tiah BBC ah UK i ramdang vuanci William Hauge nih a chim. Gas le Sii-khuavai an hman a si ahcun vawleipi nih kan zoh sawh kho lai lo, ti a si. Kum zabu 21 chung ah USA le France nih cun Gas-khuavai hmang in rammi a thatmi cu kan zoh sawh hrim lai lo tiah BBC ah USA ralveng vuanci nih a chim ve i kan i redi tuk cang, President nawlpeknak lawng hngah a si, a ti.
Syria nih an ka kah hnik ti a theih. Ram pakhat ka si bantuk in a ka kapmi paoh lehrulh ding ah redi ka si, a ti ve. Cun Russia hi a si khawh chung in i rawih ding aa zuam kong zong thawngpangca phunphun ah an ttial. Cun Syria nih Al-qaida pawl kha a lemsawi hna i ai sawm hna, ti a si fawn.
Daihnak duh ah ral kan tu: ti a si tawn nain 11 sept. ruang ah USA nih Iraq a tuk i kum 10 lengpi an rau. Ral cu a dai kho lo. Cu chinchap ah UN Security Council ah Syria kong i tthennak a um tikah Syria den a duhtu pawl cu anmah tein dir hau an si cang. Cu tikah UN chung in tthennak a chuahmi nih vawleicung ram hna hmunkhat riantuannak kha hna a hnawh khawh tukmi a si i fak tuk itthennak a chuak kho. Cu tikah Syria kah ruangah ramdang dang i ertau le idonak a chuak kho chinchinmi a si.
Cun Syria cu UN hnatlaknak tello zong ah USA, UK, France le Denmark le Canada tbk. nih fawite in an va lak khawhmi a si kho ko. Asinain ram pakhat an va tuk tikah a kaptu hna an rian cu a tam hringhran. Mah kha ram tthancho tthannak ding, cozah ser tthannak ding le adang thil tampi va bawmh hna le rian ttuanpi hna a herh tthan i kum sau tuk Syria ah an um tthan a hau.
Ral an tei hnu Cozah thar an ser khawh le an tthancho tiang kum 10? hrawng chung ah rammi himnak ding zong ttuanvo an ngeih rih caah Syria zuanhnawh a duhtu ram mipi hna nih teh zeitindah an ruah ve hnga? timi biahalnak a um fawn rih hnga. Thla 2-3 ah a dihmi khi siseh law cu fawituk in um-ee ti a si ko hnga, nain.....
Syria hi an kah taktak a si ahcun Europe le America ah Zinan man van a tawng lai, kan har chinchin lai. Cu a si fawn lo ahcun Syria rammi hna nih an tuar kho ti fawn lo. Hi Harnak le fahnak a tong taktakmi lawng nih zeitluk in a fah le a har timi an hngalh tikah kum 9 nute tiang nih mi zawnruah khawhnak, bawmh duhnak le nunnak thap duhnak a ngeih phah.
Atu UN SC an meeting le ram pical hna an khuaruahnak ah siseh Syria ram caah thlacam in bawmh dah ti lo kan nih zei kan tuah khawhmi a um rua lo.
Syria ram a buai caan a sau ko. Rammi tam tuk nunnak a liam, an thah hna. An hrem hna, an hren hna. An duh paoh in an tuah hna ti cu mithmuh a si lo hmanh ah thawngpangca/Tv in hmuh khawh a si. Mah cu lawng a si lo, tu kum thawk hrawng khan Syria cozah nih Gas le siivai ttha lo an hman tiah fiang ngaiin UN le Syria kong a ngiatu hna nih an chim.
Ting khat lengpi an thih cang pinah an thi cuahmah rih i khuaram zong a rawk dih cang. Ting tampi an zaam, a zaam kho lo an tam. Ngakchia tamtuk an thi, a nungmi hmanh an thi lo sawh i a si, ti a fiang fawn.
UN hnatlaknak tello in Syria an kah ttheo lai: tiah ka ruah. Aruang cu UN SC chungtel 15? chungah Syria kong hi zeihmanh ah a rellomi an um, i an ruahnak ai tthen dih. Cu hnu ah nawlngeihnak sang VETO a ngeimi lakah Russia le Tuluk daite in an um hlei ah Russia nih Syria hi a thlite in a bawmhnak tete a um ti lengmang a si. Nizan zong ah Arab ram pakhat he Zinan kong hnatlaknak ser ding an itim i Syria kong zong aitel an ti.
Cuti a si caah atu lio i UN ah Syria kong an ceih, an buaipi tukmi lio ah UN hnatlaknak ngang kho lo in USA, Denmark, UK le France nih cun kan kah ko cang lai, kan i redi ko an ti. A hleiin USA nih cun rili cung a chiahmi raltuknak tilawng tampi Syria ram kam rili ah a thawn dih cang hna. Cu a si caah tu hnu ni tlawmte chung, tu zarh chung zong a si kho, Syria cu kah ding dirhmun a si cang.
UN theihpinak tello in kah amahte ai ukmi ram kah khawh a si maw? tiah tiah biahalnak tampi a chuak. "A si ko." tiah BBC ah UK i ramdang vuanci William Hauge nih a chim. Gas le Sii-khuavai an hman a si ahcun vawleipi nih kan zoh sawh kho lai lo, ti a si. Kum zabu 21 chung ah USA le France nih cun Gas-khuavai hmang in rammi a thatmi cu kan zoh sawh hrim lai lo tiah BBC ah USA ralveng vuanci nih a chim ve i kan i redi tuk cang, President nawlpeknak lawng hngah a si, a ti.
Syria nih an ka kah hnik ti a theih. Ram pakhat ka si bantuk in a ka kapmi paoh lehrulh ding ah redi ka si, a ti ve. Cun Russia hi a si khawh chung in i rawih ding aa zuam kong zong thawngpangca phunphun ah an ttial. Cun Syria nih Al-qaida pawl kha a lemsawi hna i ai sawm hna, ti a si fawn.
 |
| USA, UK le France nih atu Syria an kulhning. BBC |
Cun Syria cu UN hnatlaknak tello zong ah USA, UK, France le Denmark le Canada tbk. nih fawite in an va lak khawhmi a si kho ko. Asinain ram pakhat an va tuk tikah a kaptu hna an rian cu a tam hringhran. Mah kha ram tthancho tthannak ding, cozah ser tthannak ding le adang thil tampi va bawmh hna le rian ttuanpi hna a herh tthan i kum sau tuk Syria ah an um tthan a hau.
Ral an tei hnu Cozah thar an ser khawh le an tthancho tiang kum 10? hrawng chung ah rammi himnak ding zong ttuanvo an ngeih rih caah Syria zuanhnawh a duhtu ram mipi hna nih teh zeitindah an ruah ve hnga? timi biahalnak a um fawn rih hnga. Thla 2-3 ah a dihmi khi siseh law cu fawituk in um-ee ti a si ko hnga, nain.....
Syria hi an kah taktak a si ahcun Europe le America ah Zinan man van a tawng lai, kan har chinchin lai. Cu a si fawn lo ahcun Syria rammi hna nih an tuar kho ti fawn lo. Hi Harnak le fahnak a tong taktakmi lawng nih zeitluk in a fah le a har timi an hngalh tikah kum 9 nute tiang nih mi zawnruah khawhnak, bawmh duhnak le nunnak thap duhnak a ngeih phah.
Atu UN SC an meeting le ram pical hna an khuaruahnak ah siseh Syria ram caah thlacam in bawmh dah ti lo kan nih zei kan tuah khawhmi a um rua lo.
Comments
Post a Comment