Thet Mon Myinh Hi Boycott A Tlak

Tulio cu Chin mino tampi nih an Facebook cio ah "No More Pagodas in Falam, STOP Zabuaye Pagoda Project" timi hmanthlak te an itar cio. Cu lawng a si lo, Chinmi nih kan i zohthla i kan uar tukmi Thet Mon Myint cu a phunphun in Falam i pura sak ding ting-za khat a hlutmi kong ah an phomh lio a si.

Cheukhat an comment le hi pura kham duhnak kong i an thil tuahmi tete cu duh a nun bantuk in cheukhat cu Thet Mon mualphoh tiang in le fakdeuh ngaiin pumpak tiang in a phomhmi an rak um ve. Hi kong hi buaipi a tlak lo a timi zong an um ve. Buaipi a tlak lo, a titu hna an ichirhchanhmi cu ka la theng lai lo, aruang cu kan miphun caah a herh lomi a si tiah ka ruah. 

Thet Mon kong tlawmte ka theihmi chung ah a hmet lio ah khrifa sunday school zong a rak kai lengmang. Budabathar (kawl biaknak) hi cu a upat hnupi ah a luhmi a si in an chim khi ka theih fawn. A cheu nih cun a minthan khawhnak ding caah a bawmtu zong a si caah a luhmi a si, an ti. 

Mah cu chim duhmi a si lo. Thet Mon Myint nih hin Chin miphun cu khrifa aa ti i khrihfa biaknak a biami, Chinland cu khrihfa ram aa timi kan si hi 100 ah 100 in a hngalh bak. Lairam ah 80% cu khrifa kan si hrimhrim ti hi thei lo in a um lai lo dah tiah ka ruah. 

Thet Mon Myint cu Kawlram bupi chung i milu rel tlawmte a simi Chinmi kan zapi nih a film/movie thlakmi kan zoh piak, calender ai thlak ah kan cawk, amah ai telnak VCD vialte kan cawk. Tha kan pek mi a si. Kawlram acadami a von hmuh tik zong ah Chinmi tthiam nih a hmai kan hngaltermi nu a si. 

Chinmi nih mah tluk in kan dawt, kan ttanh, tha kan pek i kan i chormi nu Thet Mon Myint nih Chinram le Chinmi hna kan zumhnak le kan biaknak hi a philh lo awk ngai a si. Mifim pakhat a si taktak ahcun Falam le Chinram ah Pura saknak celngel kong hi aa ot lo awk hrim a rak si. 

Aruang cu Chinmi le Chinram nih Thet Mon Myint upat le hmaizahnak hi kan itlak hrimhrim, kan can tawk hrim a si. Chinmi biaknak le zumhnak a upat lo a si ahcun a poi ngaingai. Mifim pi le naing-nganzi tama zong a si hlei lo caah hi kong ahhin amah thluak lawngte cu a si dih hnga maw, ti ka ruat. Sihmanhsehlaw lung cu a tling hrimhrim lo. 

Thet Mon hi ka hmet te lio ah hmaitonh in ka hmuh bal. "A ttawk chia tuk." ka rak timi a si, nain nihin tiang mi sin ah ka chim bal lo. Atu zong ka chim hlei lai lo, nan hmuh ciomi a si ko. A ttawk cu a hnu ah a um i a hnulei tuanbia Chinmi sinah aa dawh lo ding hi ttawk chiat nakin a poi deuh. 

Biaknak zalonnak kan duh, nan ti i ziah Lairam i pura sak cu nan kham len a titu Lai mino fakpi in khua rak ruat hmasa ta law, a tang comment tialnak ah von chim ve te. 

Thet Mon Myint ai telnak VCD, Video, Calender, Cawngia le zeipaoh Boycott tuah cio awk kan si. Amah ai telnak paoh zoh lo, cawk lo le thapek lo cio awk a si.