"Evangelist pawl phungchimnak le caan hmannak hi ka ngaih pah ka kal pah ttheo tawn. A hnudeuh in cun Evangelist pawl cawnpiaktu ah an sawm hna tikah kal khawhnak lam nai zong ka kal ti lo." tiah ka facebook status ah ka rak ttial bal. Mah cu "Ziah na kal in na ngaih duh ti lo?" tiah a ka halmi an rak um.
Mah cu biahalnak cu tliangte chim ko lo, ka rak duh ngai. Aruang cu ka ruahmi chimnak caan a rak ka pek caah a si, nain ka rak let lo. Atu ah ka ruat tthan. Fiang tein ka hngalhmi le atu protestant (baptist/AG ti bantuk RC zumhnak a dotu.) pawl nih kan dirpi pengmi cu "khamhnak cu zangfah/velngeihnak 'lawnglawng' in co a si." timi hi a si. Khamhnak cu zeidah Jesus caah na tuah, zeidah khamh na sinak ding ah na tuah timi ah a um lo, nain Jesus cu thihnak in a kan tlenhtu a si ti kan zumhnak thawng in khamh kan si i thiamcoh kan si, timi kan zumh.
Mah cu thawngtha cu a ziah kan chim ko lo? An chim ko lo? Pum thianhlim maw an kan cawnpiak nun thianhlim? Khrihfabu chung tthawnnak thazang maw an kan pek, izumh lo le tthennak lam ah dah an kan hruai? Khrihfabu sawisel ah maw Jesus min in rian an ttuan, khrihfabu thlaurau thazang pek ding ah? Mah hi biahalnak ruang ah a si bik.
Jesus ka si, aa titu an tam ngai cang kanmah chan chung hmanh ah. Atu zong ah Australia in IT-expert a rak ttuan balmi pa nih Jesus ka si aa ti i a nungak cu Mary Magdalene ka si aa ti ve. Biaknak thar cu Jesus min hmang in a thawk i "Divine Truth" a ti. Atu ah mi tampi nih an zulh. An kalpi mi a tthawn le a kauh khawh nak ding ah phaisa tampi hlu/pe ding in a chim, an thawngpang hmunkip ah an phakter i ram kip in amah bia ngaih ah an kal cang.
Khrihfa hlabu chung ah "Thawngttha dang kha um hmanh seh law, kei nih ka duh ti lo." tiah kan sak. Thawngttha hi evan pawl nih an chim ding ah ka rak ruah, ka rak theih ning a si. Nain atu cu thawngttha an chimmi nakin anmah nih an tuah khawh lomi tamtuk in mi an cawnpiak. Minung an pum in thlen an duh, an nung in van kaiter an duh hna. Mah cu Jesus cawnpiakmi le Bible ah a ummi a si lo. Thianghlor kong khi na rel lo maw, nan ka ti men lai, Pathian nawl lawnglawng a si.
Voi khat cu nungak no tete nih an ka chimh "Mah evan pa nih nan sam colour nan ithuhmi a rannak in thleng uh, hni i fenh uh a kan ti le a thaizing cu kan ithlen dih." a ti. Cun, voi khat cu Evan pakhat tthiam nih "dawh lo tuk hna hi vancung kai khawh lonak a si." tiah a chim hoi. Evan pakhat tthiam nih khrihfabu pakhat cu "Vok khrihfabu, caw khrihfabu" tiah a rak ti tthan hna. Atu lio evan pawl nih cun "khaini, sadah, zu le kuak a tawngmi paoh van nan kai lai lo." an ti hoi hna.
Omg!!!!! (maw ka Pathian, tinak.)
Khaini, kuak, zu hi a ttha ka tinak a si lo. A tthat lo tuk khi ka hngalh. Asinain mah vialte hi cu minung pumpak sinak zong in rak hrial khawhmi, rak hrial lo khawhmi an si. Minung mithmu ah hmai a hngalter lotu, ning a zahtertu an si fawn. Cucu Jesus nih a chimmi vancung pennak he aa dang tuk. Aruang cu nawlbia pakhat te hmanh kan zulh khawh lo caah pei Jesus a rat cu. (mah ti ka ti tikah maw i lawm tuk lai ucih, khaini, sadah, kuak le zu ding hawile, vawlei nan nunchung hrim ah thluachuah nan hmuh lo pinah ningzah le mualphonak pinlei ah pumsa dam lonak a chuahpi khah.)
Minung cu a sualcia in a chuakmi kan si, minung paoh ahohmanh a ding le a thiangmi kan um lo. Kanmah tein kan ithianter kho lo. Sual man thihnak pakhat te lawng a rak um. Mah cu sualman thihnak in luatnak ding le khamhmi sinak ding caah vailamtung ah an tarmi Jesus thisen lawnglawng a um. Amah cu khamhtu a si ti a zummi paoh zungzal nunnak an co. An nun chung zong ah nun an i remh, aruang cu Jesus zultu cu a tthabik lei kam lengmang ah an kal. Tthatnak tuah an i zuam lengmang, nain minung cu an si rih tthiam :)
So! Kanmah nih kan experiance lo mi tamtuk in kan chimmi hi a ttha set maw? Jesus nih cun a thawh hna, "nan nih farasi pawl nih cun nan rel le nan cawnmi lawng kha nan chim, asinain kannih nih cun kan hmuh bakmi le kan ton bakmi kan chim." a ti. Ziah Jesus dawtnak kan rak co ning, khamh kan si kan ifian ning hna tu chim lo in.......
Ka ttialmi hi ka ruat tthan, ruah ding ah ka ttialmi a si. Zeitin na ruah cu ka hngal lo.
Mah cu biahalnak cu tliangte chim ko lo, ka rak duh ngai. Aruang cu ka ruahmi chimnak caan a rak ka pek caah a si, nain ka rak let lo. Atu ah ka ruat tthan. Fiang tein ka hngalhmi le atu protestant (baptist/AG ti bantuk RC zumhnak a dotu.) pawl nih kan dirpi pengmi cu "khamhnak cu zangfah/velngeihnak 'lawnglawng' in co a si." timi hi a si. Khamhnak cu zeidah Jesus caah na tuah, zeidah khamh na sinak ding ah na tuah timi ah a um lo, nain Jesus cu thihnak in a kan tlenhtu a si ti kan zumhnak thawng in khamh kan si i thiamcoh kan si, timi kan zumh.
Mah cu thawngtha cu a ziah kan chim ko lo? An chim ko lo? Pum thianhlim maw an kan cawnpiak nun thianhlim? Khrihfabu chung tthawnnak thazang maw an kan pek, izumh lo le tthennak lam ah dah an kan hruai? Khrihfabu sawisel ah maw Jesus min in rian an ttuan, khrihfabu thlaurau thazang pek ding ah? Mah hi biahalnak ruang ah a si bik.
Jesus ka si, aa titu an tam ngai cang kanmah chan chung hmanh ah. Atu zong ah Australia in IT-expert a rak ttuan balmi pa nih Jesus ka si aa ti i a nungak cu Mary Magdalene ka si aa ti ve. Biaknak thar cu Jesus min hmang in a thawk i "Divine Truth" a ti. Atu ah mi tampi nih an zulh. An kalpi mi a tthawn le a kauh khawh nak ding ah phaisa tampi hlu/pe ding in a chim, an thawngpang hmunkip ah an phakter i ram kip in amah bia ngaih ah an kal cang.
Khrihfa hlabu chung ah "Thawngttha dang kha um hmanh seh law, kei nih ka duh ti lo." tiah kan sak. Thawngttha hi evan pawl nih an chim ding ah ka rak ruah, ka rak theih ning a si. Nain atu cu thawngttha an chimmi nakin anmah nih an tuah khawh lomi tamtuk in mi an cawnpiak. Minung an pum in thlen an duh, an nung in van kaiter an duh hna. Mah cu Jesus cawnpiakmi le Bible ah a ummi a si lo. Thianghlor kong khi na rel lo maw, nan ka ti men lai, Pathian nawl lawnglawng a si.
Voi khat cu nungak no tete nih an ka chimh "Mah evan pa nih nan sam colour nan ithuhmi a rannak in thleng uh, hni i fenh uh a kan ti le a thaizing cu kan ithlen dih." a ti. Cun, voi khat cu Evan pakhat tthiam nih "dawh lo tuk hna hi vancung kai khawh lonak a si." tiah a chim hoi. Evan pakhat tthiam nih khrihfabu pakhat cu "Vok khrihfabu, caw khrihfabu" tiah a rak ti tthan hna. Atu lio evan pawl nih cun "khaini, sadah, zu le kuak a tawngmi paoh van nan kai lai lo." an ti hoi hna.
Omg!!!!! (maw ka Pathian, tinak.)
Khaini, kuak, zu hi a ttha ka tinak a si lo. A tthat lo tuk khi ka hngalh. Asinain mah vialte hi cu minung pumpak sinak zong in rak hrial khawhmi, rak hrial lo khawhmi an si. Minung mithmu ah hmai a hngalter lotu, ning a zahtertu an si fawn. Cucu Jesus nih a chimmi vancung pennak he aa dang tuk. Aruang cu nawlbia pakhat te hmanh kan zulh khawh lo caah pei Jesus a rat cu. (mah ti ka ti tikah maw i lawm tuk lai ucih, khaini, sadah, kuak le zu ding hawile, vawlei nan nunchung hrim ah thluachuah nan hmuh lo pinah ningzah le mualphonak pinlei ah pumsa dam lonak a chuahpi khah.)
Minung cu a sualcia in a chuakmi kan si, minung paoh ahohmanh a ding le a thiangmi kan um lo. Kanmah tein kan ithianter kho lo. Sual man thihnak pakhat te lawng a rak um. Mah cu sualman thihnak in luatnak ding le khamhmi sinak ding caah vailamtung ah an tarmi Jesus thisen lawnglawng a um. Amah cu khamhtu a si ti a zummi paoh zungzal nunnak an co. An nun chung zong ah nun an i remh, aruang cu Jesus zultu cu a tthabik lei kam lengmang ah an kal. Tthatnak tuah an i zuam lengmang, nain minung cu an si rih tthiam :)
So! Kanmah nih kan experiance lo mi tamtuk in kan chimmi hi a ttha set maw? Jesus nih cun a thawh hna, "nan nih farasi pawl nih cun nan rel le nan cawnmi lawng kha nan chim, asinain kannih nih cun kan hmuh bakmi le kan ton bakmi kan chim." a ti. Ziah Jesus dawtnak kan rak co ning, khamh kan si kan ifian ning hna tu chim lo in.......
Ka ttialmi hi ka ruat tthan, ruah ding ah ka ttialmi a si. Zeitin na ruah cu ka hngal lo.
Na tialmi ka lungtling tuk i na caw-ngia voi thum ka hmeh.:)
ReplyDeleteKa lungtling khitkhat..
ReplyDelete