Catialtu Dang Sinin Kai Hlanmi Bia

Laimi hi blog a ngeimi kutdong khiak khim kan si. Ca hrim kan ttial duh lo. A poi ngai ah ka ruah. Atu chan cu cauk theng in chuah lo zong ah nifatin, zei ka tuah ti hngal lo in online le internet, social media ah kan um ko hna caah zapi nih fawi in an rel khawhnak blog, a man pek hau lomi hna hi ituah in ca kan ttial awk ka duh ngai.

Cattial a thiam timi cauk hna tampi a manh, a chuah, a ttialmi lawng khi cattialtu ah kan ruah hna i a poi ka ti. Ahopaoh cattialtu kan si, tuanbia chimtu kan si. Aruang cu kan chuah in kan thih tiang kan tuanbia kanmah tein kan ttial, tuanbia ttialtu kan si. Bible zong nih a chimmi a si.

Voi khat cu kan sianginn chuak thawngthanhca chung ah Fashion Nation timi co-founder le cattialtu Dorothy timi kong tawite an ttialmi ka hmuh. Amah zong blog a ngei ve, kahin zoh te.

A ttialmi tampi chung in tlawmpalte ka relmi ah ka uar ngaimi catlang tete an um. Mah cu ka von tar hna lai;

Amah nih cun Dottie aa ti, a chimmi pakhat cu;

"Someone should write something for our generation. After all, we are in a desperate need to be defined by well-written words.

But what exactly can be written of us? We are not as foolishly brave, or as recklessly crazy. We have too much but do too little. We want everything because quite frankly, we do not know what we want at all."

Um! a ttialmi a ttha tuk le laiholh in leh ding ah keimah caleh thiam lo dangkhat he a pam ngai. Ka von let ti lo.